މާލެ ސިޓީ ކައުންސިލްގެ 04 ވަނަ ދައުރުގެ 193 ވަނަ ރަސްމީ ޢާއްމު ޖަލްސާގެ އެޖެންޑާ އަދި ނިންމުން

1.ހުށަހެޅުނު މައްސަލަ: ވިލިމާލޭގައި ވިމެންސް މާރކެޓް، އައުޓްޑޯ ޖިމް އަދި ފުޓްސަލް ދަނޑެއް އެޅުމަށް ބިމެއް ދިނުމާއި ގުޅޭ ގޮތުން ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށާ، ވިލިމާލޭގައި ވިމެންސް މާކެޓް، އައުޓްޑޯ ޖިމް އަދި ފުޓްސަލް ދަނޑެއް އެޅުމަށް ބިންހަމަޖެއްސުމާއި ގުޅޭ ގޮތުން ލޭންޑް ބިލްޑިންގ އެންޑް ޕްރޮޖެކްޓްސް ކޮމިޓީގައި ކުރެވުނު މަޝްވަރާގައި ހުރިހައި މެމްބަރުންވެސް އިއްތިފާޤުވީ ވިލިމާލޭގައި، ވިމެންސް މާކެޓްއެއް އޮންނަންޖެހޭނެ ކަމަށެވެ. މީގެ އިތުރުން ފުޓްސަލް ދަނޑެއް އަދި އައުޓްޑޯ ޖިމްއެއްވެސް ހުންނަން ޖެހޭނެ ކަމަށާއި، އެތަންތަން ހެދުމަށް ބިން އެލޮކޭޓް ކުރުމަށްފަހު މަސައްކަތް ފެށުމުގެ ކުރިން ކައުންސިލަށް ރިޕޯޓެއް ހުށަހަޅަން ޖެހޭނެކަމަށް ނިންމުނެވެ. އެހެނީ، އެބިންތަކަކީ މިހާރުވެސް އެބިންތަކުގައި މަސައްކަތްތައް ކުރުމަށް ކޮންޓްރެކްޓްސް ހަދާފައިވާ މަސައްކަތްތަކަކަށްވުމާ އެކު، މިމަސައްކަތްތައް ކުރިއަށް ގެންދިއުމަށްޓަކައި ލޭންޑް ބިލްޑިންގ އެންޑް ޕްރޮޖެކްޓްސް ކޮމިޓީން، މަޝްވަރާކުރުމަށްފަހު ހުށަހަހަޅާފައިވާ ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

2.ހުށަހެޅުނު މައްސަލަ: ސްޓެލްކޯގެ ފިއުލް ޕަންޕް ސްޓޭޝަންތައް ޤާއިމު ކުރުމާ ގުޅޭ ގޮތުން ތައްޔާރުކޮށްފައިވާ ކޮންސެޕްޓާ ގުޅޭ ގޮތުން މަޝްވަރާކޮށް، ހުށަހަޅާ ކޮންސެޕްޓާ މެދު ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށާއި، މާލޭ ދެކުނުފަރާތުގައި މިހާރުހުންނަ ފިއުލް ޕަންޕް ހައުސް، ބަނދަރުތެރެއަށް ބަދަލުކުރުމުގެ މަސައްކަތް ކުރުމަށްޓަކައި ފިއުލް ޕަންޕްހައުސްގެ ޑިޒައިނާއި ކުރެހުންތަކަށް ބަދަލުތަކެއްގެނެވިފައިވުމުން، ތިމާވެއްޓަށް އަސަރުފޯރާނެ މިންވަރު ބަޔާންކުރާ ރިޕޯޓް ތައްޔާރުކުރުމަށް އީ.ޕީ.އޭ އަށް ހުށަހަޅާ ކުރެހުމަކީ ކައުންސިލުން ފާސްކޮށްފައިވާ ކުރެހުމެއްކަމުގައި ވާންޖެހޭތީ، ހުށަހަޅާފައިވާ ކުރެހުންތައް ފާސްކޮށްދެއްވުމަށް ލޭންޑް، ބިލްޑިންގ އެންޑް ޕްރޮޖެކްޓެސް ކޮމިޓީން މަޝްވަރާކުރުމަށްފަހު، އެފަރާތުން ހުށަހަޅާފައިވާ ގޮތަށް ކުރެހުން ފާސްކުރުމަށް އެދި ހުށަހެޅުނު ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

3.ހުށަހެޅުނު މައްސަލަ: ސުކޫލް ވަގުތާއި ދިމާކޮށް ބޮޑެތި ވެހިކަލް ތަކުގައި މުދާ އުފުލަމާއި ގުޅިގެން މަގުތަކުގައި ތޮއްޖެހުމުގެ މައްސަލަ ދިމާވާތީވެ، މުދާ އުފުލުމަށް ވަކި ވަގުތެއް ކަނޑައެޅުމާއި ގުޅޭ ގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށާ، ސުކޫލް ވަގުތާއި ދިމާކޮށް ބޮޑެތި ވެހިކަލް ތަކުގައި މުދާ އުފުލަމާއި ގުޅިގެން މަގުތަކުގައި ތޮއްޖެހުމުގެ މައްސަލަ ދިމާވާތީވެ، މުދާ އުފުލުމަށް ވަކި ވަގުތެއް ކަނޑައެޅުމާއި ގުޅޭ ގޮތުން ރޯޑް ޓްރެފިކް ކޮމިޓީން، އިތުރަށް މަޝްވަރާކުރުމަށްފަހު އަލުން ކައުންސިލް ޖަލްސާއަށް ހުށަހަހަޅައިގެން ކުރިއަށްދިއުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

4.ހުށަހެޅުނު މައްސަލަ: މާލެ ސިޓީ މޯޗަރީ ރީލޮކޭޝަން ޕްރޮކެޖްޓާއި ގުޅޭ ގޮތުން މަޝްވަރާކޮށް ގޮތެއް ނިންމުން.

މި މައްސަލަ ކައުންސިލަށް ބަލައިގަތުމަށާ، މާލެ ސިޓީ މޯޗަރީ ހުޅުމާލެއަށް ރީލޮކޭޓްކޮށް، ހުޅުމާލޭ ސަހަރާއިން މިކަމަށް ބޭނުންވާ 72 x 30 ފޫޓް، 2072.16 އަކަފޫޓްގެ ބިން ކަނޑައަޅާ، މި މަސައްކަތް ކުރުމަށް 6 މަސް ދުވަހުގެ މުއްދަތެއް ދިނުމަށާއި އަދި މި މަސައްކަތް ކުރުމަށް އަންދާޒާ ކުރެވޭ 1،823،500.80ރުފިޔާގެ ބަޖެޓެއް ކަނޑައެޅުމަށް ހުށަހަހަޅާފައިވާ ހުށަހެޅުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

5.ހުށަހެޅުނު މައްސަލަ: ކ.ވިލިމާލޭގައި ދިރިއުޅޭ ރައްޔިތުންނަށް ކައްކާގޭސް ފޯރުކޮށްދިނުމަށް، ސޭލްސް ޔުނިޓެއް ޤާއިމުކުރުމަށްޓަކައި މޯލްޑިވް ގޭސް ޕްރައިވެޓް ލިމިޓެޑްއާ، މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރ އާއެކު 21 މެއި 2015ވަނަ ދުވަހު ވެވިފައިވާ އެމް.އޯ.ޔޫ ގެ މުއްދަތު 21 މެއި 2025 ވަނަ ދުވަހުގެ ނިޔަލަށް މުއްދަތު ހަމަވާތީ، ދެންނެވިފައިވާ އެމް.އޯ.ޔޫގެ މުއްދަތު އިތުރުކޮށްދެއްވުމަށް އެފަރާތުން އެދިފައިވާތީ، އެކަމާމެދު މަޝްވަރާކޮށް ގޮތެއް ނިންމުން. 

މި މައްސަލަ ކައުންސިލަށް ބަލައިގަތުމަށާ، ކ.ވިލިމާލޭގައި ދިރިއުޅޭ ރައްޔިތުންނަށް ކައްކާގޭސް ފޯރުކޮށްދިނުމަށް، ސޭލްސް ޔުނިޓެއް ޤާއިމުކުރުމަށްޓަކައި މޯލްޑިވް ގޭސް ޕްރައިވެޓް ލިމިޓެޑްއާ، މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރ އާއެކު 21 މެއި 2015ވަނަ ދުވަހު ވެވިފައިވާ އެމް.އޯ.ޔޫ ގެ މުއްދަތު 21 މެއި 2025 ވަނަ ދުވަހުގެ ނިޔަލަށް މުއްދަތު ހަމަވާތީ، ދެންނެވިފައިވާ އެމް.އޯ.ޔޫގެ މުއްދަތު އިތުރުކޮށްދެއްވުމަށް އެފަރާތުން އެދިފައިވާތީ، މިކަމާއި ގުޅޭ ގޮތުން ލޭންޑް ބިލްޑިންގ އެންޑް ޕްރޮޖެކްޓްސް ކޮމިޓީން، އިތުރަށް މަޝްވަރާކުރުމަށްފަހު އަލުން ކައުންސިލް ޖަލްސާއަށް ހުށަހަހަޅައިގެން ކުރިއަށްދިއުމަށް، ރިޔާސަތުން ވޯޓަށް އެއްސެވުމުން މިއަދުގެ ޖަލްސާގައި ބައިވެރިވެ ވަޑައިގަތް މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

ހުޅުމާލެ ދާއިރާ - T01

ޢަލީ އައިމަން

ކައުންސިލަރު

މެދު ހެންވޭރު ދާއިރާ - T03

  އަހުމަދު ރިޝްވާން ރަޝީދު

ޕީޕަލްސް ނެޝެނަލް ކޮންގްރެސް

ހެންވޭރު ދެކުނު ދާއިރާ - T04

 އައިމިނަތު ރިޝްފާ އަހުމަދު

ހެންވޭރު ހުޅަނގު ދާއިރާ - T05

ފާތިމަތު ޝައުފާ ސަލީމް

މައްޗަންގޮޅި އުތުރު ދާއިރާ - T10

ސަޢީދާ ރަޝާދު

ޕްރޮގްރެސިވް ޕާރޓީ އޮފް މޯލްޑިވްސް

މައްޗަންގޮޅި ދެކުނު ދާއިރާ - T12

ޢާއިޝަތު ނާޡިމާ

މާފަންނު އުތުރު ދާއިރާ - T14

.

Agenda

Related documents

Attendance