ޖަލްސާގެ ކުރެވުނު މަސަތްކަތްތައް

މާލެ ސިޓީ ކައުންސިލްގެ 04 ވަނަ ދައުރުގެ 222 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: ކުނިކަހާ މުވައްޒަފުންގެ އެގްރީމެންޓްގެ މުއްދަތު 02 އަހަރު ދުވަހަށް އިތުރު ކުރުމާ މެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. މާލެ ސިޓީގައި މަސައްކަތް ކުރާ ކުނިކަހާ މުވައްޒަފުންނަށް މާލީ ދަތިކަމާއި ލޯނު ނެގުމުގައި ވެސް ދަތިތައް ހުރުމުން އެ މުވައްޒަފުންގެ އެގްރީމަންޓް އައު ކުރާ އިރު 02 އަހަރު ދުވަހަށް އެގްރީމަންޓްގެ މުއްދަތު އިތުރުކޮށް ދިނުމަށް، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މާލޭގެ މަގުތަކުން ހަތަރު ފުރޮޅުލީ ވެހިކަލް ޕާކިން އަށް ދޫކޮށްފައިވާ ސަރަޙައްދުތައް ފިޔަވައި، ޕާރކިން އަށް ދޫކޮށްފައިވާ ސްލޮޓްތަކުގެ އެއްބަސްވުމުގެ މުއްދަތު ހަމަވެފައިވާތީވެ، މުއްދަތު އިތުރު ކުރުމާ ގުޅޭ ގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. ގަވާއިދާ އެއްގޮތްވާ ގޮތުގެ މަތީން ދޫކޮށްފައިވާ ޕާކިން ތަކުގެތެރެއިން، ގަވާއިދުން ފައިސާ ދައްކާ ފަރާތްތަކުގެ އެގްރީމަންޓް އައުކޮށްދިނުމަށާއި،  ގަވާއިދާ އެއްގޮތްވާ ގޮތުގެ މަތީން ނޫންގޮތަކަށް ދީފައިވާ ސްލޮޓްހުރި ނަމަ، އެ ސްލޮޓްތައް އަލުން އިއުލާންކޮށް ލޯކަލް އޮތޯރިޓީގެ ލަފައަކާއެކު ކުރިއަށް ދިއުމަށް، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މާލޭގެ ލޮނުޒިޔާރަތްކޮޅުން ސާރފިންގ ސްޓޭޑިއަމް ތަރައްޤީކުރުމަށް ކަނޑައަޅާފައިވާ ބިމަށް 3975 އަކަފޫޓުގެ ބިން، އިތުރުކޮށްދިނުމަށް އެދި މާލީކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާއިން ފޮނުއްވާފައިވާ ނަންބަރު: 13-PU/425/2025/66 ސިޓީއާމެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، މާލޭގެ ލޮނުޒިޔާރަތްކޮޅުން ސާރފިންގ ސްޓޭޑިއަމް ތަރައްޤީކުރުމަށް ކަނޑައަޅާފައިވާ ބިމަށް 3975 އަކަފޫޓުގެ ބިން، އިތުރުކޮށްދިނުމަށް، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: "ވެހިކަލް ކެރީން ކެޕޭސިޓީ" ސްޓަޑީގައި، ޓްރެފިކް ހާލަތު ރަނގަޅުކުރުމަށް އަޅަންޖެހޭ ފިޔަވަޅުތައްކަމަށް ފާހަގަކޮށްފައިވާ  ކަންތައްތައް ހިއްސާކޮށް، ކުރިއަށްދާނެ ގޮތަކާ މެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. "ވެހިކަލް ކެރީން ކެޕޭސިޓީ" ސްޓަޑީގައި، ޓްރެފިކް ހާލަތު ރަނގަޅުކުރުމަށް އަޅަންޖެހޭ ފިޔަވަޅުތައް ފާހަގަކޮށް ހަދާފައިވާ ރިޕޯޓް، މިނިސްޓްރީ އޮފް ޓްރާސްޕޯޓް އެންޑް ސިވިލް އޭވިއޭޝަންއާ ހިއްސާ ކުރުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ވިލިމާލޭގެ ކޮމާޝަލް ބިންތަކާ ގުޅޭގޮތުން ތައްޔާރުކޮށްފައިވާ ރިޕޯޓް ހިއްސާކޮށް، އެކަމާއި ގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، ބިންތައް ކުއްޔަށް ދިނުމުގެ ކުރިން މިނިސްޓްރީ އޮފް ފިނޭންސް އަދި ލޯކަލް ގަވަރމަންޓް އޮތޯރިޓީގެ ލަފައަކަށް ފަހުގައި ބިންތައް ދޫކުރުމާ މެދު ގޮތެއް ނިންމުމަށާއި ވިލިމާލޭގެ ކޮމިއުނިޓީ ގާރޑަން މިހާރު އޮތް ލޮކޭޝަނުން އެހެން ލޮކޭޝަނަކަށް ބަދަލުކޮށް ބަރާބަރަށް ފައިސާ ދައްކާ މީހުންނަށް ފުރުސަތު ދިނުމަށް، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުޅުމާލެ ދާއިރާ - T01

ޢަލީ އައިމަން

ޕީޕަލްސް ނެޝެނަލް ކޮންގްރެސް

ކައުންސިލަރު

މެދު ހެންވޭރު ދާއިރާ - T03

  އަހުމަދު ރިޝްވާން ރަޝީދު

ހެންވޭރު ދެކުނު ދާއިރާ - T04

 އައިމިނަތު ރިޝްފާ އަހުމަދު

ހެންވޭރު ހުޅަނގު ދާއިރާ - T05

ފާތިމަތު ޝައުފާ ސަލީމް

މައްޗަންގޮޅި އުތުރު ދާއިރާ - T10

ސަޢީދާ ރަޝާދު

ޕްރޮގްރެސިވް ޕާރޓީ އޮފް މޯލްޑިވްސް

މައްޗަންގޮޅި ދެކުނު ދާއިރާ - T12

ޢާއިޝަތު ނާޡިމާ

މާފަންނު އުތުރު ދާއިރާ - T14

އާމިނަތު ޔުމްނާ

މާފަންނު ހުޅަނގު އުތުރު ދާއިރާ - T15

މުޙައްމަދު ޢަރީޝް

ޑެޕިއުޓީ މޭޔަރު

މާފަންނު ދެކުނު ދާއިރާ - T17

 ހަސަން ނިޘާމް

ވިލިމާލެ ދާއިރާ - T18

ނަހުލާ ޢަލީ 

 އާދަމް ޢާޒިމް

ދިވެހިރައްޔިތުންގެ ޑިމޮކްރެޓިކް ޕާޓީ

މޭޔަރު

ހެންވޭރު އުތުރު ދާއިރާ - T02

ޢާއިޝަތު ނިޒްލީ ރަޝީދު

ގަލޮޅު އުތުރު ދާއިރާ - T06

މުޙައްމަދު ސައިފް ފާތިހު

ގަލޮޅު މެދު ދާއިރާ - T07

މަރްޔަމް ރީޙާން ނާޡިމް

ގަލޮޅު ދެކުނު ދާއިރާ - T08

އިބްރާހީމް މުޙައްމަދު

ގަލޮޅު ހުޅަނގު ދާއިރާ - T09

މަރްޔަމް ނާޡިމާ މުޙައްމަދު ފާއިޒު

މައްޗަންގޮޅި މެދު ދާއިރާ - T11

ފާތިމަތު އިޝާން ޢަލީ

މާފަންނު ހުޅަނގު - T16

އިބްރާހީމް އަބޫބަކުރު

 މާލެ ސިޓީ ކައުންސިލްގެ 04 ވަނަ ދައުރުގެ 222 ވަނަ ރަސްމީ ޢާއްމު ޖަލްސާ

މާލެ ސިޓީ ކައުންސިލްގެ 04 ވަނަ ދައުރުގެ 217 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: ދިރާގުގެ މުއާސަލާތީ ޚިދުމަތްތަކުގެ ކަވަރޭޖް ރަނގަޅުކުރުމަށްޓަކައި މާލޭގެ 26 ސަރަހައްދެއްގައި، 8(މ)ގެ ރޯޑްސައިޑް ޕޯލް ޖެހުމަށް ބޭނުންވާކަމަށް ބަޔާންކޮށް ހުށަހަޅާފައިވާ ހުށަހެޅުމާމެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. ދިރާގުގެ މުއާސަލާތީ ޚިދުމަތްތަކުގެ ކަވަރޭޖް ރަނގަޅުކުރުމަށްޓަކައި މާލޭގެ 26 ސަރަހައްދެއްގައި، 8(މ)ގެ ރޯޑްސައިޑް ޕޯލް ޖެހުމަށް ބޭނުންވާކަމަށް އެދި ފޮނުވާފައިވާ ސިޓީގައި ފާހަގަ ކޮށްފާވާ ސަރަހައްދުތަކުގައި ރޯޑް ސައިޑް ޕޯލް ޖެހުމުގެ ހުއްދަ ދިނުމާމެދު ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ުށަހެޅުނު މައްސަލަ: އުރީދޫ މޯލްޑިވްސް އިން ދޭ ޚިދުމަތްތަކުގެ ކަވަރޭޖް ރަނގަޅުކުރުމަށްޓަކައި މާލޭގެ 35 ސަރަހައްދެއްގައި ސްޓްރީޓް ޕޯލް ޖެހުމަށް ބޭނުންވާކަމަށް ބަޔާންކޮށް ހުށަހަޅާފައިވާ ހުށަހެޅުމާމެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. މިކަމަކީ ވަރަށް މުހިންމު ކަމެއްކަމުގައި ދެކޭތީއާ، މިހާރު އިމާރާތްކުރާ އިމާރާތްތައް އުސްކޮށް ނެގުމުގެ ސަބަބުން ކަވަރޭޖް ލިބުމުގައި ރައްޔިތުންނަށް ދަތިތަކެއް ކުރިމަތިވަމުންދާތީ، އުރީދޫ މޯލްޑިވްސްއިން އެދިފައިވާ ސަރަހައްދުތަކުގައި ޕޯލްތައް ޖެހުމަށް ހުއްދަ ދިނުމާމެދު ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: 29 އޮކްޓޯބަރ 2025 އިން 31 އޮކްޓޯބަރ 2025 އަށް ބޭއްވުމަށް ހަމަޖެހިފައިވާ ނޭޝަނަލް ޖޫނިއަރ ސަރފިންގް ޗެންޕިއަންޝިޕް އަދި 01 ނޮވެންބަރ 2025 އިން 07 ނޮވެންބަރ 2025 އަށް ބޭއްވުމަށް ހަމަޖެހިފައިވާ ރަންނަމާރި ޗެލެންޖެ 1447 އިވެންޓްތަކަށް މި ކައުންސިލްގެ ސަޕޯޓާއި ޕާޓްނާޝިޕަކަށް އެދި މޯލްޑިވްސް ސަރފިންގް އެސޯސިއޭޝަނުން ފޮނުވާފައިވާ ސިޓީގައި އެދިފައިވާ ކަންކަމާ މެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. 29 އޮކްޓޯބަރ 2025 އިން 31 އޮކްޓޯބަރ 2025 އަށް ބޭއްވުމަށް ހަމަޖެހިފައިވާ ނޭޝަނަލް ޖޫނިއަރ ސަރފިންގް ޗެންޕިއަންޝިޕް އަދި 01 ނޮވެންބަރ 2025 އިން 07 ނޮވެންބަރ 2025 އަށް ބޭއްވުމަށް ހަމަޖެހިފައިވާ ރަންނަމާރި ޗެލެންޖެ 1447 އިވެންޓްތަކަށް މި ކައުންސިލްގެ ސަޕޯޓާއި ޕާޓްނާޝިޕަކަށް އެދި މޯލްޑިވްސް ސަރފިންގް އެސޯސިއޭޝަނުން އެދިފައިވާތީ، މި ކައުންސިލުން ދޭ އެހީތެރިކަމެއްގެ ގޮތުގައި -/50،000.00 ރުފިޔާ ހަމަޖައްސައި ދިނުމަށާއި ޕާޓްނަރޝިޕް އެމް.އޯ.ޔޫ އެއްގައި ސޮއިކުރުމާމެދު ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 219 ވަނަ ރަސްމީ ޢާއްމު ޖަލްސާ

ހުށަހެޅުނު މައްސަލަ: މޯލްޑިވްސް އިސްލާމިކް ބޭންކްގައި އެކައުންޓް އަދި ގޭޓްވޭ ހުޅުވުމާ މެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، މާލެ ސިޓީ ކައުންސިލަށް ސަވާރީ ޕޭ މެދުވެރިކޮށް ވެހިކަލް ފީ މިވަގުތު ބަލައިގަންނަމުން ދަނީ ހަމައެކަނި ބޭންކް އޮފް މޯލްޑިވްސްގެ ކަސްޓަރަމަރުންގެ ކާޑުތައް ބޭނުންކޮށްގެންނާ ކައުންސިލްގެ އެމްސީސީ ޕޭއަށް ވެސް ފައިސާ ދެއްކެނީ ހަމައެކަނި ބޭންކް އޮފް މޯލްޑިވްސްގެ ގޭޓްވޭ މެދުވިކޮގެންނެވެ. އެހެން ކަމުން އިތުރަށް ކައުންސިލްގެ އެމްސީސީ ޕޭއަށް ވެސްއަދި ގޭޓްވޭ ހުޅުވުމަށް މޯލްޑިވްސް އިސްލާމިކް ބޭންކްގައި މި ކައުންސިލްގެ އެކައުންޓެއް ހުޅުމަށް، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަޤްލަބިއްޔަތުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 217 ވަނަ ރަސްމީ ޢާއްމު ޖަލްސާ

މާލެ ސިޓީ ކައުންސިލްގެ 04 ވަނަ ދައުރުގެ 215 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: މޯލްޑިވެސް މީޓިއޮރޮލޮޖިކަލް ސަރވިސްއިން ވިލިމާލޭގައި އޮޓޮމެޓިކް ވެދަރސްޓޭޝަނެއް ބެހެއްޓުމަށް އެ ސަރވިސްއިން ފޮނުވާފައިވާ ސިޓީގައި ބަޔާން ކޮށްފައިވާ ސަރަހައްދު ދިނުމާއި މެދު މަޝްވަރާކޮށް ގޮތެއް ނިންމުން.މައްސަލަ ނިމުނުގޮތް: 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، މޫސުމަށް އަންނަމުންދާ ބަދަލުތައް ބެލުމަށާއި ދުރާލާ އިންޒާރުދޭ ނިޒާމު އިތުރަށް ހަރުދަނާ ކުރުމުގެ ގޮތުން ގްރޭޓަރ މާލެ ސަރަހައްދުން މި މައުލޫމާތު ވަގުތުން ވަގުތަށް ބެލޭނެ އިންތިޒާމް ހަމަޖެއްސުމަށް ވިލިމާލޭގައި އޮޓޮމެޓިކް ވެދަރސްޓޭޝަނެއް ބެހެއްޓުމަށް އެ ސަރވިސްއިން ފޮނުވާފައިވާ ސިޓީގައި ބަޔާން ކޮށްފައިވާ ސަރަހައްދު ދިނުމަށް، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: އެޗް.ޑީ.އެފް.ސީ ގެ ސްކީމުގައި މިއިދާރާގެ މުވައްޒަފުން ބައިވެރިވުމަށް ކައުންސިލް ފްލޯއިން ފާސްކޮށްދެއްވުމަށް އެދި، އެ ކުންފުނިން ފޮނުވާފައިވާތީ، އެކަމާ ގުޅޭ ގޮތުން މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، އެޗް.ޑީ.އެފް.ސީ ގެ ސްކީމްގައި މި އިދާރާގެ މުވައްޒަފުން ބައިވެރި ކުރުމަށް ކައުންސިލް ފްލޯއިން ފާސްކޮށްދެއްވުމަށް އެ ކޮމްޕެނީން ފޮނުވާފައިވާތީވެ، އެ ސްކީމްގައި މި އިދާރާގެ މުވައްޒަފުން ބައިވެރި ކުރުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މޯލްޑިވެސް މީޓިއޮރޮލޮޖިކަލް ސަރވިސްއިން ވިލިމާލޭގައި އޮޓޮމެޓިކް ވެދަރސްޓޭޝަނެއް ބެހެއްޓުމަށް އެ ސަރވިސްއިން ފޮނުވާފައިވާ ސިޓީގައި ބަޔާން ކޮށްފައިވާ ސަރަހައްދު ދިނުމާއި މެދު މަޝްވަރާކޮށް ގޮތެއް ނިންމުން. 

ހުށަހެޅުނު މައްސަލަ: އެމް.ޑަބްލިއު.އެސް.ސީ އާއި ސުއޭޒް ކޮންސަލްޓިންގ ޕްރައިވެރޓް ލިމިޓެޑް ގުޅިގެން ކުރިއަށްގެންދާ "ހައިޑްރޯ ޖިއޮލޮޖިކަލް ދިރާސާ" ގެ މުހިއްމު ބައެއްގެ ގޮތުގައި، މާލޭ ޓޯޔާޑްގައި ބޯހޯލްއެއް ތޮރުފުމާއި މެދު މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، އެމް.ޑަބްލިއު.އެސް.ސީ އާއި ސުއޭޒް ކޮންސަލްޓިންގ ޕްރައިވެރޓް ލިމިޓެޑް ގުޅިގެން ކުރިއަށްގެންދާ "ހައިޑްރޯ ޖިއޮލޮޖިކަލް ދިރާސާ" ގެ މުހިއްމު ބައެއްގެ ގޮތުގައި، މާލޭ ޓޯޔާޑްގައި 5 އިންޗީގެ ފުޅާމިނަށް 30 މީޓަރުގެ ފުންމިނަށް ބޯހޯލްއެއް ތޮރުފުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ކައުންސިލްގެ ރަސްމީ ދަތުރު ތަކުގައި ބައިވެރިވާ ފަރާތްތައް ކަނޑައެޅުމުގައި ކައުންސިލުން އަމަލުކުރަމުންދާ ގޮތް ލޯކަލް ކައުންސިލްތަކުގެ އާންމު އިޖުރާއީ ޤަވާއިދާ ޚިލާފުވާކަމަށްބުނެ، ކައުންސިލަރ ނަޙުލާ ޢަލީ ހުށަހަޅާފައިވާ މައްސަލައާ ގުޅޭ ގޮތުން މަޝްވަރާކުރުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، ކައުންސިލަށް އަންނަ ދަތުރު ތަކުގައި ބައިވެރިވެ ވަޑައިގަންނަވާ ބޭފުޅުން ކަނޑައެޅުމަށް ކޯޕަރޭޓް ކޮމެޓީން ނިންމުމަށް އެ ނިންމުން ކައުންސިލް ޖަލްސާގައި ހިއްސާކޮށްގެން ކުރިއަށް ދިއުމަށާއި ކޮމެޓީން ވަކިގޮތެއް ކަނޑަ ނޭޅިއްޖެ ހާލަތެއްގައި މާލިއްޔަތު ގަވާއިދު 2023 46 ވަނަ މާއްދާގެ (ށ)ގައިވާ ގޮތަށް ކައުންސިލްގެ ރަސްމީ ބައްދަލުވުމެއް ބޭއްވުމަށް ވަގުތުނެތި ކުއްލި ގޮތަކަށް މިކަން ނިންމަންޖެހިއްޖެނަމަ، ނިންމާނީ ކައުންސިލްގެ ރައީސް ނުވަތަ މޭޔަރ ކަމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މާލެ ވިލިނގިލީގައި މޯލްޑިވްސް ގޭސް ޕްރައިވެޓް ލިމިޓެޑްގެ ފަރާތުން ކައްކާ ގޭސް، ގެ ޚިދުމަތް ދިނުމަށް ހެދިފައިވާ މެމޮރެންޑަމް އޮފް އަންޑަސްޓޭންޑިންގ (އެމް.އޯ.ޔޫ) ގެ މުއްދަތު ހަމަވުމާއި ގުޅިގެން އެމް.އޯ.ޔޫގެ މުއްދަތު އިތުރު ކުރުމާ މެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، މާލެ ވިލިނގިލީގައި މޯލްޑިވްސް ގޭސް ޕްރައިވެޓް ލިމިޓެޑްގެ ފަރާތުން ކައްކާ ގޭސް، ގެ ޚިދުމަތް ދިނުމަށް ހެދިފައިވާ މެމޮރެންޑަމް އޮފް އަންޑަސްޓޭންޑިންގ (އެމް.އޯ.ޔޫ) ގެ މުއްދަތު ހަމަވުމާއި ގުޅިގެން އެމް.އޯ.ޔޫގެ މުއްދަތު  އިތުރު ކުރުމާއި މެދު އިތުރަށް ދިރާސާ ކުރުމަށް ލޭންޑް ކޮމެޓީއަށް ފޮނުވުމަށް، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 215 ވަނަ ރަސްމީ ޢާއްމު ޖަލްސާ

މާލެ ސިޓީ ކައުންސިލްގެ 04 ވަނަ ދައުރުގެ 212 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: ސިޓީ ކައުންސިލުން ކުރާ މަސައްކަތްތަކާ ގުޅުންހުރި، ކައުންސިލް މެންޑޭޓުގައި ހިމެނޭ ކަންކަމާ ގުޅޭގޮތުން ކުރިއަށް ގެންދާ ސެމިނަރ، ޓްރެއިނިންގ އަދި ވޯރކްޝޮޕްތަކުގައި ބައިވެރިވާ ކައުންސިލަރުންގެ ޚަރަދުތައް، އެކައުންސަލަރަކު އަމިއްލައަށް ހަމަޖައްސާ ހާލަތުގައިވެސް، އެ ފަދަ ބައިވެރިވުންތަކުގައި ބައިވެރިވުމަށް ހޭދަވާ ދުވަސްތައް އެއީ ޓްރެއިނިންގ ލީވްއެއްގެ ގޮތުގައި ހަމަޖެއްސުމާ ގުޅޭ ގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، ސިޓީ ކައުންސިލުން ކުރާ މަސައްކަތްތަކާ ގުޅުންހުރި، ކައުންސިލް މެންޑޭޓުގައި ހިމެނޭ ކަންކަމާ ގުޅޭގޮތުން ކުރިއަށް ގެންދާ ސެމިނަރ، ޓްރެއިނިންގ އަދި ވޯރކްޝޮޕްތަކުގައި ބައިވެރިވާ ކައުންސިލަރުންގެ ޚަރަދުތައް، އެކައުންސަލަރަކު އަމިއްލައަށް ހަމަޖައްސާ ހާލަތުގައިވެސް، އެ ފަދަ ބައިވެރިވުންތައް އެއީ ޓްރެއިނިންގ ލީވްއެއްގެ ގޮތުގައި ހަމަޖެއްސުމާ ގުޅޭ ގޮތުން މަޝްވަރާކޮށް ގޮތެއް ނިންމުން.އެ ފަދަ ބައިވެރިވުންތަކުގައި ބައިވެރިވުމަށް ހޭދަވާ ދުވަސްތައް އެއީ ޓްރެއިނިންގ ލީވް(އެޗް.އާރ ސިސްޓަމުން ނަމަ ފޮރިންގ ޓްރިޕް ލީވް)ގެ ގޮތުގައި ހަމަޖެއްސުމާމެދު ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ގަލޮޅު ސްކޫލްގޯތި ތެރޭގައި "އިޤްރައު އިންސްޓިޓިއުޓް" ގެ ނަމުގައި  ބޮޑެތި މީހުންނަށް އޮންލައިންކޮށް ހިންގަމުންގެންދިޔަ ޤުރުއާން ކްލާސްތައް ހިންގުމަށްޓަކައި، "އިޤްރައު އިންސްޓިޓިއުޓް" ރަޖިސްޓްރީ ކުރުމަށް ބޭނުންވާ އިޢުތިރާޒެއްނެތްކަމުގެ ލިޔުން މިކައުންސިލުން ދިނުމާ ގުޅޭ ގޮތުން ކޯޕަރޭޓް ކޮމިޓީން ނިންމަވާފައިވާ ގޮތާގުޅޭ ގޮތުން މަޝްވަރާކޮށް ގޮތެއް ނިންމުން.  

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، ގަލޮޅު ސްކޫލްގޯތި ތެރޭގައި "އިޤްރައު އިންސްޓިޓިއުޓް"ގެ ނަމުގައި،އެ ސްކޫލުން، ބޮޑެތި މީހުންނަށް އޮންލައިންކޮށް ހިންގަމުންގެންދިޔަ ޤުރުއާން ކްލާސްތައް ހިންގުމަށްޓަކައި، "އިޤްރައު އިންސްޓިޓިއުޓް" ރަޖިސްޓްރީ ކުރުމަށް ބޭނުންވާ އިޢުތިރާޒެއްނެތްކަމުގެ ލިޔުން މިކައުންސިލުން ދިނުމާ ގުޅޭ ގޮތުން ކޯޕަރޭޓް ކޮމިޓީން ނިންމަވާފައިވާ ނިންމުމާ އެއްގޮތަށް، ގަލޮޅު ސްކޫލްގޯތި ތެރޭގައި "އިޤްރައު އިންސްޓިޓިއުޓް" ގެ ނަމުގައި އެ ސްކޫލުން ހިންގަމުން ގެންދިޔަ ކޯސްތައް ހިންގުމަށް އިޢުތިރާޒެއްނެތްކަމުގެ ލިޔުމެއް މިކައުންސިލުން އެފަރާތަށް ދިނުމާމެދު، ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: "ޕްރޮޕޯސަލް އިވެލުއޭޝަން ކޮމިޓީ"ގެ ނަމުގައި ކުރިން އުފައްދާފައިވާ ކޮމިޓީ އަށް ބަދަލުގެނެސް އަލުން އެކުލަވާލުމާ ގުޅޭ ގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، "ޕްރޮޕޯސަލް އިވެލުއޭޝަން ކޮމިޓީ"ގެ ނަމުގައި ކުރިން އުފައްދާފައިވާ ކޮމިޓީގެނަން  "ބިޑް އިވެލުއޭޝަނަށް ލަފާދޭ ކޮމިޓީ"ގެ ނަމަށް ބަދަލުކޮށް، އެ ކޮމިޓީ އަލުން އެކުލަވާލުމަށް ނިންމުނެވެ. މިކޮމިޓީގެ ބޭނުމަކީ މާލެ ސިޓީ ކައުންސިލުން ކުރިއަށް ގެންދާ ރައްޔިތުންނާ ގުޅުންހުރި މުހިންމު ޕްރޮޖެކްޓްތަކަށް ހުށަހަޅާ ބިޑްތައް، ރައްޔިތުންނަށް އެންމެ ފައިދާހުރި ގޮތެއްގައި އިވެލުއޭޓް ކުރުމުގައި މާލެ ސިޓި މޭޔަރަށް ޕޮލިސީ ލެވެލްގައި ލަފާދިނުމުގެ ގޮތުން އުފެއްދި ކޮމިޓީއެކެވެ. އަދި، ބިޑް އިވެލުއޭޝަނަށް ލަފާދޭ ކޮމިޓީ މެމްބަރުންގެ ގޮތުގައި، ކައުންސިލަރ ފާތިމަތު އިޝާން ޢަލީ، ކައުންސިލަރ އިބްރާހީމް އަބޫބަކުރު، ކައުންސިލަރ ޙަސަން ނިޒާމް، ކައުންސިލަރ މުޙައްމަދު ސައިފް ފާތިޙް، ކައުންސިލަރ ނަޙުލާ ޢަލީ، ކައުންސިލަރ ފާތިމަތު ޝައުފާ ސަލީމް އަދި ކައުންސިލަރ އަޙުމަދު ރިޝްވާން ހަމަޖެއްސުމަށް ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

ހުށަހެޅުނު މައްސަލަ: މާލެ ސިޓީ ހޯލްގައި މުވައްޒަފުންނަށް ޙާއްޞަ ކެންޓީނެއް ހެދުމާއި ވެހިކަލް ގަރާޖެއް ހެދުމާގުޅޭ ގޮތުން މަޝްވަރާކޮށް ގޮތެއް ނިންމުން.  

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، މާލެ ސިޓީ ހޯލުގައި ވަރަށް ގިނަ އަދަދެއްގެ މުވައްޒަފުން މަސައްކަތުގައި އުޅެމުންދާ ކަމަށާއި، މާލެ ސިޓީ ހޯލް ހިމެނޭ ސަރަޙައްދުގައި، އާންމުކޮށް ބޭނުންކުރާ ބާވަތުގެ އެއްޗެއް ގަނެލާނެ ތަނެއް ނެތުމާއި ގިނަ މުވައްޒަފުންތަކެއް ކެއުން ބުއިމަށް ބޭރަށް ދާން ޖެހުމާ ގުޅިގެން މަސައްކަތްތަކަށް ބުރޫއަރާނެތީ، ސިޓީ ހޯލްތެރޭގައި ކެންޓީނެއް އަދި ވެހިކަލް ގަރާޖެއް ހެދުމަށާއި އަންނަ ހަފްތާގެ ޖަލްސާއަށް ކޮންސެޕްޓް ޑްރޯވިންގ ހުށަހަޅައިގެން ކުރިއަށް ގެންދިއުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: އިންސާނީ ޚިދުމަތް ފޯރުކޮށްދިނުމުގައި މާލެ ސިޓީކައުންސިލާއި މޯލްޑިވްސް ރެޑް ކްރެސެންޓް ގުޅިގެން، މަސައްކަތް ކުރުމަށް ހުށަހަޅާފައިވާ ހުށަހެޅުމާމެދު މަޝްވަރާކޮށް ގޮތެއް ނިންމުން. 

 މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، އިންސާނީ ޚިދުމަތް ފޯރުކޮށްދިނުމުގައި މާލެ ސިޓީކައުންސިލާއި މޯލްޑިވްސް ރެޑް ކްރެސެންޓްއާ އެކު ކުރެވުނު މަޝްވަރާތަކުގައި ފާހަގަ ކޮށްފައިވާ ކަންތައްތަކަށް ބިނާކޮށް، ދެފަރާތްތ ގުޅިގެން ކުރެވިދާނެ ކަންތައްތައް ހިމަނައި، މޯލްޑިވްސް ރެޑް ކްރެސެންޓުން ހުށަހަޅާފައިވާ،ފަހުމުނާމާގައި ބަޔާންކޮށްފައިވާ ކަންތައްތައް ހިމަނައިގެން، ކުރިއަށް ދިއުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

މާލޭ ސިޓިކައުންސިލުން އެފަރާތަށް ފޯރުކޮށްދިނުމަށް އެދިފައި ހުރި ކަންކަން:

•	4 ސްޓާފުން ޚިދުމަތަށް ދޫކުރުން. ގާތްގަނޑަކަށް އަހަރަކަށް 384,000.00 (މިނިމަމް ވޭޖް ރޭޓުން ބަލާނަމަ)

•	2 ޕާރކިންގް ސްލޮޓް (02 ވެހިކަލް އަށް)

•	ޕެޓްރޯލް އަދި މެއިންޓަނަންސްއަށް އަހަރަކަށް 88,000.00 ރުފިޔާ. 

މާލެ ސިޓީ ކައުންސިލްގެ 04 ވަނަ ދައުރުގެ 212 ވަނަ ރަސްމީ ޢާއްމު ޖަލްސާ

މާލެ ސިޓީ ކައުންސިލްގެ 04 ވަނަ ދައުރުގެ 211 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: 2026 ވަނަ އަހަރަށް މާލެ ސިޓީ ކައުންސިލްގެ ލަފާކުރި ބަޖެޓް ފާސްކުރުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. 2026 ވަނަ އަހަރަށް އަންދާޒާކޮށްފައިވާ މާލޭ ސިޓީ ކައުންސިލުގެ ބަޖެޓު 408,340,067.55 (ހަތަރު ސަތޭކަ އަށް މިލިއަން ތިންލައްކަ ސާޅީސް ހާސް ފަސްދޮޅަސް ހަތް ރުފިޔާ ފަންސާސް ފަސް ލާރި) ގެ ބަޖެޓް މިއަދުގެ ކައުންސިލް ޖަލްސާއަށް ހުށަހެޅިފައިވާ ގޮތަށް ފާސްކުރުމަށް އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ކެރަމް ވޯލްޑް ކަޕް ރާއްޖޭގައި ބޭއްވުމަށް ހަމަޖެހިފައިވާތީ، އެ މުބާރާތަކީ ފުރިހަމަ މުބާރާތަކަށް ހެދުމަށް ކެރަމް އެސޯސިއޭޝަންއާ ގުޅިގެން ކުރެވިދާނެކަންކަމާ އަދި އެހީތެރިކަން ފޯރުކޮށްދިނުމާ ގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. ކެރަމް އެސޯސިއޭޝަން އޮފް މޯލްޑިވްސް އިން ބޭއްވުމަށް ހަމަޖެހިފައިވާ ކެރަމް  ވޯލްޑްކަޕް ފުރިހަމަ މުބާރާތަކަށް ހެދުމަށް މާލެ ސިޓީ ކައުންސިލާ ގުޅިގެން ކުރިއަށް ގެންދިއުމަށްޓަކައި އެފަރާތުން އެދިލައްވާފައިވާ ފަދައިން ފައިސާގެ އެހީގެ ގޮތުގައި 2 ލައްކަ ރުފިޔާއަށްވުރެ އިތުރުނުވާގޮތަށް ދިނުމަށާއި،ކެރަމް އެސޯސިއޭޝަނުން,  އިންޓަރނޭޝަނަލް ކެރަމް ފެޑަރޭޝަން އަށް ދައްކަންޖެހޭ އަހަރީ ފީ ކޮންމެ އަހަރަކު ދައްކައިދިނުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މާލެ ސިޓީ ކައުންސިލުން " ސިޓީ ނެޓް" ގައި ބައިވެރިވުމާމެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. މާލެ ސިޓީ ކައުންސިލުން "ސިޓީ ނެޓް" ގައި ބައިވެރިވުމަށާއި، މިފަދަ ޖަމިއްޔާތަކުގައި ކައުންސިލުން ބައިވެރިވުމަކީ އެކި ގޮތްގޮތުން ކައުންސިލަށް ފައިދާ ކުރާނެ އަދި ކުރިއެރުންތައް ލިބިގެން ދާނެ ކަމެއްކަމުގައި ދެކޭތީ، "ސިޓީ ނެޓް" ގައިމިއިދާރާއިން ބައިވެރިވުމާއި މެދު ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މާލޭގެ މަގުތަކުގެ ދުވާރު މަތީ އަދި ކަންކަން މަތީގައި (ވީލްޗެއަރ ދުވާރުމައްޗަށް އެރާ ފޭބުމަށް ޚާއްސަ ތަންތަން) ޕާރކު ކުރާ މައްސަލައަށް ހައްލެއް ގެނައުމާއި ގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. މާލޭގެ މަގުތަކުގެ ދުވާރު މަތީ އަދި ކަންކަން މަތީގައި (ވީލްޗެއަރ ދުވާރުމައްޗަށް އެރާ ފޭބުމަށް ޚާއްސަ ތަންތަން) ޕާރކު ކުރާ މައްސަލައަށް ހައްލެއް ގެނައުމަށާއި  މިސްކިތްތަކަށް އަރާ ފައިވާ ފަރާތްތަކަށާއި އަދި އެމްބިއުލާންސްއަށް ބަލިމީހާ އަރުވާ ބޭލުމަށްވެސް ވަރަށް ދަތިތަކާއި ކުރިމަތި ވަމުންދާތީ، ފުލުހުންނާއި ގުޅިގެން މިއަދުން ފެށިގެން އެފަދަ ތަންތަނުގައި ޑަބަލް ރޮނގު ދަމާ، އެފަދަ ތަނެއްގައި ޕާރކު ކުރުމުން ވެހިކަލް ޓޯ ކުރާނެކަން އަންގާފަދަ ބޯޑެއް ބެހެއްޓުމަށް ފެންނާތީ އެކަން ވީހާވެސް އަވަހަށް ކުރިއަށް ގެންދިއުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަޣްލަބިއްޔަތުން މިހުށަހެޅުން ފާސްވިއެވެ.

ުށަހެޅުނު މައްސަލަ: މާލެ ސަރަހައްދުން ކުއްޔަށް ދޫކޮށްފައިވާ ޕާރކިން ސްލޮޓްތައް ކެންސަލް ކުރުމަށް،އާންމު އިޢުލާނެއް ކުރުމާމެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. މާލޭގެ މަގުތަކުން ހަތަރު ފުރޮޅުލީ ވެހިކަލް ޕާރކިންއަށް ކުއްޔަށް ދޫކޮށްފައިވާ ސަރަހައްދުތައް ކުއްޔަށްދިނުމަކީ ޤާނޫނީ ގޮތުން ކުރެވޭނެ ކަމެއްނޫން ކަމުގައި އެޓާރނީ ޖެނެރަލްގެ އޮފީހުން ޤާނޫނީ ލަފައެއް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންއަށް ފޮނުވުމާއި ގުޅިގެން، އެ މިނިސްޓްރީން އެދިފައިވާ ގޮތަށް، މާލެ ސިޓީ ކައުންސިލުން މާލޭގެ މަގުތަކުން ކުއްޔަށް ދޫކޮށްފައިވާ ޕާރކިންގ ސްލޮޓްތަކަކީ އެއްވެސް ފަރާތަކަށް ކުއްޔަށް ދޫކޮށްފައިވާ ތަންތަން ނޫން ކަމުގައި ކަނޑައެޅުމަށް ނިންމެވިއެވެ. އަދި އެތަންތަނުގައި 23 ސެޕްޓެމްބަރ 2025 އިން ފެށިގެން ކޮންމެ ޢާއްމު ރައްޔިތަކަށްވެސް ޕާރކް ކުރެވޭނެކަން އަންގާ ޢާއްމު އިޢުލާނެއް ކުރުމާއި މެދު ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

މޯލްޑިވްސް އިސްލާމިކް ބޭންކްއިން އެ ބޭންކްގެ ހަރަދުގައި ތަރައްޤީކޮށް ބެލެހެއްޓުން ކުރިއަށް ގެންދާގޮތަށް، ހުށަހަޅާފައިވާ ބަސްސްޓޮޕްތައް އެފަރާތަށް ދޫކުރާނެ މުއްދަތެއް ކަނޑައެޅުން. 

މޯލްޑިވްސް އިސްލާމިކް ބޭންކްއިން ހުށަހަޅާފައިވާ ޕްރޮޕޯސަލްގައިވާ، މިންތަކާއި ޑިޒައިނާ އެއްގޮތަށް ތައިސޭކޮށި، މާފަންނު މައިދާން، ސިނަމާލެ 3 އަދި ރާޅުގަނޑު ސަރަހައްދުގައި ބަސް ސްޓޮޕްތައް އެ ބޭންކްގެ ހަރަދުގައި ތަރައްޤީކޮށް ބެލެހެއްޓުން ކުރިއަށް ގެންދާގޮތަށް، 04 ވަނަ ދައުރުގެ 205 ވަނަ ރަސްމީ ޢާއްމު ޖަލްސާއިން ނިންމަވާފައިވާއިރު، މޯލްޑިވްސް އިސްލާމިކް ބޭންކަށް، ބުނެވިދިޔަ ތަންތަން ދޫކުރާނެ މުއްދަތަކީ 10(ދިހައެއް)އަހަރު ކަމަށް، މިއަދުގެ ކައުންސިލް ޖަލްސާއަށް ހުށަހެޅިފައިވާ ގޮތަށް ފާސްކުރުމަށް އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ތައިސޭކޮށީގައި "އިވެންޓް އޭރިއާ"ގެ ގޮތުގައި ކަނޑައަޅާފައިވާ ސަރަހައްދު ކުއްޔަށް ދޫކުރުމުގައި، އަގު ކަނޑައެޅުމުގައި ބަލާނެ މިންގަނޑުތަކާ ގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އިޖްތިމާޢީ ކަންތައްތައް ކުރިއެރުވުމުގެ ގޮތުން މާލެ ސިޓީ ކައުންސިލާ ގުޅިގެން އެކި ހަރަކާތްތައް ހިންގުމަށް ބޭނުންވާފަރާތްތަކަށް އާންމުންގެ އަތުން ފީއެއް ނުނަގާ ކުރިއަށްގެންދާ އިވެންޓެއް ނަމަ (CSR)ގެ ދަށުން އަގަކާނުލައި ދޫކުރުމަށާއި، ޓިކެޓް ވިއްކައިގެން ނުވަތަ އާންމުންގެ އަތުން ފީނަގައިގެން ކުރިއަށްގެންދާ ކަމެއް ނަމަ، 5000.00ރުފިޔާ އަދި އެހެނިހެން އެކި ހަފްލާތަކަށް ނަމަ، ލޮނުޒިޔާރަތް ޕާކު ކަސްރަތު ފެހި ދިނުމަށް ކަނޑައަޅާފައިވާ ޢަދަދަށް ބަލައި، (15،000.00)ރުފިޔާ ނެގުމާމެދު ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ތައިސޭކޮށީގެ ނަން ބަދަލުކުރުމާއި ގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. ބޭރުގެ ޤައުމުތަކުގައިވެސް ޢާއްމުކޮށް ހެޑްއޮފީސް ހުންނަ ތަންތަނަށް ޚާއްސަ ނަންތަކެއް ހުންނަ ކަމަށާއި އެގޮތުން ތައިސޭކޮށީގެ ބަދަލުގައި "މާލޭ ސިޓީ ހޯލް"ގެ ނަމަށް ތައިސޭކޮށީގެ ނަން ބަދަލުކުރުމަށް ފެނިވަޑައިގަންނަވާ ފަރާތްތަކުން ވޯޓު ދެއްވުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަޣްލަބިއްޔަތުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ޓުއަރިސްޓް ސަބްމެރިން މޯލްޑިވްސް ޕްރައިވެޓް ލިމިޓެޑް ގެ ވޭލް ސަބްމެރިންގެ ޕްލެޓް ފޯމް މާލެ ހުޅަނގު ފަރާތު ބޭރުތޮއްޓާ ގާތްކޮށް ބޭއްވުމަށް އެސަރަހައްދުން، ގޭންގް ވޭއެއް މެދުވެރިކޮށް މާލެއަށް އަރާ ފޭބުމުގެ ހުއްދައެއް ހަމަޖައްސާ ދިނުމަށް އެދި އެ ކުންފުނީގެ ނަންބަރު: TSM/SN/2025/003 (29 ޖުލައި 2025) ގެ ސިޓީން އެދިފައިވާތީ، މިކަމަށް ގޮތެއް ނިންމަވައި ދިނުމަށް އެދި ހާބަރ އެންޑް މާކެޓް ސެކްޝަނުންގެ ނަންބަރު (MEMO)425-B6/425-2025/1593 މެމޯ އިން އެދިފައިވާތީ، އެކަމާ ގުޅޭ ގޮތުން މަޝްވަރާކޮށް ގޮތެއް ނިންމުން. މައްސަލަ ނިމުނުގޮތް: 

މި މައްސަލަ ކައުންސިލަށް ބަލައިގަތުމަށް ނިންމުނެވެ. މިކަމާއި ގުޅޭގޮތުން އިތުރަށް ލޭންޑް އެންޑް ބިލްޑިންގ ކޮމިޓީން މަޝްވަރާކުރުމަށްފަހު ކައުންސިލް ފްލޯއަށް ގެނައުމަށާއި، ކޮމިޓިން ނިންމަވާގޮތެއް ހިއްސާކޮށް މަޝްވަރާކުރުމަށްފަހު ވަކިގޮތެއް ނިންމުމަށް ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 211 ވަނަ ރަސްމީ ޢާއްމު ޖަލްސާ

މާލެ ސިޓީ ކައުންސިލްގެ 04 ވަނަ ދައުރުގެ 208 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: މި ކައުންސިލްގައި ބޭނުން ކުރާ ސްނޯކްލިފްޓް ހޯދުމަށް އާންމު ފަރާތްތަކުންނާއި ސަރުކާރުގެ އޮފީސްތަކާއި ކުންފުނިތަކުން އެދެމުންދާތީވެ ސްނޯކްލިފްޓް ދޫކުރުމަށް އަގެއް ކަނޑައެޅުމާ މެދު މަޝްވަރާކޮށް ގޮތެއް ނިންމުން އަދި "މާލެ ސިޓީ ކައުންސިލްގެ އާލާތްތަކާއި، އުޅަނދު ކުއްޔަށް ދޫކުރުމާ ބެހޭ ޤަވާއިދު'' އާމެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. މިކައުންސިލްގައި ބޭނުންކުރާ ސްނޯކްލިފްޓް ހޯދުމަށް އާއްމު ފަރާތްތަކުންނާއި ސަރުކާރުގެ އޮފީސްތަކާއި ކުންފުނިތަކުން އެދެމުންދާތީވެ، ކޯޕަރޭޓް ކޮމިޓިން މަޝްވަރާކޮށް ކުއްޔަށްދޭނެ އަގުތަކެއް ކަނޑައެޅުމަށްފަހު، އަލުން ޖަލްސާއަށް ހުށަހެޅުމަށް ނިންމުނެވެ. އަދި " މާލެ ސިޓީ ކައުންސިލްގެ އާލާތްތަކާއި، އުޅަނދު ކުއްޔަށް ދޫކުރުމާ ބެހޭ ޤަވާއިދު' ގައި ފާހަގަކުރައްވާފައިވާ މުނިސިޕަލް ކޮމިޓީ މިހާރު ނެތްކަމަށާއި އޭގެ ބަދަލުގައި އަގު ކަނޑައެޅުމުގެ ކަންކަން މިހާރު ކުރިއަށް ގެންދަނީ ކޯޕަރޭޓް ކޮމިޓީން ކަމަށްވާތީ، އުސޫލުގައި ބުނެފައިވާ މުނިސިޕަލް ކޮމިޓީގެ ބަދަލުގައި ކޯޕަރޭޓް ކޮމިޓީގެ ނަން އުސޫލުގައި ހިމެނުމަށް، ފެނިވަޑައިގަންނަވާ ބޭފުޅުން ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 208 ވަނަ ރަސްމީ ޢާއްމު ޖަލްސާ

މާލެ ސިޓީ ކައުންސިލްގެ 04 ވަނަ ދައުރުގެ 200 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: ޗޮކްލެޓް ބްރަދާސް އިން 07 ޖުލައި 2025 ވަނަ ދުވަހު ހުށައަޅާފައިވާ ސިޓީގައި ބަޔާންކޮށްފައިވާ ކޮންސެޕްޓަށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި އަލިމަސް ކާނިވާ ސަރަޙައްދުގައި ކެފޭ / ރެސްޓޯރެންޓް ހިންގުމަށް ޗޮކްލެޓް ބްރަދާރސް ޕްރައިވެޓް ލިމިޓެޑް (C02642021) އަށް ދޫކޮށްފައިވާ (ޕްލޮޓް ނަންބަރު 09) ބިމުގައި ކެފޭ ޢިމާރާތްކުރުމަށް ބޭނުންވާ ކުރެހުން ފާސްކުރުމަށް ހުށަހެޅި ހުށަހެޅުމާއެކު "އެޕްރޫވްޑް ކޮންސެޕްޓް ޑްރޯވިންގ" ހުށަހަޅާފައިނުވަނީ، މާލެ ސިޓީ ކައުންސިލާ އެކު ކުރެވުނު އެއްވެސް މުޢާމަލާތެއްގައި އެކަން ފާހަގަކޮށްފައި ނުވާތީ ކަމަށާއި، މަސައްކަތް އަވަހަށްކުރިއަށް ގެންދިއުމަށް މިހާރު ބޭނުންވާތީ،  2025 ވަނަ އަހަރުގެ ޖުލައި މަހުގެ 07 ވަނަ ދުވަހު އެފަރާތުން ހުށަހަޅާފައިވާ "އެޕްރޫވްޑް ކޮންސެޕްޓް ޑްރޯވިންގ" ބަލައިގަނެ،މަސައްކަތް ކުރިއަށް ގެންދިއުން އެންމެރަންގަޅުކަމަށް ލޭންޑް އެންޑް ބިލްޑިންގ ކޮމިޓީން ނިންމާފައިވާތީ، އެގޮތުގެ މަތީން ކުރިއަށް ދިޔުމާމެދު ފެނިވަޑައިގަންނަވާގޮތެއް ނިންމުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަގްލަބިއްޔަތުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ކައުންސިލްބިއުރޯއިން ފޮނުވާފައިވާ ނަންބަރު (MEMO)425-CB/425/2025/1542 އާ ގުޅޭ ގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި ލޭންޑް އެންޑް ބިލްޑިންގ ކޮމެޓީން ނިންމާފައިވާ ގޮތަށް މާލޭ ސިޓީ ކައުންސިލްގެ ބިންތަކުގެ ތެރެއިން ސެލްފް ފައިނޭންސް އުސޫލުން، ތަރައްޤީކޮށް ދިގުމުއްދަތަކަށް ބަލަހައްޓައިދޭނެ ފަރާތެއް ހޯދުމަށް ބީލަން ހުށަހެޅުމުގެ ފުރުޞަތު ހުޅުވާލުމުގައި، އުސޫލެއްގެ ގޮތުން ޓާރމްސް އޮފް ރިފަރެންސްގައި އިއުލާން ނަންބަރު: (IUL)425-A2/1/2025/149،(IUL)425-A2/1/2025/150(IUL)425-A2/1/2025/152 (IUL)425-A2/1/2025/153  ގައި ހިމެނޭ ކަންތައްތައް ރަނގަޅުކަމަށާއި 25 އަހަރަށް އެބިން ދިނުމާއިމެދު އެއްވެސް މައްސަލައެއް ނެތްކަމަށް ފެނިވަޑައިގަންނަވާ ބޭފުޅުން ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަގްލަބިއްޔަތުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މާލެ ސިޓީ ކައުންސިލަށް ލިބެންޖެހޭ ފައިސާ ހޯދުމުގައި އަމަލު ކުރާނެ ގޮތުގެ އުޞޫލް ފާސްކުރުމާ މެދު މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި 03 އޮގަސްޓު 2025ގެ ތާރީޚްގައި އެކުލަވާލާފައިވާ "މާލެ ސިޓީ ކައުންސިލަށް ލިބެންޖެހޭ ފައިސާ ހޯދުމުގައި އަމަލު ކުރާނެ ގޮތުގެ އުޞޫލް" ފާސްކުރުމަށް ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައިައިވެރިވެ ވަޑައިގަތް މެންބަރުންގެ އަގްލަބިއްޔަތުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ރަސްފަންނުގައި ހެދުމަށް ހަމަޖެހިފައިވާ ފާޚާނާބަރި ހެދުމަށް ކަނޑައަޅާފައިވާ ތަނުގައި، މިހާރު ހުރި ކިއޮސްކް އެހެން ސަރަހައްދަކަށް ބަދަލުކުރުމަށް މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާ ސްޓްރަކްޗަރ އިން އެދިފައިވާގޮތަށް ކުރިއަށް ގެންދިއުން އެންމެ ރަނގަޅުކަމަށް ލޭންޑް ކޮމިޓީން ނިންމާފައިވާތީ، އެ މައްސަލައާމެދު ގޮތެއް ނިންމުމަށް.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި ލޭންޑް އެންޑް ބިލްޑިންގ ކޮމެޓީން ނިންމާފައިވާ ގޮތަށް ރަސްފަންނުގައި ހެދުމަށް ހަމަޖެހިފައިވާ ފާޚާނާބަރި ހެދުމަށް ކަނޑައަޅާފައިވާ ތަނުގައި، މިހާރު ހުރި ކިއޮސްކް އެހެން ސަރަހައްދަކަށް ބަދަލުކުރުމަށް މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާ ސްޓްރަކްޗަރ އިން އެދިފައިވާގޮތަށް ކުރިއަށް ގެންދިއުމަށް ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ގެ ސިޓީ 491/425/2025/35 ގައި ބަޔާންކޮށްފައިވާ ކިއޮސްކް ގެ ލޮކޭޝަން އެ ސިޓީގައި ބަޔާންކުރެވިފައިވާ އެހެން ސަރަހައްދަކަށް ބަދަލުކުރުމާއިއިމެދު ގޮތެއް ނިންމުން

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި ލޭންޑް އެންޑް ބިލްޑިންގ ކޮމެޓީން ނިންމާފައިވާ ގޮތަށް މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ގެ ސިޓީ 491/425/2025/35 ގައި ބަޔާންކޮށްފައިވާ ކިއޮސްކް ގެ ލޮކޭޝަން އެ ސިޓީގައި ބަޔާންކޮށްފައިވާ ސަރަހައްދަށް ބަދަލުކުރުމަށް ފަހު ފާހާނާ ބަރި އަޅާގޮތަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މާލެ ސިޓީ ކައުންސިލްގެ  ލެންޑްޔޫސް ޕްލޭނާ ބެހޭގޮތުން މަޝްވަރާކުރުމާއި، ލޭންޑް އޮޑިޓްގެ ކަންތައްތައް ގޮސްފައިވާ ހިސާބު ހިއްސާކުރުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި އެލްޔޫޕީއަށް ރީވިޒިޓް ކުރުން ކައުންސިލްގެ އެޕްރޫވަލްއާ އެކުގައި މި އެކްސަސައިޒް ފަށައިގަނެވެން އަންނަކަމަށައި އެހެން ކަމުން ލޭންޑް ޔޫސް ޕްލޭން ރީވިސިޓް ކުރުމަށް ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ސްޓެލްކޯ އިން ފޮނުވާފައިވާ ސިޓީ 6-A/425/2025/04 ގައި ބަޔާންކުރެވިފައިވާ ސަބްސްޓޭޝަން ޤާއިމްކުރުމަށް 30*30 ފޫޓު ބިމެއް ހަމަޖެއްސުމާއި ގުޅޭގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި ލޭންޑް އެންޑް ބިލްޑިންގ ކޮމެޓީން ނިންމާފައިވާ ގޮތަށް ސްޓެލްކޯ އިން ފޮނުވާފައިވާ ސިޓީ 6-A/425/2025/04 ގައި ބަޔާންކުރެވިފައިވާ ސަބްސްޓޭޝަން ޤާއިމްކުރުމަށް ވިލިމާލޭގެ 30*30 ފޫޓު ބިމެއް ހަމަޖެއްސޭނީ އަކަފޫޓަކަށް 10 ރުފިޔާގެ ރޭޓުން ގްރޭސް ޕީރިއަޑެއްގެ ގޮތުގައި 06 މަސް ދިނުމަށާއި، އެހެންތަނަކަށް އެސަބްސްޓޭޝަން ބަދަލުކުރަން ބޭނުންވާނަމަ 03 މަސް ދުވަސް ކުރިން ކައުންސިލަށް އަންގާގޮތަށް ފެނިވަޑައިގަންނަވާ ބޭފުޅުން ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަގްލަބިއްޔަތުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ފިއުލް ސަޕްލައި މޯލްޑިވްސްއަށް ވިލިމާލޭގައި ފިއުލް ސްޓޭޝަނެއް އެޅުމަށް ބިމެއް ކަނޑައަޅައި އެބިމުގެ ކުލި އަދި ކުއްޔަށް ދޭނެ މުއްދަތު މުރާޖާކޮށް އަލުން ކުލި އަދި މުއްދަތު ކަނޑައެޅުމަށް މަޝްވަރާކޮށް ގޮތެއް ނިންމުމަށް 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި ލޭންޑް އެންޑް ބިލްޑިންގ ކޮމެޓީން ނިންމާފައިވާ ގޮތަށް ފިއުލް ސަޕްލައި މޯލްޑިވްސް އަށް ވިލިމާލޭގެ ބަނދަރުގައި ފިއުލްޝެޑެއް އެޅުމަށްޓަކައި ވިލިމާލޭގެ ބަނދަރު ސަރަހައްދުން  މާލެ ސިޓީ ކައުންސިލްގެ ލޭންޑް އެންޑް ބިލްޑިންގް ސެކްޝަނުން ކުރަހާފައިވާ ޗާޓާ އެއްގޮތްވާގޮތަށް(ޖުމްލަ ފަސްހާސް އަކަފޫޓު)،އަކަފޫޓަކަށް 10 ރުފިޔާގެ މަގުން، މަހު ކުލި ކަނޑައަޅައި، 25(ފަސްސަވީސް) އަހަރުގެ މުއްދަތަށް ދިނުމަށް ނިންމުނެވެ. އަދި، ބުނެވިދިޔަ، ބިމުގެ ކުލި ކޮންމެ 5 އަހަރަކުން މުރާޖަޢާ ކުރުމަށާއި، ގްރޭސް ޕީރިއެޑެއްގެ ގޮތުގައި 1 އަހަރުގެ މުއްދަތެއް ދިނުމަށް ނިންމުނެވެ. އިސްވެ ބަޔާންކުރެވުނު ކަންތައްތައް ފާސްކުރުމަށް، ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަގްލަބިއްޔަތުން މިހުށަހެޅުން ފާސްވިއެވެ.

ހުށަހެޅުނު މައްސަލަ: މި ކައުންސިލްގެ ވޯކް ސޮޕްގައި މަސައްކުރާ މުވައްޒަފު ރިޓަރޔަ ކުރުމާއި ގުޅިގެން އެ މަގާމްއަށް އިތުރު މުވައްޒަފަކު ނެގުމާއި ގުޅޭ ގޮތުން މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި މި ކައުންސިލްގެ ވޯކް ސޮޕްގައި މަސައްކުރާ މުވައްޒަފު ރިޓަރޔަ ކުރުމާއި ގުޅިގެން އެ މަގާމަށް އެ ކެފާސިޓީގައި މަސައްކަތް ކުރާނެ ކޮންޓްރެއްޓް މުވައްޒަފަކު ނެގުމަށް ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާގުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 207 ވަނަ ރަސްމީ ޢާއްމު ޖަލްސާ

ހުށަހެޅުނު މައްސަލަ: މާލެ ސިޓީ ކައުންސިލްގެ ބިންތަކުގެތެރެއިން ސެލްފްފައިނޭންސް އުޞޫލުން، ތަރައްޤީކޮށް، މަރާމާތުކޮށް، ދިގުމުއްދަތަކަށް ބަލަހައްޓައިދޭނެ ފަރާތެއް ހޯދުމަށް ބީލަން ހުށަހެޅުމުގެ ފުރުޞަތު ހުޅުވާލާއިރު، އުސޫލެއްގެ ގޮތުން ޓާރމްސްގައި ހިމަނާނެ ކަންތައްތަކާ ގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި ކައުންސިލްގެ 194 ރަސްމީ އާންމުޖަލްސާއިން ، މާލެ ސިޓީ ކައުންސިލްގެ ބިންތަކުގެތެރެއިން ސެލްފްފައިނޭންސް އުޞޫލުން، ތަރައްޤީކޮށް، މަރާމާތުކޮށް، ދިގުމުއްދަތަކަށް ބަލަހައްޓައިދޭނެ ފަރާތެއް ހޯދުމަށް ބީލަން ހުށަހެޅުމުގެ ފުރުޞަތު ހުޅުވާލާއިރު، އުސޫލެއްގެ ގޮތުން ޓާރމްސްގައި ހިމަނާނެ ކަންތައްތައް ކޮމިޓީއަކުން ކަނޑައަޅައި، އެ ކޮމިޓީއިން ކަނޑައަޅާ ޓާރާމްސްތައް، ކައުންސިލް ޖަލްސާއަށް ގެނެސް ފާސްކުރާގޮތަށް ނިންމުމާމެދު، ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 206 ވަނަ ރަސްމީ ޢާއްމު ޖަލްސާ

ހުށަހެޅުނު މައްސަލަ: މޯލްޑިވްސް އިސްލާމިކް ބޭންކްއިން ބަސް ސްޓޮޕް ހަތަރު ސަރަހައްދެއްގައި ތަރައްޤީކޮށް ގާއިމް ކުރުމަށް ހުށަހަޅާފައިވާ ޕްރޮޕޯސަލްއާ ގުޅޭގޮތުން މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި މޯލްޑިވްސް އިސްލާމިކް ބޭންކްއިން ހުށަހަޅާފައިވާ ޕްރޮޕޯސަލްގައިވާ، މިންތަކާއި ޑިޒައިނާ އެއްގޮތަށް ތައިސޭކޮށި، މާފަންނު މައިދާން، ސިނަމާލެ 3 އަދި ރާޅުގަނޑު ސަރަހައްދުގައި ބަސް ސްޓޮޕްތައް އެ ބޭންކްގެ ހަރަދުގައި ތަރައްޤީކޮށް ބެލެހެއްޓުން ކުރިއަށް ގެންދާގޮތަށް އިދާރީގޮތުން ހުށަހެޅި ހުށަހެޅުން ފާސްކުރުމަށް، ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

މާލެ ސިޓީ ކައުންސިލްގެ 04 ވަނަ ދައުރުގެ 205 ވަނަ ރަސްމީ ޢާއްމު ޖަލްސާ

މާލެ ސިޓީ ކައުންސިލްގެ 04 ވަނަ ދައުރުގެ 204 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

ހުށަހެޅުނު މައްސަލަ: ޢާއްމުޚިދުމަތްތަކާއިބެހޭބައި (ތައިސޭ ކޮށި) ގައިވާ ހުސްބިން ކުއްޔަށް ދޫކުރުމާއި ގުޅޭގޮތުން މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. މިއިދާރާގެ އާއްމުޚިދުމަތްތަކާއިބެހޭބައި (ތައިސޭކޮށި) ސާފުކޮށް އެތަނުގެ އެތެރެއިން ރަނގަޅު ހުސް ޖާގައެއްވެސް މިހާރުވަނީ ޤާއިމްކުރެވިފައި ކަމަށްވާތީ، މާލެ ސިޓީކައުންސިލްގެ އެހެނިހެން ބިންތައްވެސް ކުއްޔަށްދޭ އުސޫލުން އަކަފޫޓަކަށް ވަކިވަރެއް ކަނޑައަޅައިގެން ކުއްޔަށްދޭގޮތަށް ނިންމުނެވެ. އަދި ހަމައެއާއެކު، ޒުވާނުންގެ ހުނަރުތައް ދައްކާލުމަށްވެސް މާލޭގައި މިހާރު ތަނެއް ނޯންނާތީ، އެފަދަ ހުނަރުވެރިންގެ ހުނަރުތައް ދައްކާލުމަށް، ސީ.އެސް.އާރުގެ ދަށުން ދޫކުރާ އުސޫލަކުން ދިނުމަށްވެސް ނިންމުނެވެ. އަދި އޭގެތެރެއިން އިޖްތިމާއީ ހަރަކާތެއްނަމަ ބަލަންޖެހޭ ކަންކަމަށްބަލާ އެފަރާތްތަކަށް ހިލޭ ނުވަތަ ކުޑައަގެއްގައި ދޭ އުސޫލަކުން ކުރިއަށް ގެންދިއުމަން އިދާރީގޮތުން ހުށަހެޅި ހުށަހެޅުން ފާސްކުރުމަށް، ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި، މިއިދާރާގެ އާއްމުޚިދުމަތްތަކާބެހޭބައި (ތައިސޭކޮށި) ސާފުކުރެވިފައިވާތީ، އެތަނުގައި އެކަށީގެންވާ ހުސްޖާގަ އޮތަތީ، ޖާގައިގެ ބޭނުން މާލެ ސިޓީ ކައުންސިލަށާއި ޒުވާނުންނާއި ހުނަރުދައްކާލުމަށް ޝައުޤުވެރިވާފަރާތްކަށް އެންމެ ފައިދާހުރިގޮތަކަށް ފުރުސަތު ދިނުމަށް ވާހަކަދެކެވި، އަންނަނިވިގޮތަށް ހުށަހެޅުނެވެ.

1.	މާލެ ސިޓީ ކައުންސިލްގެ ބެލުމުގެ ދަށުގައި އޮންނަ ލޮނުޒިޔާރަތް ޕާރކު ކުއްޔަށްދޭ ރޭޓުން، އަކަފޫޓަކަށް ޖެހޭ ޢަދަދުބަލައި އެ ގޮތުގެ މަތިން ކުލި ނެގުމަށް. އެގޮތުން ކުރިއަށްދާއިރު 

i)	ހުނަރުވެރިންގެ ހުނަރު ދައްކާލުމަށް ބޭނުންވާފަރާތްތަކުން، ހާސިލް ކުރަން ބޭނުންވާ މަގުސަދު ހިމެނޭހެން ޕްރޮޕޯސަލް ހުށަހެޅުމުން، ޓިކެޓް ވިއްކައިގެން ނުވަތަ އާންމުންގެ އަތުން ފީއެއް ނުނަގާ ގޮތަށް  ކުރިއަށްގެންދާ އިވެންޓެއް ނަމަ (CSR)ގެ ދަށުން ދޫކުރުމަށް. އަދި ޓިކެޓް ވިއްކައިގެން ނުވަތަ އާންމުންގެ އަތުން ފީނަގައިގެން ކުރިއަށްގެންދާ ކަމެއް ނަމަ، އަސްލުޖެހޭ އަގުގެ 2/1(ދެބައިކުޅަ އެއްބައި) ރޭޓެއްގައި ދޫކުރުމަށް.

ii)	އެހެނިހެން އެކި ހަފްލާތަކަށް ނަމަ އަކަފޫޓަކަށް ޖެހޭ ޢަދަދުގެ %100 އަގު ނެގުމަށް.

އިދާރީގޮތުން ހުށަހެޅި މި ހުށަހެޅުމަށް ޚިޔާލުބަދަލުކޮށް މަތީގައި ބަޔާންކޮށްފައިވާގޮތަށް ފާސްކުރުމަށް، ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

ހުށަހެޅުނު މައްސަލަ: ހުޅުމާލެ ކޮމިއުނިޓީ އެލަޔަންސް ގެ ފަރާތުން ކުރިއަށް ގެންދަން ރާވާފައިވާ "މެޑިކަލް ކޭމްޕް 2025" ގެ ސްޕޮންސަރޝިޕް ހޯދުމަށްއެދި ހުށަހަޅާފައިވާ ޕްރޮޕޯސަލްއާ ގުޅޭގޮތުން މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށް ނިންމުނެވެ. އަދި ހުޅުމާލެ ކޮމިއުނިޓީ އެލަޔަންސް ގެ ފަރާތުން ކުރިއަށް ގެންދަން ރާވާފައިވާ "މެޑިކަލް ކޭމްޕް 2025" އަށް ސްޕޮންސަރޝިޕް ހޯދުމަށް އެދި އެފަރާތުން ހުށަހަޅާފައިވާ ޕްރޮޕޯސަލްގައި އެދިފައިވާ 44,700/- ( ސާޅީސް ހަތަރުހާސް ހަތްސަތޭކަ)ދިވެހި ރުފިޔާގެ ސްޕޮންސަޝިޕް ދިނުމަށް ނިންމުނެވެ. އަދި ހަމައެއާއެކު، މެޑިކަލް ކޭމްޕް ހިންގާ ފަރާތާއެކު މާލެ ސިޓީ ކައުންސިލުން މި މެޑިކަލް ކޭމްޕްގައި ބައިވެރިވުމަށް ވެސް ނިންމުނެވެ. އިދާރީގޮތުން ހުށަހެޅި ހުށަހެޅުން ފާސްކުރުމަށް، ފެނިވަޑައިގަންނަވާ މެންބަރުން ވޯޓުދެއްވުމަށް ރިޔާސަތުން ވޯޓަށް އެއްސެވުމުން، މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މިހުށަހެޅުން ފާސްވިއެވެ.

Council sittings

Latest sittings

More sittings