މާލެ ސިޓީއަކީ، ޒަމާނީ ސްމާޓް ސިޓީއަކަށް ބަދަލުކުރުމާ ގުޅޭގޮތުން، ޗައިނާގެ ބެއިޖިންގެ ޖޮންގުއަންކުން ސްމާޓް ސިޓީ ކޯ ލިމިޓެޑްގެ މަންދޫބުންނާ މާލެ ސިޓީގެ މޭޔަރ އާދާމް ޢާޒިމް ބައްދަލުކުރައްވައި މަޝްވަރާކުރައްވައިފިއެވެ.

އޮންލައިންކޮށް ކުރިއަށްދިޔަ މި ބައްދަލުވުމުގައި ދެ ފަރާތުން ވަނީ، ސިޓީގެ ތަރައްޤީއަށް ގެނެވިދާނެ ޒަމާނީ ބަދަލުތަކާ ގުޅޭގޮތުން ފުޅާ ދާއިރާއެއްގައި ވާހަކަފުޅު ދައްކަވައިފައެވެ.

މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ، ސްމާޓް ސިޓީ އިނޮވޭޝަނާއި، ސިޓީތަކަށް ގެނެވޭނެ ޒަމާނީ ބަދަލުތަކާ ގުޅޭގޮތުންނެވެ. ޚާއްޞަކޮށް ޓެކްނޮލޮޖީއާއި ޑޭޓާގެ އެހީގައި ހިންގާ ގަވަރނަންސް ނިޒާމުތަކުގެ ބޭނުން ހިފައިގެން ސިޓީގެ ހިންގުން ހަރުދަނާކުރުމާ ގުޅޭގޮތުން، ދެ ފަރާތުން ޚިޔާލު ބަދަލުކުރެއްވިއެވެ.

މީގެ އިތުރުން، ބައިނަލްއަގުވާމީ އެންމެ ރަނގަޅު އުޞޫލުތަކުގެ އަލީގައި މާލެ ސިޓީއަކީ ސްމާޓް، ދެމެހެއްޓެނިވި އަދި ވިލުންތެރި ސިޓީއަކަށް ހެދުމަށް ކުރެވިދާނެ މަސައްކަތްތަކަށް މި ބައްދަލުވުމުގައި އަލިއަޅުވައިލައިފައިވެއެވެ. މިއީ މާލެ ސިޓީގެ ތަރައްޤީއަށް ބޭނުންވާ ޒަމާނީ ވަސީލަތްތައް ދެނެގަތުމަށް އެޅުނު މުހިންމު ފިޔަވަޅެއްގެ ގޮތުގައި މާލެ ސިޓީ ކައުންސިލުން ފާހަގަކުރެއެވެ.

ކުރިމަގުގައި ޖޮންގުއަންކުން ސްމާޓް ސިޓީ ކޯ ލިމިޓެޑާއި މާލެ ސިޓީ ކައުންސިލާ ގުޅިގެން މަސައްކަތް ކުރެވިދާނެ ދާއިރާތަކާ ގުޅޭގޮތުން ވެސް މި ބައްދަލުވުމުގައި ވަނީ މަޝްވަރާކޮށްފައެވެ.

މޭޔަރ އާދާމް ޢާޒިމްގެ މި އިސްނެންގެވުމާއެކު، މާލޭގެ ހިންގުން ޑިޖިޓަލައިޒްކޮށް، ރައްޔިތުންނަށް ދެވޭ ޚިދުމަތްތައް ލުއިފަސޭހަ ކުރުމަކީ، މި މަޝްވަރާތަކުގެ މައިގަނޑު އެއް މަޤުޞަދެވެ.

މި ބައްދަލުވުމުގައި މޭޔަރ ޢާޒިމްގެ އިތުރުން ގަލޮޅު ދެކުނު ދާއިރާގެ ކައުންސިލަރު އިސްމާޢީލް ހަލީމާއި ކައުންސިލްގެ ޑިރެކްޓަރ ޖެނެރަލް އިބްރާހިމް ރަޝީދު ބައިވެރިވެވަޑައިގެންނެވި އެވެ. 

މާލެ ސިޓީ ސްމާޓް ސިޓީއަކަށް ބަދަލުކުރުމަށް ޗައިނާގެ ކުންފުންޏަކާއެކު މަޝްވަރާކޮށްފި

ހައްދުންމަތީ ގަމު ކައުންސިލްގެ މެންބަރުން މާލެ ސިޓީގެ މޭޔަރ އާދަމް ޢާޒިމާ ބައްދަލުކުރައްވައި، ދެ ކައުންސިލް ގުޅިގެން މަސައްކަތް ކުރެވިދާނެ ދާއިރާތަކާ ގުޅޭގޮތުން މަޝްވަރާ ކުރައްވައިފިއެވެ. މި ބައްދަލުވުން ކުރިއަށްދިޔައީ މާލެ ސިޓީ ކައުންސިލްގެ އިދާރާގައެވެ.

މި ބައްދަލުވުމާ ގުޅޭގޮތުން މޭޔަރ އާދަމް ޢާޒިމް ވިދާޅުވީ، މާލެ ސިޓީ ކައުންސިލާއި ގަމު ކައުންސިލް ގުޅިގެން ކުރެވިދާނެ ކަންތައްތަކާ ބެހޭ ގޮތުން މި ބައްދަލުވުމުގައި ފުޅާ ދާއިރާއެއްގައި މަޝްވަރާ ކުރެވުނު ކަމަށެވެ. މީގެ ތެރޭގައި ދެ ކައުންސިލްގެ ގުޅުން ބަދަހިކުރުމާއި އެކި ދާއިރާތަކުން އެއްބާރުލުންދީ މަޢުލޫމާތު ހިއްސާކުރުން ހިމެނެއެވެ.

މި ބައްދަލުވުމުގައި ނިންމުނު މުހިންމު ކަންތައްތަކުގެ ތެރޭގައި، ގަމު ކައުންސިލްގެ މުއައްޒަފުން ހިންގުމުގެ ދާއިރާއަށާއި ޓެކްނޮލޮޖީއަށް އަހުލުވެރިކުރުވައި، ފަންނީ ޤާބިލްކަން އިތުރުކުރުމަށް މާލެ ސިޓީ ކައުންސިލުން ތަމްރީނު ޕްރޮގްރާމްތަކެއް ހިންގުން ހިމެނެއެވެ. މިއީ ދެ ކައުންސިލްގެ މެދުގައި ފަންނީ އެހީތެރިކަން ފޯރުކޮށްދިނުމަށް އެއްބަސްވި މުހިންމު ދާއިރާއެކެވެ.

މޭޔަރ ޢާޒިމް އިތުރަށް ފާހަގަކުރެއްވި ގޮތުގައި، ރާއްޖޭގެ އެކި ކައުންސިލްތަކުގެ މެންބަރުންނާ ބައްދަލުކުރަން ލިބޭ ކޮންމެ ފުރުޞަތަކީ ނުހަނު އުފަލާއެކު ބަލައިގަންނަ ފުރުޞަތެކެވެ. މިފަދަ ބައްދަލުވުންތަކުގެ ސަބަބުން ކައުންސިލްތަކުގެ މެދުގައި އޮންނަ ގުޅުން އިތުރަށް ބަދަހިވެގެންދާނެ ކަމަށް މޭޔަރ ވިދާޅުވިއެވެ.

މި ބައްދަލުވުމަކީ ރާއްޖޭގެ ލާމަރުކަޒީ ނިޒާމު ހަރުދަނާކުރުމަށް އެޅޭ މުހިންމު ފިޔަވަޅެއްގެ ގޮތުގައި ބެލެވެއެވެ. ކައުންސިލްތަކުގެ މެދުގައި މިފަދަ ގުޅުންތައް ގާއިމުވުމަކީ ރަށްރަށުގެ ތަރައްޤީއަށާއި އިދާރީ ހިންގުން ހަރުދަނާކުރުމަށް ލިބޭ ބޮޑު ބާރެކެވެ.

ހައްދުންމަތީ ގަމު ކައުންސިލް މެމްބަރުން މާލެ ސިޓީ މޭޔަރާ ބައްދަލުކޮށްފި

މާލެ ސިޓީ ކައުންސިލާއި ޔުނައިޓެޑް ނޭޝަންސް އިކޮނޮމިކް އެންޑް ސޯޝަލް ކޮމިޝަން ފޯ އޭޝިއާ އެންޑް ދަ ޕެސިފިކް (އެސްކެޕް) ގުޅިގެން، ކަމާ ގުޅުން ހުރި ދާއިރާތަކާއެކު މާލޭގެ ތޮއްޖެހުން ކުޑަކުރުމާއި ކާރިސާތަކުން ރައްކާތެރިވުމާ ގުޅޭ ދެ ދުވަހުގެ މަޝްވަރާ ބައްދަލުވުމެއް މިއަދު ފަށައިފިއެވެ. 

މީރޫމާ ހޮޓަލުގައި ކުރިއަށްދާ މި ބައްދަލުވުން ރަސްމީކޮށް ފައްޓަވައިދެއްވީ މާލެ ސިޓީގެ މޭޔަރ އާދަމް ޢާޒިމްއެވެ.

 މި މަޝްރޫއަކީ މޭޔަރ ޢާޒިމްގެ އިސްނެންގެވުމުގެ ދަށުން، އެސްކެޕްގެ ފަންނީ އަދި މާލީ އެހީތެރިކަމާއެކު ކުރިއަށްގެންދާ ފުޅާ މަޝްރޫއެކެވެ. 

މި މަޝްރޫއުގެ މައިގަނޑު މަގްސަދަކީ ވެރިރަށް މާލެއަށް ދިމާވެފައިވާ ތޮއްޖެހުމުގެ މައްސަލަތަކަށް ދާއިމީ ހައްލެއް ހޯދުމާއި، އާންމު ދަތުރުފަތުރުގެ ނިޒާމު ހަރުދަނާކުރުމެވެ. މީގެ އިތުރުން، ގުދުރަތީ ކާރިސާތަކުން ރައްކާތެރިވުމަށްޓަކައި މާލޭގެ އުމްރާނީ ވަސީލަތްތައް ވަރުގަދަކުރުމަކީވެސް މި މަސައްކަތުގެ މުހިންމު ބައެކެވެ.

މި މަސައްކަތުގެ ދަށުން ކުރިއަށްގެންދިޔަ ދިރާސާގައި މައިގަނޑު ގޮތެއްގައި ބަލާފައިވަނީ މީހުން ގެންގުޅޭ އުޅަނދުފަހަރުގެ އަދަދާއި، ދަތުރުފަތުރު ކުރުމުގައި ބޭނުންކުރާ ވަސީލަތްތަކުގެ އިތުރުން މި ނިޒާމުގައި ހުރި ގޮންޖެހުންތަކަށެވެ. ޑޭޓާ އެއްކުރުމުގެ މަރުހަލާގައި ސިޓީ ކައުންސިލްގެ ކޮމިއުނިޓީ އެންގޭޖްމަންޓް ޔުނިޓުގެ 20 މުވައްޒަފުން ވަނީ މާލެ، ހުޅުމާލެ އަދި ވިލިމާލެ ހިމެނޭހެން 1,000 އަށްވުރެ ގިނަ ގޭބިސީއަށް ޒިޔާރަތްކޮށް މައުލޫމާތު އެއްކޮށްފައެވެ.

މީރުމާ ހޮޓަލްގައި ކުރިއަށްދާ މި މަސައްކަތު ބައްދަލުވުމުގައި ކަމާބެހޭ އިދާރާތަކުގެ އޮފިޝަލުންނާއި، ދަތުރުފަތުރުގެ ހިދުމަތްދޭ ފަރާތްތަކުގެ އިތުރުން ފަންނީ މާހިރުން ބައިވެރިވެއެވެ. ބައްދަލުވުމުގެ ބައިވެރިން މަޝްވަރާ ކުރަމުންދަނީ ދާދިފަހުން ކުރިއަށްގެންދިޔަ 'އާބަން މޮބިލިޓީ ސާވޭ' (ޔޫ.އެމް.އެސް) އަދި 'ޑިޒާސްޓާ ރިސްކް އެސެސްމަންޓް' (ޑީ.އާރް.އޭ) އިން ފާހަގަވި ކަންކަމާ ގުޅޭގޮތުންނެވެ.

މި މަޝްވަރާތަކުން ލިބޭ މައުލޫމާތުތަކުގެ އަލީގައި، ގްރޭޓާ މާލެ ސަރަހައްދަށް ހާއްސަ "ތޮއްޖެހުން ކުޑަކުރުމާއި ކާރިސާތަކުން ރައްކާތެރިވުމުގެ ރޯޑްމެޕް" އެކުލަވައިލެވޭނެއެވެ.

މީގެ ތެރޭގައި އަމިއްލަ އުޅަނދުތައް ގެންގުޅުމާއި ޕާކިން މެނޭޖްކުރުން، އާންމު ދަތުރުފަތުރާއި ޓެކްސީގެ ހިދުމަތް ފުރިހަމަކުރުން، އަދި ހިނގާބިނގާވެ އުޅުމަށް ފަސޭހަ މާހައުލެއް ގާއިމުކުރުން ފަދަ މުހިންމު ދާއިރާތައް ހިމެނެއެވެ.

މާލެ ސިޓީ ކައުންސިލާއި ޔޫއެން އެސްކެޕް ގުޅިގެން ތޮއްޖެހުން ކުޑަކުރުމާއި ކާރިސާތަކުން ރައްކާތެރިވުމާ ގުޅޭ މަސައްކަތު ބައްދަލުން ފަށައިފި

މާލޭގެ މަގުތަކުގެ ބޮޑު ބައެއް އުޅަނދުފަހަރު، ޚާއްޞަކޮށް ސައިކަލުތައް ހިއްސާކުރާއިރު، އެއްގަމު ދަތުރުފަތުރުގެ ސަބަބުން އަހަރަކު 187,000 ޓަނުގެ ކާބަންޑައިއޮކްސައިޑް ޖައްވަށް ބޭރުވާ ކަމަށް މާލެ ސިޓީގެ މޭޔަ އާދަމް ޢާޒިމް ވިދާޅުވެއްޖެއެވެ. 

މޭޔަރު މިފަދައިން ވިދާޅުވީ މާލެ ސިޓީ ކައުންސިލާއި ޔުނައިޓެޑް ނޭޝަންސް އިކޮނޮމިކް އެންޑް ސޯޝަލް ކޮމިޝަން ފޯ އޭޝިއާ އެންޑް ދަ ޕެސިފިކް (އެސްކެޕް) ގުޅިގެން، މާލޭގެ ތޮއްޖެހުން ކުޑަކުރުމާއި ކާރިސާތަކުން ރައްކާތެރިވުމާ ގުޅޭގޮތުން މިއަދު ފެށި މަސައްކަތު ބައްދަލުވުމެއްގައެވެ.

މާދަމާގެ ނިޔަލަށް މީރުމާ ހޮޓަލުގައި ކުރިއަށްގެންދާ މި މަސައްކަތު ބައްދަލުވުން ފެށުމުގެ ރަސްމިއްޔާތުގައި ވާހަކަފުޅުދައްކަވަމުން މޭޔަރު ޢާޒިމް ވިދާޅުވީ، ޖައްވަށް ބޭރުވާ މި ގޭސްތަކުގެ ތެރެއިން 60 އިންސައްތައަށްވުރެ ގިނައީ މާލެ ސިޓީން ބޭރުވާ ގޭސްކަމަށެވެ. މިއީ ނުރައްކާތެރި މިންވަރެއްކަން ފާހަގަކުރައްވައި، މިއީ ނައިޓްރޯޖަން އޮކްސައިޑްސް އަދި ބްލެކް ކާބަން ތަޣައްޔަރުވުމުގެ މައިގަނޑު ސަބަބު ކަމަށްވެސް މޭޔަރު ވިދާޅުވިއެވެ.

މާލެ ސަރަހައްދުގައި މީހުން ދަތުރުފަތުރުކުރާ ގޮތް ދެނެގަތުމަށް އެސްކޭޕްގެ އެހީތެރިކަމާއެކު ދާދިފަހުން ކުރިއަށްގެންދިޔަ "އާބަން މޮބިލިޓީ ސާވޭ" އަށް އަލިއަޅުއްވާލައްވަމުން މޭޔަރު ވިދާޅުވީ، މި ސާވޭއިން އުޅަނދުފަހަރު ގެންގުޅޭ މިންވަރާއި، ތޮއްޖެހުން ބޮޑު ސަރަހައްދުތަކާއި، ހިނގާބިނގާވެ އުޅޭ މީހުންނަށް ހުރި ގޮންޖެހުންތަކާ ގުޅޭ މުހިންމު މައުލޫމާތުތަކެއް އެއްކުރެވިފައިވާ ކަމަށެވެ. މިއީ "ރީތިންކް މާލެ ސިޓީ" އިސްނެގުމުގެ ބިންގާ ކަމަށް އޭނާ ވިދާޅުވިއެވެ.

މޭޔަރުގެ ވާހަކަފުޅުގައި މާލެ ސިޓީއާ މެދު ގެންގުޅުއްވާ އިސްތިރާޖީ ތަސައްވުރުތައް ހިއްސާކުރައްވަމުން ވިދާޅުވީ، އޭނާގެ އަމާޒަކީ ހިނގާބިނގާވެ އުޅެވޭ، ފިނި، އަދި ރައްކާތެރި ސިޓީއަކަށް މާލެ ހެދުން ކަމަށެވެ. "އަޅުގަނޑުމެންގެ ކާބަފައިންގެ ފަރާތުން ވާރުތަވި ސިޓީއަށްވުރެ މާ ފުރިހަމަ ސިޓީއެއް އަޅުގަނޑުމެންގެ ދަރިންނަށް ދޫކޮށްދިއުމަށް އަޒުމް ކަނޑައަޅަމާ ހިނގާށެވެ،" މޭޔަރު ވިދާޅުވިއެވެ.

މި މަސައްކަތު ބައްދަލުވުމުން ލިބޭ ތަޖުރިބާކާރުންގެ ލަފަޔާއި އިރުޝާދާއެކު، މާލެއަކީ މިހާރަށްވުރެ ތޮއްޖެހުން ކުޑަ އަދި ތިމާވެއްޓާ ރައްޓެހި ތަނަކަށް ބަދަލުކުރުމަށް ކައުންސިލުން މަސައްކަތް ކުރާނެ ކަމުގެ ޔަގީންކަން މޭޔަރު ދެއްވިއެވެ. ދިވެހިރާއްޖެއިން 2030 ވަނަ އަހަރާ ހަމައަށް 'ނެޓް-ޒީރޯ' ގައުމަކަށް ވުމަށް ހިފާފައިވާ އަމާޒަށް ވާސިލުވުމަށް މިފަދަ އިސްލާހީ ފިޔަވަޅުތައް މުހިންމުކަން އެމަނިކުފާނު ފާހަގަކުރެއްވިއެވެ.

މި ބައްދަލުވުމުގައި އެސްކޭޕްގެ ޓްރާންސްޕޯޓް ޑިވިޜަންގެ ސެކްޝަން ޗީފް ޑރ. ކެޓްރިން ލޫގަރ އާއި މާލެ ސިޓީގެ ކައުންސިލަރުންނާއި ސަރުކާރުގެ އިސްވެރިންގެ އިތުރުން އެކި މުއައްސަސާތަކުގެ ވެރިން ބައިވެވަޑައިގެންނެވިއެވެ.

މާލޭގެ އެއްގަމު ދަތުރުފަތުރުގެ ސަބަބުން އަހަރަކު 187,000 ޓަނުގެ ކާބަންޑައިއޮކްސައިޑް ޖައްވަށް ބޭރުވޭ: މޭޔަރ ޢާޒިމް

މާލޭގެ މަސްޖިދުލް ޖަލާލުއްދީން މިސްކިތުގެ ފާރުތަކުން ނެއްޓިފައިވާ މާބުލްތައް އަލުން ހަރުކުރުމުގެ މަސައްކަތް މާލެ ސިޓީ ކައުންސިލުން ފަށައިފިއެވެ.

މިއީ މިސްކިތް މަރާމާތުކޮށް ބެލެހެއްޓުމަށް ކުރިއަށްގެންދާ މަސައްކަތްތަކުގެ ތެރޭގައި ހިމަނައިގެން ކުރާ ކަމެކެވެ.

މަސްޖިދުލް ޖަލާލުއްދީނަކީ މާލޭގައި ހުންނަ ޖާގަ ތަނަވަސް، އާންމުކޮށް ގިނަ ބަޔަކު ނަމާދުކުރާ މަޝްހޫރު ބޮޑު މިސްކިތެކެވެ. މި މިސްކިތުގެ ބައެއް ދިމަދިމާއިން މާބުލްތައް ނެއްޓިފައި ހުރުމުގެ ސަބަބުން މިސްކިތުގެ ރީތިކަން ގެއްލި، އާންމުންނަށް ދަތިތަކެއް ކުރިމަތިވަމުންދާތީ އެކަން ހައްލުކުރުމަށް ވަނީ ނިންމާފައެވެ.

މި މަސައްކަތާ ގުޅޭގޮތުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، މިސްކިތްތަކަކީ އެންމެ މަތީ ދަރަޖައަށް ބަލަހައްޓަންޖެހޭ ތަންތަން ކަމަށެވެ. އަދި މިސްކިތްތަކުގެ މަރާމާތަށް ކުރަންޖެހޭ ކަންކަން ކައުންސިލުން އިސްކަންދީގެން އަބަދު ވެސް ކުރަމުންދާނެ ކަމަށް މޭޔަރ ފާހަގަކުރެއްވިއެވެ.

މިސްކިތްތަކުގެ އާބާތުރަ ފިލުވައި، ނަމާދުކުރަން އަންނަ ފަރާތްތަކަށް ފަސޭހަ މާހައުލެއް ގާއިމުކޮށްދިނުމަކީ ސިޓީ ކައުންސިލުން ހާއްސަ ސަމާލުކަމެއް ދީގެން ކުރަމުންދާ މަސައްކަތެކެވެ. ޖަލާލުއްދީން މިސްކިތުގެ މާބުލްތައް ހަރުކޮށް ނިމުމުން މިސްކިތުގެ ސާފުތާހިރުކަމާއި ރީތިކަން އިތުރުވެގެންދާނެއެވެ.

މަސްޖިދުލް ޖަލާލުއްދީންގައި ނެއްޓިފައިވާ މާބުލްތައް ހަރުކުރުމުގެ މަސައްކަތް ފަށައިފި

މާލެ ސަރަޙައްދުގައި މަދިރި އުފެދޭ ގޮތަށް ހުރި ތަންތަން ބަލައި ޗެކްކުރުމުގެ ޚާއްސަ މަސައްކަތްތަކެއް މާލެ ސިޓީ ކައުންސިލުން ފަށައިފިއެވެ.

މި ހަރަކާތަކީ މާލޭގެ ސާފުތާހިރުކަން ދަމަހައްޓައި، ބަލިމަޑުކަމުން ރައްކާތެރިވުމަށް ކުރިއަށްގެންދާ ސިލްސިލާ މަސައްކަތްތަކުގެ ބައެކެވެ.

މި މަސައްކަތްތައް އަމަލީގޮތުން ކުރިއަށް ގެންދަނީ މާލެ ސިޓީ ކައުންސިލްގެ ޕެސްޓް ކޮންޓްރޯލް ޔުނިޓުންނެވެ. ފާހަގަކޮށްލެވޭ ގޮތުގައި، މަދިރި ކޮންޓްރޯލް ކުރުމަކީ އަބަދުވެސް މާލެ ސިޓީ ކައުންސިލުން މެދުނުކެނޑި ކުރަމުން އަންނަ މުހިންމު މަސައްކަތެކެވެ.

މި ކަމާ ގުޅޭ ގޮތުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، "މަދިރި ކޮންޓްރޯލް ކުރުމުގެ ގޮތުން މިދުވަސްވަރު ޚާއްސަ ސަމާލުކަމެއް ދީގެން މާލެ ސިޓީ ކައުންސިލުން ކުރިއަށް ގެންދާ މަސައްކަތް ތަކުގެތެރޭގައި މާލެ އާއި، ވިލިމާލެ ހިމެނޭހެން އެކި ސަރަޙައްދުތަކަށް ބަހާލައިގެން ފޮގް ކުރުމާއި، މަދިރި އުފެދޭގޮތަށް ހުންނަ ތަންތަން މަދިރި ބޭސް އަޅާ ނައްތާލުމުގެ މަސައްކަތް ހިމެނޭ" ކަމަށެވެ.

މި ޕްރޮގްރާމްގެ ދަށުން، މާލެ އާއި ވިލިމާލޭގެ އެކި ސަރަހައްދުތަކުގައި ފެން ހަރުލާ ގޮތަށް ހުންނަ ތަންތަން ދެނެގަނެ، އެފަދަ ތަންތަން ނައްތާލުމަށް ވަނީ ރޭވިފައެވެ. މީގެ އިތުރުން ބަލި ފަތުރާ މަދިރި މަދުކުރުމަށްޓަކައި ގަވާއިދުން ފޮގް ކުރުމުގެ މަސައްކަތްވެސް ކުރިއަށްދާނެއެވެ.

މި މަސައްކަތުގެ މައިގަނޑު މަގްސަދަކީ މަދިރީގެ ޒަރީއާއިން ފެތުރޭ ބަލިތަކުން ރައްޔިތުން ރައްކާތެރިކުރުމާއި، ދިރިއުޅުމުގެ މާހައުލަކީ ސިއްހީ ގޮތުން ރައްކާތެރި ތަނަކަށް ހެދުމެވެ. 

ޚާއްސަ ސަމާލުކަމެއް ދީގެން މަދިރި ކޮންޓްރޯލް ކުރުމުގެ މަސައްކަތް ކައުންސިލުން ފަށައިފި

ލީޑަރުންނަކީ ހަމައެކަނި ލީޑް ކުރާ ބައެއް ނޫން ކަމަށާއި، އެއީ ފޮލޯ ވެސް ކުރަން ޖެހޭ ބައެއް ކަމަށް މާލެ ސިޓީގެ މޭޔަރ އާދަމް ޢާޒިމް ވިދާޅުވެއްޖެއެވެ.

މޭޔަރ ޢާޒިމް މިހެން ވިދާޅުވީ މާލެ ސިޓީ ކައުންސިލްގެ އިސް ވެރިންނާއި ކައުންސިލަރުންނަށް އަމާޒުކޮށްގެން މިއަދު މީރުމާ ހޮޓަލުގައި ކުރިއަށް ގެންދިޔަ "ކަލްޗަރ އެންޑް ސަރވިސް އެކްސެލެންސް މާސްޓަރކްލާސް" ތަމްރީނު ޕްރޮގްރާމްގައި ވާހަކަފުޅު ދައްކަވަމުންނެވެ.

މަޝްހޫރު މޯޓިވޭޝަނަލް ސްޕީކަރު އަފީފް ހުސައިން ނަގައިދެއްވި މި ސެޝަންގައި ވާހަކަފުޅު ދައްކަވަމުން މޭޔަރ ޢާޒިމް ވިދާޅުވީ، ލީޑަރެއްގެ ކިބައިގައި ހުންނަން ޖެހޭ އެންމެ މުހިންމު ދެ އަސާސަކީ ލީޑް ކުރުމާއި ފޮލޯ ކުރުން ކަމަށެވެ. އަދި ލީޑަރަކީ އަނެކާއަށް ވުރެ މަތީ މީހެއް ކަމަށް ދެކިގެން އުޅުމަކީ ލީޑަރެއްގެ ކިބައިގައި ހުރެގެންވާނެ ސިފައެއް ނޫން ކަމަށް ވެސް ޢާޒިމް ފާހަގަކުރެއްވިއެވެ.

"މީހާ މައްޗަށް ދާވަރަކަށް ތިރީގައި ވެސް ހުންނަން ދަސްކުރަން ޖެހޭ. މީހުންނަށް އިހްތިރާމް ކުރަން ދަސްކުރަން ޖެހޭ. އަދި އެންމެ އާދައިގެ މީހާއަކީ އެންމެ މުހިންމު މީހާ ކަމަށް ދެނެގަންނަން ޖެހޭނެ،" މޭޔަރ ޢާޒިމް ވިދާޅުވިއެވެ. މިގޮތުން ތަނެއްގެ މަސައްކަތު މީހާއަކީ އެންމެ މުހިންމު މީހާ ކަމަށް ދެކެން ޖެހޭނެ ކަމަށާއި، އޭނާއަށް އެންމެ ބޮޑު އިހްތިރާމެއް ނުދެވޭ ނަމަ އެއީ ލީޑަރެއްގެ ގޮތުން ފެއިލްވުން ކަމަށް ވެސް މޭޔަރ ޢާޒިމް ވިދާޅުވިއެވެ.

މީގެ އިތުރުން، އަމާނާތްތެރިކަމާއި، އިހްތިރާމާއި، މެދުނުކެނޑި ހިދުމަތްތައް ތަރައްގީކޮށް ފެންވަރު ރަނގަޅު ހިދުމަތްތަކެއް ފޯރުކޮށްދިނުމަކީ ރައްޔިތުންގެ އިތުބާރު ހޯދުމަށާއި ލޯކަލް ގަވަރނަންސް ވަރުގަދަކުރުމަށް އޮތް އެންމެ މުހިންމު މަގުކަން މޭޔަރ ޢާޒިމް ފާހަގަކުރެއްވިއެވެ. މިފަދަ ތަމްރީނުތަކުގެ ސަބަބުން މުވައްޒަފުންގެ ވިސްނުމާއި ފިކުރު އެއްގޮތްވެ، އެންމެން އެކުގައި މަސައްކަތް ކުރަން ދަސްވާނެ ކަމަށް ވެސް ވިދާޅުވިއެވެ.

މި ތަމްރީނު ޕްރޮގްރާމް ނިންމުމަށްފަހު، ސެޝަން ނަގައިދެއްވި އަފީފް ހުސައިންގެ ހިދުމަތުގެ އަގުވަޒަންކުރުމުގެ ގޮތުން މާލެ ސިޓީ ކައުންސިލުން ވަނީ އޭނާއަށް ހަދާނީ ފިލައެއް އަރުވާފައެވެ.

މޭޔަރ ޢާޒިމް ވިދާޅުވި ގޮތުގައި ކުރިއަށް އޮތް ތަނުގައި ވެސް މިފަދަ ބޭނުންތެރި ސެޝަންތައް ކައުންސިލުން ކުރިއަށް ގެންދާނެއެވެ.

ލީޑަރުންނަކީ ހަމައެކަނި ލީޑް ކުރާ ބައެއް ނޫން، ފޮލޯ ކުރަން ވެސް ދަންނަން ޖެހޭ: މޭޔަރ ޢާޒިމް

މާލޭ ކުދީނާ ގޯޅީގައި ހިންގަމުންދާ "ފުޑް ބިސްޓްރޯ" ކެފޭގެ ދުންހޮޅިން ޒިކުރާ މިސްކިތުގެ ތެރެއަށް ދުމާއި ވަސް ވަންނަ މައްސަލަ ހައްލުނުކުރުމުން، މާލެ ސިޓީ ކައުންސިލުން އެތަން ބަންދުކޮށްފިއެވެ.

މި ފިޔަވަޅު އަޅާފައިވަނީ ހުސްވި ހަފްތާގެ ހުކުރު ނަމާދު ވަގުތު އެތަނުން ކައްކާ އެއްޗެހީގެ މިރުސްވަހުގެ ސަބަބުން މިސްކިތުގައި ތިބި މީހުންނަށް ނަމާދުކުރަން އުނދަގޫވެ، ހުށަހެޅުނު ޝަކުވާތަކާ ގުޅިގެންނެވެ.

އެތަނުގެ ދުންހޮޅިން މިސްކިތަށް ދުމާއި ވަސް ވަންނާތީ އެކަން ރަނގަޅު ކުރުމަށް ކައުންސިލްގެ ކޮމިއުނިޓީ އެންގޭޖްމެންޓް ޔުނިޓުން ތަކުރާރުކޮށް ނަސޭހަތްތެރިވެފައިވެއެވެ. ނަމަވެސް، އެކަން އިސްލާހުކޮށްފައި ނުވާތީ، ހުކުރު ނަމާދަށްފަހު އެ ޔުނިޓުން ވަނީ އެތަނަށް ގޮސް، ދުންހޮޅީގެ މައްސަލަ ހައްލުކުރެވެންދެން ޚިދުމަތް ހުއްޓުވައި ތަން ބަންދުކޮށްފައެވެ.

މި އޮޕަރޭޝަނުގެ ތެރޭގައި ކޮމިއުނިޓީ އެންގޭޖްމެންޓް ޔުނިޓުގެ މުވައްޒަފުން އެތަނަށް ވަނުމާއެކު، އެތަނުގައި ކައްކަން ތިބި ބިދޭސީންނާއި ޚިދުމަތް ހޯދަން ގޮސް ތިބި ބިދޭސީންގެ ތެރެއިން ގިނަ ބަޔަކު ވަނީ ދުވެ ފިލާފައެވެ. މިއީ ގަވާއިދާ ހިލާފަށް އުޅޭ ބިދޭސީންތަކެއް ކަމަށް ބެލެވޭ ކަމަށް ކައުންސިލަށް ވަނީ މައުޅޫމާތު ލިބިފައެވެ. 

މިކަމާ ގުޅިގެން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، އާންމުންނަށް އުނދަގޫވާ ގޮތަށް އަދި ހާއްސަކޮށް މިސްކިތްތަކުގެ ހުރުމަތް ގެއްލޭ ގޮތަށް ހިންގާ މިފަދަ ކަންކަމަށް ފުރުސަތު ނުދެއްވާނެ ކަމަށެވެ. އަދި ކައުންސިލުން ދޭ އިރުޝާދުތަކަށް އަމަލުނުކުރާ ފަރާތްތަކާ މެދު ގަވާއިދުގެ ތެރެއިން ހަރުކަށި ފިޔަވަޅު އަޅުއްވާނެ ކަމަށްވެސް މޭޔަރު ފާހަގަކުރެއްވިއެވެ.

ޒިކުރާ މިސްކިތަށް ދުން ވަންނާތީ ކުދީނާ ގޯޅީގައި ހުރި 'ފުޑް ބިސްޓްރޯ' ބަންދުކޮށްފި

މާލެ ސިޓީ ކައުންސިލުން ނަގަންޖެހޭ ހުއްދަ ބޯޑު ނެތި، މަގުމަތީގެ ޕޭވްމަންޓް މަތީގައި މަސައްކަތް ކުރަމުންދިޔަ ފަރާތެއް ހުއްޓުވައި، އެ ފަރާތް ޖޫރިމަނާ ކޮށްފިއެވެ.

މަގުމަތީގައި އެއްވެސް ބާވަތެއްގެ މަސައްކަތެއް ކުރާނަމަ، އެކަމަށް ބޭނުންވާ ޚާއްޞަ ހުއްދަތަކެއް ނަގަންޖެހެއެވެ.

 މި ހުއްދަތަކަކީ ކައުންސިލގެ ރޯޑް ޝެކްޝަނުން ދޫކުރާ ހުއްދަތަކެއް ކަމަށާއި، މަސައްކަތް ކުރާ ސަރަހައްދުގައި އެ ހުއްދަ ބޯޑު ފެންނަން ހުންނަން ޖެހޭނެ އެވެ. "މަގުމަތީގައި މަސައްކަތް ކުރާނަމަ، ނަގަން ޖެހޭ ހުއްދަތަކެއް ހުރޭ. އެހުއްދަ ދޫކުރަނީ ކައުންސިލުން،" 

މިފަދަ ފިޔަވަޅުތަކަކީ މަގުމަތީގެ ރައްކާތެރިކަން ކަށަވަރުކުރުމަށާއި، އާންމުންނަށް ދަތިނުވާނެހެން އުސޫލުތަކުގެ ތެރެއިން މަސައްކަތްތައް ކުރިއަށް ގެންދިއުމަށް ބާރުއެޅުމުގެ ގޮތުން އަޅަމުންދާ ފިޔަވަޅުތަކެކެވެ.

ހުއްދަ ނެތި މަގުމަތީގައި މަސައްކަތް ކުރާ ފަރާތްތަކާމެދު ކުރިއަށް އޮތް ތަނުގައިވެސް ފިޔަވަޅު އަޅަމުންދާނެ ކަމަށް ކައުންސިލުން ވަނީ ބުނެފައެވެ.

ހުއްދަ ބޯޑް ނެތި ޕޭވްމަންޓް މަތީ މަސައްކަތް ކުރަމުންދިޔަ ފަރާތެއް ހުއްޓުވާ ޖޫރިމަނާ ކޮށްފި

ސެންޓަރ ފޮރ ހަޔަރ ސެކަންޑަރީ އެޑިއުކޭޝަން (ސީ.އެޗް.އެސް.އީ) ގެ ދަރިވަރުން އިންތިޒާމުކޮށްގެން ބޭއްވި "އެޓަމްސް އެކްސްޕޯ 2026" އަށް މާލޭ ސިޓީގެ މޭޔަރ އާދަމް ޢާޒިމް ޒިޔާރަތްކުރައްވައިފިއެވެ.

މި ޒިޔާރަތުގައި މޭޔަރުގެ އަރިހުގައި ޑެޕިއުޓީ މޭޔަރު މީކާއީލް މުޙައްމަދު ރިޔާޟާއި ކައުންސިލަރުން ކަމަށްވާ އަޙުމަދު ޣާލިބު އަދި އިސްމާޢީލް ޙަލީމް ބައިވެރިވެވަޑައިގެންނެވިއެވެ.

މި އެކްސްޕޯއަކީ ދަރިވަރުންގެ ސައިންޓިފިކް ހުނަރުވެރިކަމާއި، އައު އީޖާދުތަކުގެ އިތުރުން އުފެއްދުންތެރިކަން ދައްކާލުމަށް ބޭއްވި މުހިންމު ހަރަކާތެކެވެ. 

މޭޔަރ ޢާޒިމް ވަނީ އެކްސްޕޯގެ އެކި ސްޓޯލްތަކަށް ޒިޔާރަތްކުރައްވައި، ދަރިވަރުން ތައްޔާރުކޮށްފައިވާ އީޖާދީ މަސައްކަތްތައް ބައްލަވައިލައްވައިފައެވެ.

މޭޔަރ ޢާޒިމް ވިދާޅުވީ، މި އެކްސްޕޯއިން ފެނިގެންދިޔަ ހުނަރުވެރިކަމަކީ، ޤައުމުގެ އުޖާލާ މުސްތަގުބަލު ރަމްޒުކޮށްދޭ ކަމެއް ކަމަށެވެ. އަދި ސައިންސާއި އީޖާދު ކުރިއެރުވުމަށް ދަރިވަރުން ކުރަމުންދާ މަސައްކަތްތަކަށް، މޭޔަރު ވަނީ ތައުރީފު ކުރައްވައިފައެވެ.

ސީ.އެޗް.އެސް.އީއަކީ، ރާއްޖޭގައި މަތީ ސާނަވީ ނުވަތަ އޭ-ލެވެލް އަށް ކިޔަވައިދޭ އެންމެ ބޮޑު އެއް މަރުކަޒެވެ. ކުރިން ސައިންސް އެޑިޔުކޭޝަން ސެންޓަރ (އެސް.އީ.ސީ) ގެ ނަމުގައި ހިންގަމުންއައި މި މަދަރުސާއަކީ، ގިނަ ޢަދަދެއްގެ ދަރިވަރުން މަތީ ތަޢުލީމު ފުރިހަމަކުރަމުންދާ، ފާހަގަކޮށްލެވޭ މުހިންމު މުއައްސަސާއެކެވެ.

Mayor Adam Azim along with Deputy Mayor Mekhael Mohomed Riyaz, Councillor for North Hulhumale' Constituency Ahmed Ghalib and Councilor for Galolhu Dhekunu Constituency Ismail Haleem visited "Atoms Expo 2026" held at The Center for Higher Secondary Education (CHSE).

The expo was held to showcase the scientific skills, innovations and creativity of the students

Mayor Azim visited various stalls at the expo and observed the innovative works prepared by the students.

Mayor Azim stated that the talent showcased at this expo symbolizes a bright future for the nation. Furthermore, The Mayor praised the efforts of the students in advancing science and innovation.

CHSE is one of the largest institutions in the Maldives. Formerly known as the Science Education Centre (SEC), the school has a significant number of students completing their higher education

ސީ.އެޗް.އެސް.އީން ބޭއްވި "އެޓަމްސް އެކްސްޕޯ 2026" އަށް މޭޔަރ ޢާޒިމް ޒިޔާރަތްކުރައްވައިފި

Mayor Adam Azim Visited "Atoms Expo 2026" held at CHSE

މާލޭގެ ހުޅަނގު ދެކުނު ފަރާތު ކަނޑުތޮށިމައްޗަށް އުކައިފައި ހުރި ގިނަ ޢަދަދެއްގެ ކުނިތައް ނަގައި، އެ ސަރަހައްދު ސާފުކުރުމުގެ ޚާއްޞަ މަސައްކަތެއް، މާލެ ސިޓީ ކައުންސިލުން މި އަދު ފަށައިފިއެވެ.

މާލެ ވަށައިގެން ލައިފައިވާ ކަނޑުތޮށި ފަރުމާކުރެވިފައިވަނީ، ތިން ފައި ގަލުން ކަމަށްވާތީ، މޫދުން އޮޔާ އަންނަ ކުނިތައް، ތޮށީގައި ޖަހައިފައިވާ މި ގާތުގެ ތެރޭގައި ހަރުލާ މައްސަލަ ވަނީ ވަރަށް ބޮޑަށް ކުރިމަތިވެފައެވެ. 

މި ގާތަކަކީ، އެ ހުންނަ ގޮތުން ވެސް، ދެ ގަލުގެ ދޭތެރޭ ބޮޑު ޖާގައެއް ހުންނަ ގާތަކަށް ވުމުން، ކުނި ހަރުލުމުގެ ފުރުޞަތު ވަރަށް ބޮޑެވެ. މި ގޮތަށް ތާށިވާ ކުނިތަކުގެ ސަބަބުން އެ ސަރަހައްދުގެ ރީތިކަން ގެއްލި، ތިމާވެށީގެ އެކި މައްސަލަތައް ދަނީ ކުރިމަތިވަމުންނެވެ. 

މި މަސައްކަތާ ގުޅޭގޮތުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، ކަނޑުތޮށި ސާފުކޮށް ބޭއްވުމަކީ މާލެއަށް ޒިޔާރަތްކުރާ މެހެމާނުންނަށް، މާލޭގެ ރީތި މަންޒަރުތައް ފެންނާނެ ގޮތް ހެދުމަށް ޓަކައި ކުރަންޖެހޭ މުހިންމު މަސައްކަތެއް ކަމަށެވެ. 

މާލޭގެ މޫނުމަތި ރީތިކޮށް ބޭއްވުމަކީ ކައުންސިލުން ޚާއްޞަ އިސްކަމެއްދޭ ކަމެއްކަން ވެސް މޭޔަރު ފާހަގަކުރެއްވިއެވެ.

The Male' City Council today launched a special operation to clean up and remove a large amount of waste that had been discarded along the southwest breakwater of Male'.

The debris trapped in this manner diminishes the beauty of the area and leads to various environmental issues.

Regarding this initiative, the Mayor of Malé City Adam Azim stated that keeping the breakwater clean is an essential task to ensure that visitors to Malé can experience the city's scenic beauty.

The Mayor also highlighted that maintaining the aesthetic appeal of Malé’s "front face" (waterfront) is a matter of special priority for the Council.

މާލޭގެ ހުޅަނގު ދެކުނު ފަރާތު ކަނޑުތޮށި ސާފުކުރުމުގެ މަސައްކަތް ފަށައިފި

Work has begun on cleaning the breakwater on the southwest side of Malé city

މާލެ ސިޓީގެ ލޭންޑްސްކޭޕް ހަދައި ފަރުމާކުރެވިގެންދާއިރު، މާލޭގެ ހުރިހައި ދާއިރާއެއްގައި ވެސް ކުޅިވަރު ކުޅޭނެ ތަންތަނާއި ޕާކުތައް ހުންނަންޖެހޭނެ ކަމަށް ޤަބޫލުފުޅު ކުރައްވާ ކަމަށާއި، އެ މަގުން ކަންކަން ހިނގަމުންދާނެ ކަމުގެ ޔަގީންކަން މާލެ ސިޓީގެ މޭޔަރު އާދަމް ޢާޒިމް ދެއްވައިފިއެވެ.

މޭޔަރ ޢާޒިމް މި ފަދައިން ވިދާޅުވީ، މާލެ ސިޓީ ކައުންސިލްގެ 5 ވަނަ ދައުރުގެ 8 ވަނަ ރަސްމީ ޢާންމު ޖަލްސާއަށް، ގަލޮޅު އުތުރު ދާއިރާގެ ކައުންސިލަރު އާމިނަތު އިރާޝާ ހުށަހެޅުއްވި މައްސަލައަކާ ގުޅިގެންނެވެ. އިރާޝާ މި މައްސަލަ ހުށަހެޅުއްވީ، ގަލޮޅުގެ ވަރަށް ގިނަ ރައްޔިތުންގެ އެދުމުގެ މަތިންނެވެ. އެ އަވަށުގައި ކުޅިވަރު ކުޅޭނެ ހުސްބިމެއް ނެތުމުގެ ސަބަބުން އެ ފަދަ ބިމެއް ހޯއްދަވައި ދެއްވުމަށް އެދިވަޑައިގެންވެ.

ކައުންސިލަރު އިރާޝާ ވިދާޅުވީ، ގަލޮޅަކީ މާލޭގެ މެދުގައި އޮންނަ، އާބާދީ ބޮޑު އަވަށެއް ކަމަށެވެ. އެ ގޮތުން ގަލޮޅު އުތުރު ދާއިރާގައި އެކަނި ވެސް 4,041 މީހުން ދިރިއުޅޭއިރު، އޭގެ ތެރޭގައި 1,325 ޒުވާނުން ހިމެނޭ ކަން އޭނާ ފާހަގަކުރެއްވިއެވެ. އަދި ގަލޮޅު ދެކުނު ދާއިރާގައި ވެސް މި ފަދަ ބޮޑު އާބާދީއެއް އޮތްއިރު، ދެ ޖިންސުގެ މީހުންނަށް ކުޅިވަރު ކުޅެލާނެ އެއްވެސް ތަނެއް، އެ އަވަށުގައި ނެތް ކަމުގެ ޝަކުވާ ރައްޔިތުން ކުރަމުންދާ ކަމަށް އިރާޝާ ވިދާޅުވިއެވެ.

"އަސްލު ޙަޤީގަތުގައި ފިރިހެނުންނާއި އަންހެނުން ކުޅިވަރު ކުޅެލާނެ ތަނެއް ހަމަ އަސްލު ވެސް ނެތް. މިއީ ގަލޮޅުގެ ވަރަށް ގިނަ ރައްޔިތުންގެ އެދުމެއް. ބިމެއް ލިބޭތޯ ކައުންސިލުގައި ދެންނެވުން" އިރާޝާ ވިދާޅުވިއެވެ.

މީގެ އިތުރުން، ގަލޮޅުގައި އެމްޓީސީސީގެ ބިމެއް ހުސްކޮށް އޮންނަތާ އެތައް އަހަރެއް ވެފައިވާކަން ފާހަގަކުރައްވަމުން، އެ ބިމާ ގުޅޭކަންކަން އޮތް ގޮތް، މޭޔަރު ބައްލަވައިދެއްވުމަށް އިރާޝާ އެދިވަޑައިގެންނެވިއެވެ. އޭނާ ވިދާޅުވީ، ޓީވީ މޯލްޑިވްގެ ފުރަހުގައި އޮންނަ މި ބިމުގައި އަބަދު ވެސް ހުންނަނީ ސަތަރި އަޅައިފައި ހުންނަ މުދާތަކެއް ކަމަށާއި، މާލޭގެ އެކި ސަރަހައްދުތަކުގައި މި ފަދަ ބިންތައް، 40 ނުވަތަ 50 އަހަރު ވަންދެން ބޭނުންނުކޮށް އެބަހުރި ކަމަށެވެ.

ކައުންސިލަރުގެ މި ހުށަހެޅުމާ ގުޅިގެން މޭޔަރު ޢާޒިމް ވިދާޅުވީ، މާލޭގެ ކޮންމެ ދާއިރާއެއްގައި ވެސް، ރައްޔިތުންނަށް ހިތްފަސޭހަ ކަމާއެކު ވަގުތު ހޭދަކޮށްލެވޭނެ ޕާކުތަކާއި ކުޅިވަރު ކުޅޭނެ ތަންތަން ހުރުމަކީ މުހިންމު ކަމެއް ކަމަށެވެ. އަދި ކުރިއަށް އޮތް ތަނުގައި މާލޭގެ ތަރައްގީގެ މަޝްރޫއުތައް ބައްޓަންކުރާއިރު، މި ކަންކަމަށް އިސްކަންދެއްވާނެ ކަމުގެ ޔަގީންކަން މޭޔަރު ދެއްވިއެވެ. މި ކަމުގައި ސަރުކާރުގެ އެއްބާރުލުމާއި އެހީތެރިކަން ބޭނުންވާ ކަމަށާއި އެހެންނަމަ ވެސް ސަރުކާރުގެ އެއްބާރުލުން، ކައުންސިލަށް ލިބެމުން ދަނީ ވަރަށް ވެސް ކުޑަކޮށްކަން މޭޔަރ ފާހަގަކުރެއްވިއެވެ.  

Latest news

Latest news