މާލޭގެ ފަޅު ބޭނުންކުރައްވާ އުޅަނދުފަހަރުގެ ކެޕްޓަނުންނާ، މާލެ ސިޓީގެ މޭޔަރ އާދަމް ޢާޒިމް ބައްދަލުކުރައްވައިފިއެވެ. މި ބައްދަލުކުރެއްވުން އޮތީ، 4 އޮގަސްޓް 2024 ވީ އާދީއްތަ ދުވަހު، މާލެ ސިޓީ ކައުންސިލް ބިއުރޯގައެވެ. މި ބައްދަލުވުމުގައި އެކި ބޭނުންތަކުގައި މާލޭގެ ފަޅު ބޭނުންކުރައްވާ ތަފާތު އުޅަނދު ފަހަރުގެ، ވަރަށް ގިނަ ކެޕްޓަނުން ބައިވެރިވެ ލެއްވިއެވެ. 

			މި ބައްދަލުވުމުގައި މައިގަނޑު ގޮތެއްގައި ވާހަކަ ދެކެވުނީ މާލެ ސިޓީގެ ފަޅު ބޭނުންކުރާ އުޅަނދުފަހަރަށް ކުރިމަތިވާ މައްސަލަތަކާއި އަދި އެ މައްސަލަތަކުގެ ސަބަބުން ކުރިމަތިވާ ދަތި ތަކާއި ލިބެމުންދާ ގެއްލުންތަކާ ބެހޭ ގޮތުންނެވެ. މި ބައްދަލުވުމުގައި މޭޔަރ އާދަމް ޢާޒިމް ދެއްކެވި ވާހަކަފުޅުގައި، އޮޑި ދޯނި ފަހަރުގެ ކެޕްޓަނުން ހުށަހެޅުއްވި މައްސަލަތަކަކީ ޙަޤީޤަތުގައި ވެސް ކުރިމަތިވާ މައްސަލަތައް ކަމަށް ޤަބޫލުފުޅު ކުރައްވާ ކަމާއި އެ މައްސަލަތައް ޙައްލުކޮށް ދެވޭތޯ، އެ މަނިކުފާނަށް ކުރެވެން ހުރި މަސައްކަތްތަކެއް ކުރައްވާނެ ކަމަށް ވިދާޅުވިއެވެ. 

			ކައުންސިލް ބިއުރޯގައި ބޭއްވި ބައްދަލުވުމަށް ފަހު، އޮޑި ދޯނިފަހަރުގެ ކެޕްޓަނުންނާއެކު މާލޭ ބަދަރު ސަރަހައްދަށް މޭޔަރ އާދަމް ޢާޒިމް ވަޑައިގެން އެ ސަރަޙައްދުގައި ހުރި މައްސަލަތައް ބައްލަވައިލެއްވިއެވެ. 

Male' Falhu Beynun kuraa Ulhandhu faharuge Verinnai Mayor Adam Azim Bahadhalu kurevvun