އިންޓަނޭޝަނަލް ޑިޖިޓަލް އިކޮނޮމީ ގަވަރނަންސް އެންޑް ލީޑަރޝިޕް ކެޕޭސިޓީ ބިލްޑިންގ ޕްރޮގްރާމްގައި ބައިވެރިވެވަޑައިގަތުމަށް މާލެ ސިޓީ ކައުންސިލްގެ ދެ ކައުންސިލަރުން ކަމަށްވާ އިސްމާއިލް ހަލީމް އާއި ހުސައިން ފުރުޝާން ޗައިނާގެ ބެއިޖިންއަށް ފުރާވަޑައިގެންފިއެވެ.

މި ޕްރޮގްރާމަކީ ޑިޖިޓަލް ގަވަރނަންސް، އާޓިފިޝަލް އިންޓެލިޖެންސް (އޭ.އައި)، އިނޮވޭޝަން އަދި ސްމާޓް ސިޓީ ތަރައްގީކުރުމުގެ ދާއިރާއިން ތަޖުރިބާ އިތުރުކުރުމަށް ދުނިޔޭގެ އެކި ގައުމުތަކުގެ ލީޑަރުން އެއްތަންކޮށްގެން ކުރިއަށްގެންދާ މުހިންމު ތަމްރީނު ޕްރޮގްރާމެކެވެ.

މި ދަތުރުފުޅުގެ ސަބަބުން މާލެ ސިޓީ ކައުންސިލްގެ ހިންގުން ހަރުދަނާކުރުމަށާއި، ޒަމާނީ ޓެކްނޮލޮޖީގެ އެހީގައި ރައްޔިތުންނަށް ދެވޭ ހިދުމަތްތައް ފުޅާކުރުމަށް ބޭނުންވާ ފަންނީ މައުލޫމާތާއި ތަޖުރިބާ ލިބިގެންދާނެ ކަމަށް ބެލެވެއެވެ. 

އަދި މިއީ ބައިނަލްއަގުވާމީ މައިދާނުގައި ސިޓީ ކައުންސިލްގެ ގުޅުންތައް ބަދަހިކުރުމަށް ލިބުނު ފުރުސަތެއްގެ ގޮތުގައިވެސް ފާހަގަކުރެވެއެވެ.

ކައުންސިލަރު އިސްމާއިލް ހަލީމާއި ހުސައިން ފުރުޝާން ޗައިނާއަށް ފުރާވަޑައިގެންފި

ވިލިމާލެ ފަޅުތެރެ ތަރުތީބުކޮށް ބެލެހެއްޓުމަށް ކުރިއަށްގެންދާ މަސައްކަތުގެ ތެރެއިން، ޤަވާއިދާ ޚިލާފަށް ފަޅު ބޭނުންކުރަމުންދިޔަ 17 އުޅަނދެއް މާލެ ސިޓީ ކައުންސިލުން ޖޫރިމަނާ ކޮށްފި އެވެ. 

މި އުޅަނދުތަކަކީ، ޤަވާއިދުން ހުއްދަ ނަގައިގެން ފަޅު ބޭނުންކުރާ ފަރާތްތަކަށް ދަތިވާގޮތަށް، އުސޫލުތަކާ ޚިލާފަށް ފަޅުތެރޭގައި ބާއްވާފައިވާ އުޅަނދުތަކެކެވެ. 

ފަޅުތެރޭގެ ތަރުތީބު ގެއްލޭގޮތަށް ހުރި މި އުޅަނދުތަކާ މެދު ފިޔަވަޅު އަޅަން ފަށާފައިވަނީ، ފަޅު ބޭނުންކުރާ އެހެން ފަރާތްތަކަށް ކުރިމަތިވާ ދަތިތަކަށް ހައްލެއް ހޯދައިދިނުމުގެ ގޮތުންނެވެ.

ވިލިމާލޭގެ ފަޅަކީ، މާލެ ސިޓީ ކައުންސިލުން ބަލަހައްޓަމުން އަންނަ ސަރަހައްދެކެވެ. ފަޅުތެރޭގެ އިންތިޒާމުތައް ހަމަޖެއްސުމަށާއި، ހުއްދަ ނެތި ފަޅު ބޭނުންކުރާ އުޅަނދުފަހަރު މަދުކުރުމަށް ކައުންސިލުން އަންނަނީ މުހިންމު މަސައްކަތްތަކެއް ކުރަމުންނެވެ.

ކައުންސިލުން އިލްތިމާސް ކުރަނީ ފަޅު ބޭނުންކުރުމުގައި ކަނޑައެޅިފައިވާ ޤަވާއިދުތަކަށް ހުރިހައި ފަރާތްތަކުން ވެސް އިޙްތިރާމްކުރުމަށެވެ. އަދި ޤަވާއިދާ ޚިލާފަށް ފަޅުގައި އަޅައިފައި ހުންނަ އުޅަނދުތަކާމެދު، ކުރިއަށް އޮތް ތަނުގައި ވެސް ފިޔަވަޅު އަޅަމުންދާނެކަމަށް ވެސް ކައުންސިލުން ހާމަކުރެއެވެ. 

The Malé City Council has fined 17 vessels for using the Vilimalé lagoon against regulations as part of its ongoing work to organize and manage the lagoon.

The ships were anchored without the required procedures. This creates a difficult situation for people and businesses who were using the lagoon with official permits.

The Council acted against these vessels to preserve order in the lagoon and to help with the problems experienced by licensed lagoon users.

The Malé City Council manages the Vilimalé lagoon under their jurisdiction. The Council is working to improve lagoon management and reduce the number of vessels that are using the area without permission.

The Council is appealing to all to abide by the rules governing the use of the lagoon. It added that action will continue to be taken against vessels anchored in the lagoon in breach of the rules.

ވިލިމާލެ ފަޅުން ޤަވާއިދާ ޚިލާފުވި 17 އުޅަނދެއް  ޖޫރިމަނާ ކޮށްފި

17 vessels fined for regulations violations in Vilimalé lagoon

މާލެ ސިޓީގެ ދަތުރުފަތުރުގެ ނިޒާމު ހަރުދަނާކޮށް، މާލެއަކީ ހިނގާބިގާވެ އުޅެން ފަސޭހަ ތަނަކަށް ހެދުމަށްޓަކައި ކުރިއަށްގެންދާ "އަރބަން މޮބިލިޓީ ސަރވޭ" ގެ ޑޭޓާ އެއްކުރުމުގެ މަސައްކަތް ފަށައިފިއެވެ.

މިއީ މާލޭގެ ދަތުރުފަތުރުގެ ހާލަތު ދެނެގަނެ، ދިމާވާ ގޮންޖެހުންތަކަށް ހައްލު ހޯދުމަށް ކުރިއަށްގެންދާ މުހިންމު ދިރާސާއެކެވެ.

މާލެ ސިޓީ ކައުންސިލާއި ޔުނައިޓެޑް ނޭޝަންސް އިކޮނޮމިކް އެންޑް ސޯޝަލް ކޮމިޝަން ފޯ އޭޝިއާ އެންޑް ދަ ޕެސިފިކް (ޔޫއެންއެސްކެޕް) ގުޅިގެން ކުރިއަށްގެންދާ މި ދިރާސާއަކީ މާލޭގެ މޭޔަރ އާދަމް ޢާޒިމްގެ އިސްނެންގެވުމުގެ ދަށުން ކުރިއަށްދާ މަސައްކަތެކެވެ. މި މަޝްރޫޢާ ގުޅޭގޮތުން ޔޫއެންއެސްކެޕްގެ ޓްރާންސްޕޯޓް ޑިވިޝަންގެ، ޝެކްޝަން ޗީފް ކެޓްރިން ލޫގަރ ވަނީ މޭޔަރ ޢާޒިމާއެކު ރަސްމީ ބައްދަލުވުމެއް މިއަހަރުގެ އޭޕްރީލް މަހުގެ 29 ވަނަ ދުވަހު ބާއްވައިފައެވެ.. މި ޕްރޮޖެކްޓަށް ބޭނުންވާ ފަންޑު ފޯރުކޮށްދެނީ ޔޫއެންއެސްކެޕުންނެވެ.

މި ދިރާސާގެ ތެރެއިން މައިގަނޑު ގޮތެއްގައި ބަލާފައިވަނީ މީހުން ގެންގުޅޭ އުޅަނދު ފަހަރުގެ އަދަދާއި، އެއްތަނުން އަނެއް ތަނަށް ދަތުރުކުރުމަށް ބޭނުންކުރާ ވަސީލަތްތަކުގެ އިތުރުން ދަތުރު ފަތުރުގެ ނިޒާމުގައި ހުރި ގޮންޖެހުންތަކަށެވެ. މީގެ މަޤްސަދަކީ މާލޭގެ ޓްރެފިކް ތޮއްޖެހުން ކުޑަކޮށް، ރައްޔިތުންނަށް ފަސޭހަ ނިޒާމެއް ބިނާކުރުމެވެ.

މި މަސައްކަތުގެ ޑޭޓާ އެއްކުރުމުގެ މަރުހަލާގައި މާލެ ސިޓީ ކައުންސިލްގެ ކޮމިއުނިޓީ އެންގޭޖްމަންޓް ޔުނިޓުގެ 20 މުވައްޒަފުން ވަނީ ހަރަކާތްތެރިވެފައެވެ. އެގޮތުން އެމުވައްޒަފުން ވަނީ 1000 އަށް ވުރެ ގިނަ ގޭބިސީތަކަށް ޒިޔާރަތްކޮށްފައެވެ. މި ޓީމުން ވަނީ މާލެ، ހުޅުމާލެ އަދި ވިލިމާލެ ހިމެނޭހެން، ގްރޭޓަރ މާލެ ސަރަޙައްދުން މަޢުލޫމާތު ވެސް އެއްކޮށްފައެވެ.

ގޭގެއަށް ޒިޔާރަތްކޮށްގެން މައުލޫމާތު އެއްކުރުމުގެ އިތުރުން، އޮންލައިންކޮށް ވެސް މި މައުލޫމާތު އެއްކުރުމުގެ މަސައްކަތް މާލެ ސިޓީ ކައުންސިލުން މިހާރު ވަނީ ފަށައިފައެވެ. އެގޮތުން މި ދިރާސާގައި ބައިވެރިވެ މައުލޫމާތު ދޭން ބޭނުންފުޅުވާ ފަރާތްތަކުން ކައުންސިލުން އާންމުކޮށްފައިވާ ލިންކު މެދުވެރިކޮށް މައުލޫމާތު ހިއްސާ ކުރެވޭނެއެވެ. 

https://forms.office.com/pages/responsepage.aspx?id=DQSIkWdsW0yxEjajBLZtrQAAAAAAAAAAAAMAAMRB8s9UNlpNU1JTWjU3WFgzVURJU1M4SUZIUTBNTC4u&route=shorturl

މި ދިރާސާއިން ލިބޭ ނަތީޖާތަކާ ގުޅޭގޮތުން މަޝްވަރާކުރުމަށްޓަކައި ޚާއްޞަ ސްޓޭކް ހޯލްޑަރ މީޓިންގއެއް ބޭއްވުމަށް ވެސް މިހާރު ވަނީ ތާވަލުކުރެވިފައެވެ. މި ބައްދަލުވުން ބޭއްވުމަށް ހަމަޖެހިފައިވަނީ އަންނަ ޖުލައި މަހުގެ 20 އިން 21 އަށް މީރުމާ ހޮޓެލްގައެވެ. މި މަސައްކަތު ބައްދަލުވުމުގައި ދަތުރުފަތުރުގެ ދާއިރާގެ ކަމާބެހޭ ފަރާތްތަކުން ބައިވެރިވެ، ދިރާސާގެ ހޯދުންތަކަށް ބިނާކޮށް މަޝްވަރާ ކުރާނެއެވެ.

މި ބައްދަލުވުމުގެ މައިގަނޑު މަޤްޞަދަކީ ގްރޭޓަރ މާލެ ސަރަޙައްދުގެ ދަތުރުފަތުރުގެ ނިޒާމު މިހާރު ބައްޓަންވެފައިވާ ގޮތް ދެނެގަނެ، ކާރިސާތަކުން އަރައިގަތުމުގެ ޤާބިލުކަން އިތުރުކުރުމަށް ކުރެވިދާނެ ކަންކަމާ މެދު ޚިޔާލު ބަދަލުކުރުމެވެ. އަދި މި ސަރަޙައްދުގެ ދަތުރުފަތުރުގެ ނިޒާމަށް ކުރިމަތިވެފައިވާ ގޮންޖެހުންތަކުން އަރައިގަތުމަށް އިސްކަންދޭންޖެހޭ ކަންކަން މި ބައްދަލުވުމުގައި ކަނޑައެޅިގެންދާނެއެވެ. މިއީ ވަގުތީ ޕްރޮގްރާމެއް ކަމުން، ކުރިއަށް އޮތް ތަނުގައި ބައްދަލުވުމުގެ ތާވަލަށް ބަދަލު އައުމަކީ އެކަށީގެންވާ ކަމެއް ކަމަށެވެ. 

Data collection has begun for the Malé Urban Mobility Study, a project to improve the transport system of the Greater Malé Area and to make the city more pedestrian-friendly.

The study will explore the existing transport situation in Malé and practical solutions to the problems faced by the people in travelling.

The project is being implemented by the Malé City Council in partnership with the United Nations Economic and Social Commission for Asia and the Pacific (UNESCAP) under the initiative of the Mayor of Malé City Adam Azim.  The project is funded by UNESCAP.

As part of the project, Katrin Luger, Section Chief of UNESCAP’s Transport Division, met Mayor Adam Azim on 29 April this year to discuss the study.

The study discusses the number of vehicles owned by residents, types of transport used, and problems of the existing transport system. The aim is to reduce traffic congestion and develop a safer, more efficient, program,and more user-friendly transportation system.

Data collection was undertaken with the participation of twenty staff members of the Community Engagement Unit of Malé City Council. The team visited more than 1,000 houses within the Greater Malé Area, including Malé, Hulhumalé and Villimalé.

The Council is also conducting an online survey alongside the household survey. The Council has put out a link to the survey, and members of the public who wish to participate in the study can do so by completing the survey via 

A stakeholder workshop is also planned to discuss the findings of the study. The workshop will be held at the Meeruma Hotel on 20 and 21 July. Discussions will be held with representatives of relevant transport sector agencies based on the study’s findings.

The workshop aims to review the existing transport system in the Greater Malé Area and to discuss ways to improve disaster resilience and identify priorities for addressing the transport challenges in the region.

Please note that this is a provisional programme and the schedule of the workshops may be subject to change.

މާލޭގެ އަރބަން މޮބިލިޓީ ދިރާސާގެ ޑޭޓާ އެއްކުރުމުގެ މަސައްކަތް ފަށައިފި

Data Collection Begins for Malé Urban Mobility Study

ޗާންދަނީމަގުގެ އޯކިޑުމަގުން ފެށިގެން ބޮޑުތަކުރުފާނު މަގާ ގުޅޭ ސަރަހައްދު، ވަގުތީ ގޮތުން ދެކޮޅަށް ދުއްވޭ ގޮތަށް ބަދަލުކޮށްފައިވާ ކަމަށް މާލެ ސިޓީ ކައުންސިލުން ހާމަކޮށްފިއެވެ.

މި ބަދަލަކީ އެ ސަރަހައްދުގެ ޓްރެފިކް ފްލޯއަށް ލުޔެއް ދިނުމުގެ ގޮތުން ގެނެވުނު ބަދަލެކެވެ.

މާލެ ސިޓީ ކައުންސިލުން ބުނި ގޮތުގައި މި ގޮތަށް ނިންމީ، ބޮޑުތަކުރުފާނު މަގު ޒަމާނީ ފެންވަރަށް ތަރައްގީކުރުމުގެ މަސައްކަތް މިހާރު ކުރިއަށް ދާތީ، އެ ސަރަހައްދުގެ ޓްރެފިކް ތޮއްޖެހުން ކުޑަކުރުމަށެވެ. މަގު ހެދުމުގެ މަސައްކަތުގެ ސަބަބުން ތޮއްޖެހުން ބޮޑުވެ، ޢާންމުންނަށް ބޮޑެތި އުނދަގޫތަކެއް ކުރިމަތިވަމުންދާ ކަމުގެ ޝަކުވާ ވެސް ކައުންސިލަށް ދަނީ ލިބެމުންނެވެ.

މި ސަރަހައްދުގެ ޓްރެފިކަށް ބަދަލު ގެނެސްފައި ވަނީ، ޓްރެފިކް ފުލުހުންގެ އެދުމުގެ މަތިންނެވެ. ޓްރެފިކް ފުލުހުން މި ކަމަށް އެދުނީ، މަގު ބަންދުކޮށްފައި އޮތުމުގެ ސަބަބުން، ދުއްވާ އެއްޗެއްސަށާއި ހިނގާ މީހުންނަށް ދަތިތަކެއް ކުރިމަތިވަމުންނާތީއެވެ. 

މި ބަދަލަށް ޢަމަލުކުރާނީ ބޮޑުތަކުރުފާނު މަގުން މިހާރު ބަންދުކޮށްފައިވާ ސަރަހައްދުގެ ހަދައި ނިމިގެން އަލުން ހުޅުވުމާ ހަމައަށެވެ. 

ޗާންދަނީމަގުގެ އޯކިޑުމަގުން ފެށިގެން ބޮޑުތަކުރުފާނު މަގާ ގުޅޭ ސަރަހައްދު ވަގުތީ ގޮތުން ދެކޮޅަށް ދުއްވޭ ގޮތަށް ބަދަލުކޮށްފި

މާލޭގެ ބުލްބުލާ ގޯޅި، ކާށިހޮޓާ ކަންމަތީގައި ގައު ކުނޑިތަކެއް ބެހެއްޓިފަރާތް ހޯދައި، އެ ތަކެތި ނެގުމަށް މާލެ ސިޓީ ކައުންސިލުން އަންގައިފިއެވެ. 

މިއީ މާލޭގެ މަގުތަކުގައި ގަވައިޢިދާ ޚިލާފަށް ކުނި ބަހައްޓާ ފަރާތްތައް ހޯދައި ފިޔަވަޅު އެޅުމަށް ކައުންސިލުން ކުރަމުންދާ މަސައްކަތުގެ ތެރެއިން ނިންމި ނިންމުމެކެވެ.

މޭޔަރު އާދަމް ޢާޒިމް ވިދާޅުވީ، މާލޭގެ މަގުތަކުގައި ހުންނަ ގަސް ބުޑުތަކަށާއި އެކި ބޭނުންތަކުގައި މަގު ފާރުތަކުގައި ހަރުކޮށްފައި ހުންނަ ފޮށިތަކުގެ މަތީގައި ކުނި ބަހައްޓާފައި ހުންނަކަން އަދި ވެސް ވަރަށް ބޮޑަށް ފާހަގަކުރެވޭ ކަމަށެވެ. މޭޔަރު ވަނީ، މި ފަދަ ޢަމަލުތައް ނުކުރުމަށް މާލޭގައި ދިރިއުޅޭ ހުރިހައި ރައްޔިތުންގެ ކިބައިން ވަރަށް ބޮޑަށް އާދޭހާއެކު އެދިވަޑައިގެންފައެވެ.

"މަގުތަކަށް ކުނި އެޅުމުގެ ބަދަލުގައި، ކުނި އަޅަން ހުންނަ ޑަސްބިންތަކަށް ކުނިއެޅުމަށް ހުރިހައި ރައްޔިތުން ވެސް އާދައަކަށް ހެއްދެވުމަށް އެދެން." މޭޔަރު ވިދާޅުވިއެވެ. މީގެ އިތުރުން މާލޭގެ ފަޅުތެރެއަށާއި މޫދަށް ވެސް އެއްވެސް ފަރާތަކުން ކުނި ނޭޅުމަށް މޭޔަރު ވަނީ އިލްތިމާސް ކުރައްވައިފައެވެ.

މާލެ ސިޓީ ކައުންސިލުން ހާމަކުރި ގޮތުގައި، މަގުތަކަށް އުކައިލައިފައި ހުންނަ ކުނި ނަގައި ސާފުކުރުމަށް އަހަރަކު ގާތްގަނޑަކަށް 60 މިލިއަން ރުފިޔާ ހޭދަވެއެވެ. ރައްޔިތުންގެ ވިސްނުމަށް ކުޑަ ބަދަލެއް ގެނެސް މަގުތަކަށް ކުނި އެޅުން ހުއްޓައިލައިފިނަމަ، އެ ފައިސާ މާލޭގެ ޕާކުތަކާއި، މައިޒާންތަކާއި މިސްކިތްތަކުގެ އާބާތުރަ ފިލުވުމަށް ބޭނުންކުރެވޭނެ ކަމަށް ކައުންސިލުން ފާހަގަކުރެއެވެ.

މާލެ ސިޓީ ސާފުކޮށް ބޭއްވުމަށް ހުރިހައި ރައްޔިތުންގެ އެއްބާރުލުން ބޭނުންވާކަން ފާހަގަކޮށް، މަގުތަކަށް ކުނި އަޅާ ފަރާތްތައް ފާހަގަކުރެވޭނަމަ، އެކަން ރިޕޯޓްކުރުމަށް ކައުންސިލުން ވަނީ އެދިފައެވެ. އެ ގޮތުން ކައުންސިލްގެ ހޮޓްލައިން 1622 އަށް ގުޅައިގެން ނުވަތަ 9341144 އަށް ފޮޓޯ އާއި ވީޑިއޯ ފޮނުވައިގެން ރިޕޯޓް ކުރެވޭނެއެވެ.

ބުލްބުލާ ގޯޅީގައި ބަހައްޓާފައި ހުރި ގައު ކުނޑިތައް ނެގުމަށް އަންގައިފި

މާލޭގައި ހުންނަ މަސްޖިދުލް ފުރުޤާން މިސްކިތުގެ ކުޑަ ދޮރަކަށް ގެއްލުންދީ، އެ ދޮރުގެ ބިއްލޫރިގަނޑު ތަޅައިލައިފިއެވެ. 

މި ހާދިސާ ހިނގައިފައިވަނީ ރޭގެ ވަގުތެއްގައި ކަމަށް މަޢުލޫމާތު ލިބިފައިވެއެވެ.

މާލެ ސިޓީ ކައުންސިލުން ބުނި ގޮތުގައި، މިސްކިތަށް ލިބިފައިވާ މި ގެއްލުންތަކާ ގުޅިގެން މިހާރު ވަނީ ފުލުހުންނަށް ރިޕޯޓްކޮށްފައެވެ. މިސްކިތުގެ ބިއްލޫރިގަނޑު ތަޅައިލައިފައިވާ ފޮޓޯތައް މިހާރު ދަނީ ސޯޝަލް މީޑިއާގައި ދައުރުވަމުންނެވެ.

މި ކަމާ ގުޅިގެން މާލެ ސިޓީގެ މޭޔަރ އާދަމް ޢާޒިމް ވަނީ، މި ފިނޑި ޢަމަލު ހަރުކަށި ޢިބާރާތުން ކުށްވެރިކުރައްވައިފައެވެ. މޭޔަރ ވިދާޅުވީ، އިސްލާމްދީނުގައި ނުހަނު ބޮޑަށް ޙުރުމަތްތެރިކޮށް ހިތުމަށް އަންގަވައިފައިވާ މިސްކިތްތަކަށް މި ފަދަ ގެއްލުންތައްދޭ ފަރާތްތައް ހޯދައި، އެ ފަރާތްތަކަށް ޙައްޤު އަދަބު ދިނުމަށް ގޮވައިލައްވާ ކަމަށެވެ.

މޭޔަރ ޢާޒިމް އިތުރަށް ފާހަގަކުރެއްވި ގޮތުގައި މާލެ ސިޓީގެ މިސްކިތްތަކަކީ އެންމެހައި ރައްޔިތުންގެ އިޙުތިރާމާއި ރައްކާތެރިކަން ލިބެންޖެހޭ މުގައްދަސް ތަންތަންކަމަށެވެ. މި ފަދަ ކަންކަމަކީ މުޖުތަމަޢުގެ ތެރޭގައި އެއްވެސް ހާލެއްގައި ބަލައިގަނެވޭނެ ކަންކަމެއް ނޫންކަމަށް ވެސް އެމަނިކުފާނު ވިދާޅުވިއެވެ.

A window at Masjid al-Furqan in Malé was damaged last night, and the glass was broken.

The incident is believed to have happened during the night.

The Malé City Council has reported the matter to the police. Photos of the broken window are being shared on social media.

Mayor Adam Azim strongly condemned the act. Those responsible should be identified and dealt with according to the law, the Mayor said. He further stated that mosques are sacred places in Islam and must be treated with respect.

Mayor Azim also said that the mosques of Malé City belong to the whole muslim community and should be protected by everyone. He added that such actions are not acceptable in society.

ފުރުޤާން މިސްކިތުގެ ކުޑަ ދޮރަކަށް ގެއްލުންދީ ބިއްލޫރި ގަނޑު ތަޅައިލައިފި

Glass Shattered After Window at Furqan Mosque Is Damaged

މާލޭގެ ދެކުނު ފަރާތުގައި އޮންނަ ފަތާ ފެންގަނޑު ނުވަތަ ސްވިމިން ޓްރެކަށް ފައިބަން ބޭނުންކުރާ ސިމެންތި ސިޑިބަރި، ފެހި ކަހައި ސާފުކުރުމުގެ މަސައްކަތް ހަފްތާއަކު ދެ ދުވަހު ކުރަމުން އަންނަކަމަށް މާލެ ސިޓީ ކައުންސިލުން ހާމަކޮށްފިއެވެ.

މިއީ އެ ސަރަހައްދު ބޭނުންކުރާ ފަރާތްތަކުގެ ރައްކާތެރިކަމަށް ޓަކައި ކުރިއަށްގެންދާ މުހިންމު މަސައްކަތެކެވެ. މި މަސައްކަތް ތާވަލުކޮށްގެން ކުރިއަށް ގެންދެވެނީ، ދިޔަވަރު ހުންނަ ގޮތަށް ބަލައި، ދިޔަވަރު ހިކޭ ވަގުތުތަކުގައެވެ.

މާލޭގެ ސްވިމިން ޓްރެކަކީ ގިނަ ޢަދަދެއްގެ އެތުލީޓުންނާއި، ސްކޫލް ދަރިވަރުންގެ އިތުރުން ޢާންމު ރައްޔިތުން ފެތުމަށާއި އަދި މި ނޫނަސް އެކި ހަރަކާތްތަކާއި ޓްރޭނިންތައް ބޭއްވުމަށް ބޭނުންކުރާ މުހިންމު ތަނެކެވެ. ސިޑިތަކުގައި ފެހި ޖެހުމަކީ، އެ ތަނަށް ފައިބައި ހަދާ މީހުން ކަހައިލައިގެން ވެއްޓި އަނިޔާވުމުގެ ފުރުސަތު އޮންނަ ކަމަކަށްވާތީ، ކައުންސިލުން އަންނަނީ މިކަމަށް ޚާއްޞަ ސަމާލުކަމެއްދީގެން މި ތަނުގެ ފެހި ކެހުމުގެ މަސައްކަތް ކުރަމުންނެވެ.

ސިޑިތައް ސާފުކުރުމުގެ އިތުރުން، އެ ސަރަހައްދުގެ ފަޅުތެރެ ސާފުކޮށް ބެލެހެއްޓުމުގެ މަސައްކަތް ވެސް މާލެ ސިޓީ ކައުންސިލުން އަންނަނީ ކުރަމުންނެވެ. މީގެ މަޤުޞަދަކީ ފަތާ ޓްރެކް ބޭނުންކުރާ ފަރާތްތަކަށް ސާފު ތާހިރު އަދި ރައްކާތެރި މާހައުލެއް ގާއިމުކޮށްދިނުމެވެ.

Male' City Council is carrying out algae cleaning works on the steps leading to the swimming track on the southern side of Malé twice a week.

This work is carried out to improve safety for people who use the area. The cleaning is done during low tide to make the work easier and more effective.

The swimming track is used by athletes, students, and members of the public for swimming, training, and other community activities. Algae can make the steps slippery and increase the risk of accidents. For this reason, the Council has instructed regular cleaning of the steps.

The Council also carries out the cleaning of the surrounding lagoon area. Routined efforts aim to provide a clean, safe, and healthy environment for everyone using the swimming track.

މާލެ ސްވިމިން ޓްރެކްގެ ސިޑި ފެހި ކަހައި ސާފުކުރުމުގެ މަސައްކަތް ހަފްތާއަކު ދެ ދުވަހު ކުރޭ !

Algae Removed from Swimming Track Stairs Twice a Week By Male' City Council

މާލެ ސިޓީގެ ހުޅަނގު-ދެކުނު ފަރާތު، ޓީޖެޓީ ސަރަހައްދާއި އިންވެގެން އޮތް ބޮޑުތަކުރުފާނު މަގު ގެ ސަރަހައްދު ސާފު ކުރުމުގެ ޚާއްޞަ މަސައްކަތްތަކެއް މާލެ ސިޓީ ކައުންސިލުން ފަށައިފިއެވެ. 

ޓީޖެޓީ ސަރަހައްދު ސާފު ކުރުމަށް މިދިޔަ ހޮނިހިރު ދުވަހު ފެށި މި މަސައްކަތުގެ ދަށުން، މިއަދު މެންދުރު ފަހުގެ ނިޔަލަށް 19 ޓަނުގެ ކުނި ވަނީ އެ ސަރަހައްދުންނަގައި އުކައިލައިފައެވެ. މި މަސައްކަތް އެއްކޮށް ނިންމާލެވޭނެ ކަމަށް ބެލެވެނީ މާދަމާގެ ނިޔަލަށެވެ. 

މާލެ ސިޓީ ކައުންސިލްގެ ވޭސްޓް ސެކްޝަނާއި ކޮމިއުނިޓީ އެންގޭޖްމަންޓް ޔުނިޓުން އިސްނަގައިގެން ކުރިއަށްގެންދާ މި މަސައްކަތުގެ މައިގަނޑު މަޤްޞަދަކީ މާލެ ސާފުތާހިރުކޮށް ބޭއްވުމާއި، މަގުތަކަކީ ހިތްފަސޭހަ ތަނަކަށް ހެދުމެވެ. ކައުންސިލުން ފާހަގަކުރާ ގޮތުގައި މަގުތަކަށް އުކައިލާ ކުނި، ކާނުތަކަށް އެޅި ބެދުމުގެ ސަބަބުން، ވާރޭވެހޭ ދުވަސްވަރު އެ ފެން ކާނުތަކުން ބޭރުނުވެ މަގުތަކުގައި ފެންބޮޑުވެ ރައްޔިތުންނަށް އިންތިހާއަށް ދަތިތަކާ ކުރިމަތިވެއެވެ.

މި މަސައްކަތާ ގުޅޭގޮތުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، މާލެއާއި ވިލިމާލެ ސާފުތާހިރުކޮށް ބޭއްވުމަށް ކައުންސިލްގެ މުވައްޒަފުން ކޮންމެ ދުވަހަކު ހެނދުނުން ފެށިގެން ރޭގަނޑާ ހަމައަށް ބުރަ މަސައްކަތްތަކެއް ކުރަމުންދާ ކަމަށެވެ. އަދި މާލެ ސިޓީ އަމާންކޮށް ބޭއްވުމަށް ފުލުހުން ދެއްވާ އެއްބާރުލުން ފާހަގަކޮށް މޭޔަރ ވަނީ، ފުލުހުންނަށް ޝުކުރު އަދާކުރައްވާފައެވެ.

މޭޔަރ ޢާޒިމް އިތުރަށް ވިދާޅުވީ ކުނީގެ މައްސަލައަކީ ރައްޔިތުންގެ ހޭލުންތެރިކަމާ ވަރަށް ބޮޑަށް ގުޅިފައިވާ ކަމެއް ކަމަށެވެ. އެހެންކަމުން، މަގުތަކާއި ޕާކުތަކާއި މައިޒާންތަކުގެ އިތުރުން ފަޅުތެރެއަށް ވެސް ކުނި ނޭޅުމަށް، މޭޔަރ ވަނީ ތަކުރާރުކޮށް އިލްތިމާސް ކުރައްވައިފައެވެ. މާލެއަކީ ސާފު، ރީތި، އަދި ހިތްގައިމު ސިޓީއަކަށް ހެދުމަށް ހުރިހައި ރައްޔިތުންގެ އެއްބާރުލުން ބޭނުންވާ ކަމަށް ވެސް މޭޔަރ އަންނަނީ ތާފާތު ފޯރަމްތަކުގައި ތަކުރާރުކޮށް ވިދާޅުވަމުންނެވެ. 

މާލެ ސިޓީގެ މަގުތަކަށް ކުނި އަޅާ ފަރާތްތައް ފާހަގަކުރެވޭނަމަ، އެކަމުގެ ފޮޓޯ ނުވަތަ ވީޑިއޯ ކައުންސިލްގެ ހޮޓްލައިން ނަންބަރު 9341144 އަށް ފޮނުއްވައިދެއްވުމަށް ކައުންސިލުން އެދެއެވެ. މީގެ އިތުރުން ކައުންސިލްގެ ހޮޓްލައިން 1622 އަށް ގުޅައިގެން ވެސް މި ފަދަ މައްސަލަތައް ރިޕޯޓް ކުރެވޭނެ އިންތިޒާމު މިހާރު ވަނީ ހަމަޖައްސާފައެވެ.

The Malé City Council has started a special cleanup operation in the T-Jetty area and along Boduthakurufaanu Magu on the southwest side of Malé City.

The operation began last Saturday. As of this afternoon, 19 tons of waste have been collected and disposed of. The work is expected to be completed by tomorrow.

This clean up is a joint operation carried out by the Council’s Waste Section and Community Engagement Unit. The aim of the operation is to keep Malé clean and maintain pleasant streets. The Council noted that waste thrown on the streets often blocks drainage systems. During rainy periods, this prevents water from draining properly leading to flooding and causing serious difficulties for residents.

Speaking about the operation, The Mayor of Malé City, Adam Azim said that theCouncil staff work from morning until night every day to keep Malé and Villimalé clean. He also thanked the Police for their cooperation in helping to maintain safety and security in the city.

Mayor Azim said that waste management is closely linked to public awareness. He appealed to the public not to throw waste on streets, in parks, public areas, or into the lagoon. The Mayor has repeatedly stated that the cooperation of all residents is important to make Malé a clean, beautiful, safe and welcoming city.

The Council requests members of the public to send photos or videos to 9341144 if they see anyone littering on the streets of Malé City. Reports can also be made by calling the Council toll free hotline at 1622.

ޓީޖެޓީ ސަރަހައްދު ސާފުކުރުމުގެ ބޮޑު ހަރަކާތް - ދެ ދުވަހު ތެރޭ 19 ޓަނުގެ ކުނި އުކާލައިފި 

Major Clean up Operation At T-Jetty - 19 Tons collected in 2 Days

މާލެ ސިޓީގެ މައްޗަންގޮޅި އުތުރު ދާއިރާގައި ހަލާކުވެފައިވާ މަގުތަކާއި ހަނި ގޯޅިތައް މަރާމާތު ކުރުމަށް ޓަކައި، އެ މަގުތަކުގެ ހާލަތު، މާލެ ސިޓީގެ މޭޔަރ އާދަމް ޢާޒިމާއި އެ ދާއިރާގެ ކައުންސިލަރު ޚަދީޖާ މުޙައްމަދު ބައްލަވާލައްވައިފިއެވެ.

މި ޒިޔާރަތުގައި މާލެ ސިޓީގެ ޑެޕިއުޓީ މޭޔަރ މީކާއިލް މުޙައްމަދު ރިޔާޟް ވެސް ބައިވެރިވެވަޑައިގެންނެވިއެވެ.

އެ ގޮތުން މި ދާއިރާގައި ހަލާކުވެފައިވާ ތިން މަގަކާއި، ވާރޭވެހޭ ދުވަސްވަރު ފެންބޮޑުނުވާނެހެން އަލުން ތަރައްޤީކުރަން ޖެހިފައިވާ ދެ މަގެއް ވަނީ ފާހަގަކުރެވިފައެވެ.

މި ޒިޔާރަތުގައި މޭޔަރ ޢާޒިމާއި ކައުންސިލަރު ޚަދީޖާ ވަނީ، ދާއިރާގެ ރައްޔިތުންނާ ބައްދަލުކުރައްވައި، އެ ފަރާތްތަކުގެ ހުރި ކަންބޮޑުވުންތައް އޮޅުންފިލުއްވާފައެވެ.

މިކަމާ ގުޅޭގޮތުން ކައުންސިލަރު ޚަދީޖާ މުޙައްމަދު ވިދާޅުވީ، މި މަގުތަކަކީ އެއްވެސް ވަރަކަށް އަޅައިނުލެވި ގިނަ ދުވަސްތަކެއް ވެފައިވާ މަގުތަކެއް ކަމަށެވެ. "މިހެން ވުމުގެ ސަބަބުން ދާއިރާގެ ރައްޔިތުންނާއި މި މަގުތަކާއި ގޯޅިތައް ބޭނުންކުރާ މީހުންނަށް ތަފާތު އަނިޔާތައް ލިބޭ. އަދި ވިއްސާރަވުމުގެ ސަބަބުން ލިބޭ ގެއްލުންތައް ވެސް ވަރަށް ބޮޑު" ޚަދީޖާ ފާހަގަކުރެއްވިއެވެ.

މޭޔަރ ޢާޒިމް ވިދާޅުވީ މާލޭގެ މަގުތަކުގެ ޖާގަ ބޮޑުކޮށް މަގުތައް ރީތިކުރުމަށް މިހާރު ވެސް ގިނަ މަސައްކަތްތަކެއް ކުރައްވަމުން ގެންދަވާކަމަށެވެ. ޚާއްޞަކޮށް ހަނި ގޯޅިތައް އަލިކުރުމާއި، ހަލާކުވެފައިވާ ގޯޅިތަކާއި މަގުތައް މަރާމާތުކުރުމަކީ، ކައުންސިލުން ޚާއްޞަ އިސްކަމެއް ދީގެން ކުރަމުން އަންނަ ކަންކަން ކަމަށް މޭޔަރ ވިދާޅުވިއެވެ.

މާލޭގެ މަގުތައް ޒަމާނީ ފެންވަރަށް ތަރައްޤީކޮށް، ހިތްފަސޭހަ ތަނަކަށް މާލެ ހެދުމަށް ޓަކައި ކުރިއަށްދާ މަޝްރޫޢުތަކުގެ ތެރޭގައި މަގުތައް މަރާމާތުކުރުމުގެ އިތުރުން، ފެންބޮޑުވުމުގެ މައްސަލައަށް ދާއިމީ ޙައްލެއް ހޯދުމަށް ގިނަ މަސައްކަތްތަކެއް ރޭވިފައިވާކަން މާލެ ސިޓީ ކައުންސިލުން ފާހަގަކުރެއެވެ.

މި އަހަރު އަލަށް ހުވައިކުރެއްވި ކައުންލަރުން، މަސްއޫލިއްޔަތާ ޙަވާލުވެ ވަޑައިގެންނެވި ފަހުން، އެ ބޭފުޅުން ނިސްބަތްވެ ވަޑައިގަންނަވާ ދައިރާތަކުގެ ރައްޔިތުންނާ ބައްދަލުކޮށް، އެ ރައްޔިތުންގެ ހުރި ކަންބޮޑުވުންތައް އައްސަވައި، އެ ކަންބޮޑުވުންތަކަށް އަވަސް ޙައްލެއްގެ ގެނެސްދެއްވުމަށް ބުރަކޮށް މަސަކަތްޕުޅު ކުރައްވަމުން ގެންދަވާކަން ފާހަގަކުރެވެއެވެ.

The Mayor of Malé City, Adam Azim, Deputy Mayor Mekael Mohamed Riyaz and the Councilor for Machangolhi North Khadheeja Mohamed have inspected damaged roads and narrow alleys in the area to plan necessary repairs.

During the inspection, three damaged roads were identified. Two more roads were also found to need redevelopment to prevent flooding during the rainy season.

During the visit, Mayor Azim and Councilor Khadheeja also met with residents to hear their concerns directly.

Councilor Khadheeja Mohamed said these roads have been in poor condition for a long time. She said people using these roads and alleys have suffered injuries. She also said that rain damage is serious.

Mayor Azim said work is already being done to improve and beautify the streets of Malé. He said special attention is being given to lighting narrow alleys and repairing damaged roads and lanes.

The Malé City Council said that work is ongoing to develop roads to modern standards and improve the city environment. It also said plans are being made to find a permanent solution to flooding, adding light posts along with necessary road repairs.

It has also been observed that since the new councilors took their oath this year, they have been meeting residents, listening to their concerns and working to solve their problems quickly and efficiently.

މައްޗަންގޮޅި އުތުރުގައި ހަލާކުވެފައިވާ މަގުތަކާއި ގޯޅިތަކުގެ ހާލަތު މޭޔަރާއި ކައުންސިލަރު ބައްލަވައިލައްވައިފި

The Mayor and the Councilor inspected the condition of the damaged roads and alleys in Machangolhi North

މާލޭގައި ހުންނަ މަސްޖިދުލް ސުލްތާނު މުހައްމަދުލް ފަރީދުލް އައްވަލް މިސްކިތުގެ ވުޟޫކުރާބައިގެ މުށިތައް ބަދަލުކޮށް، އެ ތަން މަރާމާތު ކުރުމުގެ މަސައްކަތް، މާލެ ސިޓީ ކައުންސިލުން ފަށައިފިއެވެ.

މިއީ މާލެ ސިޓީގެ މިސްކިތްތަކުގެ އާބާތުރަ ފިލުވައި މިސްކިތްތައް ރަނގަޅު ފެންވަރެއްގައި ބެހެއްޓުމަށް، ކައުންސިލުން ޚާއްސަ އިސްކަމެއްދީގެން ކުރަމުންދާ މަސައްކަތްތަކުގެ ތެރޭގައި ހިމަނައިގެން ކުރިއަށްދާ މަސައްކަތެކެވެ.

މިސްކިތްތައް މަރާމާތުކޮށް ޒީނަތްތެރި ކުރުމާ ގުޅޭގޮތުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، "މާލެ ސިޓީ ކައުންސިލްގެ ބެލުމުގެ ދަށުގައި ހުންނަ ކޮންމެ މިސްކިތެއް ވެސް، ސާފުކޮށް ބޭއްވުމާއި ޒަމާނާ އެއްގޮތަށް ތަރައްޤީކޮށް ޒީނަތްތެރި ކުރުމަކީ "  ކައުންސިލްގެ މުހިންމު އަމާޒެއް ކަމަށެވެ. މީގެތެރޭގައި މިސްކިތްތަކަށް ނަމާދަށްދާ ފަރާތްތަކަށް ފަސޭހަވާނެހެން، ވަސީލަތްތައް ޤާއިމްކުރުން ހިމެނެއެވެ.

ސިޓީ ކައުންސިލުން އަންނަނީ، މާލޭގެ އެކި ސަރަހައްދުތަކުގައި ހުރި މިސްކިތްތަކުގެ ހާލަތު ބަލައި، މަރާމާތު ކުރަންޖެހޭ ކަންކަން ދެނެގަނެ އެ މަސައްކަތްތައް މެދުނުކެނޑި ކުރިއަށް ގެންދަމުންނެވެ.

މާލެ ސިޓީ ކައުންސިލުން، މާލެ ސަރަހައްދުގެ ޖުމްލަ 41 މިސްކިތެއްގެ ކަންކަން، ކޮންމެ ދުވަހަކު ވެސް އަންނަނީ ބަލަމުންނެވެ

މަސްޖިދުލް ސުލްތާނުލް މުހައްމަދު ފަރީދުލް އައްވަލް މިސްކިތުގެ ވުޟޫކުރާބައިގެ މުށިތައް ބަދަލު ކުރަން ފަށައިފި

ހުޅުމާލެ مسجد الشيخ قاسم بن ثاني (ގުއްބު މިސްކިތް) ގައި މިހާރު ކުރިއަށްދާ މަސައްކަތްތައް މާލެ ސިޓީގެ މޭޔަރ އާދަމް ޢާޒިމާއި ހުޅުމާލެ ދެކުނު ދާއިރާގެ ކައުންސިލަރު އަޙުމަދު ޣާލިބު ބައްލަވައިލައްވައިފިއެވެ.

މި ޒިޔާރަތުގައި ޑެޕިއުޓީ މޭޔަރ މީކާއީލް މުޙައްމަދު ރިޔާޟް ވެސް ބައިވެރިވެވަޑައިގެންނެވިއެވެ. އަދި މިސްކިތުގެ ގޯތިތެރޭގައި ކުރިއަށްދާ މުހިންމު މަސައްކަތްތަކުގެ ތަފްސީލު އެ ބޭފުޅުން ވަނީ އޮޅުންފިލުވައިފައެވެ.

މި މިސްކިތުގައި މިހާރު ކުރަމުންދާ، މިސްކިތުގެ ބޭރުގައި ވުޟޫކުރާ ބަޔަކާއި ފާޚާނާ ބަރިއެއް ހެދުމުގެ މަސައްކަތް ފެށިފަހުން، އެ މަސައްކަތް ހުއްޓާލުމަށް އިސްލާމިކް މިނިސްޓްރީން އަންގާފައިވާތީ، ފާޚާނާ ބަރި ހެދުމަށް މިސްކިތުގެ ގޯތިތެރޭގައި ކޮނެފައިވާ ތަނަށް ފަސްއަޅައި އެއްވަރުކުރުމުގެ މަސައްކަތެވެ. މި މަސައްކަތްތައް ޢަމަލީގޮތުން ކުރިއަށް ގެންދަނީ މާލެ ސިޓީ ކައުންސިލްގެ މުވައްޒަފުންނެވެ.

މި މަސައްކަތާ ގުޅޭގޮތުން މޭޔަރ އާދަމް ޢާޒިމް ވިދާޅުވީ، "މިސްކިތުގެ ތެރޭގައި ފާޚާނާ ބަރި ހުރުމަކީ އެއްގޮތަކަށް ވެސް ރަނގަޅު ކަމެއް ނޫން" ކަމަށެވެ. މޭޔަރުގެ ވާހަކަފުޅުގައި މިސްކިތުގެ ހުރުމަތާއި ސާފުތާހިރުކަން ދެމެހެއްޓުމުގެ މުހިންމުކަން ފާހަގަކުރެއްވިއެވެ.

ކައުންސިލަރު އަޙުމަދު ޣާލިބު ވިދާޅުވީ، މިސްކިތުގެ ތެރޭގައިވާ ފާޚާނާ ބަރިއާއި ވުޟޫކުރާ ބައި މިސްކިތުގެ ބޭރަށް ލުމުން، މިސްކިތުގައި ނަމާދުކުރަން އޮތް ޖާގަ ބޮޑުވެ، މިސްކިތް އިތުރަށް ފުރިހަމަވެގެންދާނެ ކަމަށެވެ. މީގެ ސަބަބުން ނަމާދަށް އަންނަ ފަރާތްތަކަށް އިތުރު ފަސޭހަތަކެއް ލިބިގެންދާނެކަން އޭނާ ފާހަގަކުރެއްވިއެވެ.

ހުޅުމާލެ ގްރޭންޑް މިސްކިތުގެ ނަމުން މަޝްހޫރުވެފައިވާ މި މިސްކިތަކީ 2006 ވަނަ އަހަރު ޢިމާރާތްކޮށްފައިވާ، 1800 އަށްވުރެ ގިނަ މީހުންނަށް އެއްފަހަރާ ނަމާދުކުރެވޭ ވަރުގެ ބޮޑު މިސްކިތެކެވެ. މި މިސްކިތަކީ ފެހި ގަސްތަކުން ގޯތިތެރެ ޒީނަތްތެރިކޮށްފައިވާ، އަދި ސީލިންގުގައި ރީތި ޖިއޮމެޓްރިކް ޑިޒައިނެއް ހުންނަ ހިތްފަސޭހަ ބިނާއެކެވެ.

ގުއްބު މިސްކިތުގައި ކުރަމުން އަންނަ މަސައްކަތްތައް މޭޔަރާއި ކައުންސިލަރު ބައްލަވައިލައްވައިފި

ވެޓް މާރުކޭޓް މައްސަލައިގައި ބިން ހަވާލުކުރެވޭނީ ޤާނޫނާ ޤަވައިދުގެ ތެރެއިން ކަމަށް ސިޓީ ކައުންސިލުން ނިންމައިފިއެވެ.

މާލެ ސިޓީ ކައުންސިލުން މި ގޮތަށް ނިންމީ މިއަދު ބޭއްވި މާލެ ސިޓީ ކައުންސިލްގެ 5 ވަނަ ދައުރުގެ 4 ވަނަ ޢާންމު ޖަލްސާގައެވެ. 

ވެޓް މާރުކެޓް ހުރި ބިން، މިނިސްޓްރީ އޮފް ފިޝަރީޒް އެގްރިކަލްޗަރ އެންޑް އޯޝަން ރިސޯސަސްއާ ހަވާލުކުރުމަށް އެދި އެ މިނިސްޓްރީން ކައުންސިލަށް  ސިޓީ ފޮނުވުމާ ގުޅިގެން މި ކަމަށް ގޮތެއް ނިންމުމަށް ކުރެވުނު މަޝްވަރާގައި، ކައުންސިލުން ބުނެފައިވަނީ، މި މައްސަލައިގައި މީގެ ކުރިން ވެސް ތަކުރާރުކޮށް ހައުސިންގ މިނިސްޓްރީން ވެސް އެ ބިން ހަވާލުކުރުމަށް އެދި ކައުންސިލަށް ސިޓީ ފޮނުވައިފައި ކަމަށެވެ. އެހެން ނަމަވެސް އެ ތަނަކީ، ނިމިދިޔަ ދައުރުގައި އެ ތަން ތަރައްޤީ ކުރުމަށް ދެ ކުންފުންޏަކަށް އެގްރީމެންޓް ކޮށްފައިވާ ތަނެއް ކަމުން، އެ ކޮންޓްރެކްޓް ބާޠިލް ކުރުމަށް ފަހު މެނުވީ އެހެން ފަރާތަކަށް ބިން ނުދެވޭނެ ކަމަށް މޭޔަރ ޢާދަމް ޢާޒިމް ވިދާޅުވިއެވެ. އަދި މިކަމާ ގުޅޭ ހުރިހައި މަޢުލޫމާތެއް ސަރުކާރުގެ ކަމާ ބެހޭ މުއައްސަސާތަކާ ޙިއްސާ ކޮށްފައިވާނެ ކަމަށް ވެސް މޭޔަރ ޢާޒިމް ވިދާޅުވިއެވެ. 

"އެހެން ފަރާތަކާ ހަވާލުކޮށްފައި އޮންނަ ބިމެއް، އެ ކޮންޓްރެކްޓް ބާޠިލް ނުކޮށް ދެވަނަ ފަރާތަކަށް ނުދެވޭނެ. އެހެން އޮތް ކަމެއް، އެ ބޭފުޅުންނަށް އެނގިތިއްބަވައިގެން، ސިޓީ ކައުންސިލާ މަޝްވަރާ ވެސް ނުކޮށް އެ ބޭފުޅުން އަތުގައި ނެތް ބިމެއް އިތުރު އެހެން ބަޔަކަށް އެގްރީމެންޓްކޮށް، ސަރުކާރު ފަރާތުން ހައުސިންގ މިނިސްޓަރ ސޮއި ކުރުމަކީ އަޅުގަނޑު ދެކޭ ގޮތުގައި ވަރަށް ބޮޑަށް ޤާނޫނާ ޚިލާފު ޢަމަލެއް. މި ކަމުން ސަރުކާރު އިތުރަށް ބަދުނާމުވަމުން އެ ދަނީ. މީގެ ސަބަބުން ރައްޔިތުންގެ އިތުބާރު ގެއްލިގެން ދަނީ" މޭޔަރ ޢާޒިމް ވިދާޅުވިއެވެ. 

މި ޖަލްސާގައި، މި މައްސަލައާއި ގުޅިގެން ސިޓީ ކައުންސިލުން ހައުސިންގް މިނިސްޓްރީއަށް ފޮނުއްވި ސިޓީ ވަނީ ހަމާކުރައްވާފައެވެ. އެ ސިޓީގައި، ކައުންސިލުން ދެ ފަހަރެއްގެ މަތިން އެގްރީމެންޓް ކުރެވުނު ގޮތުގެ ތަފްސީލު ބަޔާންކޮށްފައިވެއެވެ. އަދި މި ރޮޖެކްޓް އޭރުގެ ހައުސިންގ މިނިސްޓްރީން ކުރިޔަށް ގެންދިއުމަށް ނިންމުމުން، އެ ޕްރޮޖެކްޓާ ގުޅޭ ލިޔެކިއުންތައް ހައުސިންގ މިނިސްޓްރީއަށް ގެންގޮސްފައިވާކަން އެ ސިޓީގައި ބަޔާންކޮށްފައިވެއެވެ. އެ ލިޔެ ކިއުންތައް ގެންގޮސްފައިވަނީ، އުސޫލްތަކާ ޚިލާފަށް ކަން ވެސް މި ސިޓީގައި ވަނީ ބަޔާންކޮށްފައެވެ. އަދި މި ބިން ހަވާލުކުރެވޭނީ އެ އެއްބަސްވުންތައް ބާޠިލް ކުރުމަށް ފަހުގައި ކަމަށާއި، ޤާނުނީ ގޮތުން މި މައްސަލައާއި ގުޅުން ހުރި އެތައް ކަމެއް އެ ސިޓީގައި ބަޔާން ކޮށްފައިވެއެވެ. 

މި ކަމާ ގުޅިގެން ކައުންސިލަރުން ދެއްކެވި ވާހަކަފުޅުގައި، ހައުސިންގ މިނިސްޓްރީއާ ބައްދަލުކޮށް، މި މައްސަލައަށް އެދެވޭ ހައްލެއް ހޯދުމަށް މަސައްކަތް ކުރުމަށް ވަނީ ނިންމާފައެވެ. އަދި ހައުސިންގ މިނިސްޓްރީން މި ކަމަށް އެއްބާރުލުން ލިބެންދެން  މަސައްކަތް ހުއްޓައިނުލައި ކުރިޔަށް ގެންދިއުމަށް ވެސް، ކައުންސިލަރުން ވަނީ ނިންމާފައެވެ. 

މާލެ މާސްމާރުކޭޓަކީ، ވަރަށް ބޮޑަށް ވިރާނާވެފައިވާ ތަނެއް ކަމަށާއި، ރަނގަޅު ފެންވަރުގައި، ވީހާ ވެސް އަވަހަށް ތަރައްޤީކޮށް ރައްޔިތުންނަށް ޚިދުމަތް ލިބޭނެ މަގު ފަހިކުރުމަކީ ވަރަށް މުހިއްމު ކަމެއް ކަމުގައި ދެކޭ ކަމަށް ވެސް މޭޔަރ ޢާޒިމް ވަނީ ވިދާޅުވެފައެވެ. 

Latest news

Latest news