މާލެ ސިޓީ ކައުންސިލްގެ 04 ވަނަ ދައުރުގެ 189 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

1.ހުށަހެޅުނު މައްސަލަ: މާލެ ސިޓީކައުންސިލްގެ ފަރާތުން ކޯޓުތަކުގައި ވަކާލާތު ކުރުމަށް ކަނޑައެޅުމުގެ ބާރު ދިނުމާ ގުޅޭގޮތުން ތައްޔާރު ކޮށްފައިވާ ސަރކިއުލަރ ޤަރާރު ފާސްކުރުމާއި ގުޅޭގޮތުން މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށާ، ސީނިއަރ ލީގަލް އޮފިސަރ އަލްއުސްތާޛާ އުއްމު ކުލްޡޫމް އަބޫބަކުރު މާލެ ސިޓީކައުންސިލްގެ ފަރާތުން ކޯޓުތަކުގައި ވަކާލާތު ކުރުމުގެ ބާރު ދިނުމާ ގުޅޭގޮތުން ތައްޔާރު ކޮށްފައިވާ ސަރކިއުލަރ ޤަރާރު ފާސްކުރުމަށް އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތުފާޤުން މިހުށަހެޅުން ފާސްވިއެވެ.

2.ހުށަހެޅުނު މައްސަލަ: ފިއުލްސަޕްލައިސް މޯލްޑިވްސް އަށް ވިލިމާލޭގައި ފިއުލް ސްޓޭޝަންއެއް އެޅުމަށް ބޭނުންވާ 5000އަކަ ފޫޓުގެ ބިން  ، އަކަފޫޓަކަށް 15ރ ރުފިޔާގެ މަގުން 05 އަހަރަށް، ކުއްޔަށް ދިނުމަށް 13 ފެބުރުވަރީ 2025ގައި ކޮމިޓީން ނިންމާފައިވާ ނިންމުން މުރާޖާކޮށްދިނުމަށް ފިއުލްސަޕްލައިސް މޯލްޑިވްސް އިން އެދިފައިވާތީ، ކޮމިޓީން ކުރިން ނިންމި ނިންމުން މުރާޖާކޮށް އަކަފޫޓަކަށް 10ރުފިޔާގެ މަގުން 15 އަހަރަށް ދިނުމަށް 13 މާރިޗު 2025ގައި ކޮމިޓީން ނިންމާފައިވާ ނިންމުމާގުޅޭ ގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށާ، ފިއުލް ސަޕްލައި މޯލްޑިވްސްގެ ފަރާތުން ވިލިމާލޭގައި ފިއުލް ސްޓޭޝަނެއް އެޅުމަށް ބިމެއް ހޯދުމަށް އެފަރާތުން އެދިފައިވާތީ، 5 އަހަރުން ރިވިއު ކުރާ ގޮތަށް 10 ރުފިޔާއަށް އަކަފޫޓެއް ކުލީގެ ގޮތުގައި ދިނުމަށް އަދި އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަޤްލަބިއްޔަތުން މި ހުށަހެޅުން ފާސްވިއެވެ.

3. ހުށަހެޅުނު މައްސަލަ: މާލެ ސަރަހައްދުގައި އެންމެ ގިނައިން ބޭނުންކުރެވިދާނެ އުޅަނދުތަކާ ގުޅޭގޮތުން ތައްޔާރުކޮށްފައިވާ ފައިނަލް ރިޕޯޓު:

Assessment to Determine Vehicle Restrictions in the Greater Male’ Region (GMR)”" އަށް އާއްމުންގެ ޚިޔާލުހޯދުމަށް، ހުޅުވާލުމާ ގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށާ، މާލެ ސަރަހައްދުގައި އެންމެ ގިނައިން ބޭނުންކުރެވޭނެ އުޅަނދުތަކާއި ގުޅޭ ގޮތުން މިހާރު ހަދާފައިވާ ފައިނަލް ރިޕޯޓް އާންމުގެ ހިޔާލް ހޯދުމަށް 2 ހަފްތާ ދިނުމަށް އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތުފާޤުން މިހުށަހެޅުން ފާސްވިއެވެ.

4. ހުށަހެޅުނު މައްސަލަ: މޯލްޑިވްސް ލޯކަލް ކައުންސިލް އެސޯސިއޭޝަން(MLCA)ގެ 2025ވަނަ އަހަރުގެ އަހަރީ އާންމު ޖަލްސާ(AGM) ބޭއްވުމަށް ޝައުގުވެރިކަންހުރި ކައުންސިލްތަކަށް، ފުރުސަތު ހުޅުވާލާފައިވާތީ، މާލެ ސިޓީ ކައުންސިލުން، މޯލްޑިވްސް ލޯކަލް ކައުންސިލް އެސޯސިއޭޝަންގެ AGM ހޯސްޓްކުރުމަށް ހިނގާނެ ޚަރަދު ހިމެނޭ ގޮތަށް MLCAން ފޮނުވާފައިވާ ޕްރޮޕޯސަލް މުތާލިޢާކޮށް ޝައުގުވެރިކަން ފާޅުކުރުމާގުޅޭގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށާ، މޯލްޑިވްސް ލޯކަލް ކައުންސިލް އެސޯސިއޭޝަން(MLCA)ގެ 2025ވަނަ އަހަރުގެ އަހަރީ އާންމު ޖަލްސާ(AGM) ބޭއްވުމަށް ޝައުގުވެރިކަންހުރި ކައުންސިލްތަކަށް، ފުރުސަތު ހުޅުވާލާފައިވާތީ، މާލެ ސިޓީ ކައުންސިލުން، މޯލްޑިވްސް ލޯކަލް ކައުންސިލް އެސޯސިއޭޝަންގެ AGM ހޯސްޓްކުރުމަށް ހިނގާނެ ޚަރަދު ހިމެނޭ ގޮތަށް MLCAން ފޮނުވާފައިވާ ޕްރޮޕޯސަލްގައިވާ ގޮތަށް ކައުންސިލުން ހޯސްޓް ކުރުމަށް އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތުފާޤުން މިހުށަހެޅުން ފާސްވިއެވެ.

5. ހުށަހެޅުނު މައްސަލަ: މާލެ ސިޓީ ކައުންސިލް އިން ދޭ ޚިދުމަތްތައް ފަސޭހަކަމާއެކު ރައްޔިތުންނަށް ފޯރުކޮށްދިނުމަށްޓަކައި ޚިދުމަތްތައް ޑިޖިޓަލައިޒް ކުރުމަށް ބޭނުންވާ 02 ސޮފްޓްވެއަރ ޕްރޮގްރާމަރުންނާއި މާލެ ސިޓީގެ މިސްކިތްތަކާއި، ގަބުރުސްތާނުތައް ބެލެހެއްޓުމާއި، ކަށުކަމާކެމީގެ ކަންތައްތަކުގެ އިތުރުން ދީނީގޮތުން ފާހަގަކުރަން، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު 7/2010ގައި  އިޝާރާތްކުރާ ކަންތައްތައް ކުރުމަށް ބޭނުންވާ އެހީތެރިކަން ހޯދުމަށް ކޮންޓްރެކްޓް އުސޫލުން މަސައްކަތްކުރާނެ ފަރާތެއް ހޯދުމަށް ބޭނުންވާތީ، އެކަމާއި ގުޅޭ ގޮތުން މަޝްވަރާކޮށް ގޮތެއް ނިންމުމަށާއި، އެކަމަށް ބޭނުންވާ ބަޖެޓް ފާސްކުރުން. 

މި މައްސަލަ ކައުންސިލަށް ބަލައިގަތުމަށާ، މާލެ ސިޓީ ކައުންސިލް އިން ދޭ ޚިދުމަތްތައް ފަސޭހަކަމާއެކު ރައްޔިތުންނަށް ފޯރުކޮށްދިނުމަށްޓަކައި ޚިދުމަތްތައް ޑިޖިޓަލައިޒް ކުރުމަށް ބޭނުންވާ 02 ސޮފްޓްވެއަރ ޕްރޮގްރާމަރުންނާއި މާލެ ސިޓީގެ މިސްކިތްތަކާއި، ގަބުރުސްތާނުތައް ބެލެހެއްޓުމާއި، ކަށުކަމާކެމީގެ ކަންތައްތަކުގެ އިތުރުން ދީނީގޮތުން ފާހަގަކުރަން، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު 7/2010ގައި  އިޝާރާތްކުރާ ކަންތައްތައް ކުރުމަށް ބޭނުންވާ އެހީތެރިކަން ހޯދުމަށް ކޮންޓްރެކްޓް މުވައްޒަފުން ނެގުމަށް ފާސްކޮށް ސޮފްޓްވެއަރ ފްރޮގުރާމަރުންގެ މުސާރައަށް 35000އާއި 45000 ދެމެދު އަދި ދީނީ ކަންކަމަށް ލަފާ ދެއްވާ ކޮންޓްރެކްޓް މުވައްޒަފުގެ މުސާރަ 25000އަށް ހަމަ ޖެއްސުމަށް އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އަޤްލަބިއްޔަތުން މި ހުށަހެޅުން ފާސްވިއެވެ.

ހުޅުމާލެ ދާއިރާ - T01

ޢަލީ އައިމަން

ކައުންސިލަރު

މެދު ހެންވޭރު ދާއިރާ - T03

  އަހުމަދު ރިޝްވާން ރަޝީދު

ޕީޕަލްސް ނެޝެނަލް ކޮންގްރެސް

ހެންވޭރު ދެކުނު ދާއިރާ - T04

 އައިމިނަތު ރިޝްފާ އަހުމަދު

ހެންވޭރު ހުޅަނގު ދާއިރާ - T05

ފާތިމަތު ޝައުފާ ސަލީމް

މައްޗަންގޮޅި އުތުރު ދާއިރާ - T10

ސަޢީދާ ރަޝާދު

ޕްރޮގްރެސިވް ޕާރޓީ އޮފް މޯލްޑިވްސް

މައްޗަންގޮޅި ދެކުނު ދާއިރާ - T12

ޢާއިޝަތު ނާޡިމާ

.

Agenda

Related documents

Attendance