މާލޭގެ މަގުތަކުގައި ފެންބޮޑުވުމުގެ ގިނަ ދުވަސްވީ މައްސަލައަށް ހައްލެއް ހޯދުމުގެ ގޮތުން، މާލެ ސިޓީ ކައުންސިލުން ކުރަމުންދާ މަސައްކަތްތަކުގެ ތެރެއިން، ރަށްދެބައިހިނގުމުގައި ހުންނަ ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ) ކުރިމަތިން، އޮންނަ ސަރަހައްދު މަރާމާތުކޮށް ނިންމާލައިފިއެވެ.

މި މަސައްކަތުގެ ސަބަބުން މި ސަރަހައްދުގައި ފެންބޮޑުވާ މައްސަލަ ހައްލުވެ، ރައްޔިތުންނަށް ދިމާވަމުންދިޔަ ދަތިތަކަށް ލުއި ފަސޭހަތަކެއް ލިބިގެންދާނެއެވެ. 

މާލޭގެ މަގުތަކުގައި ފެންބޮޑުވުމަކީ ދިގު މުއްދަތެއްގައި ރައްޔިތުންނަށް އެތަކެއް ދަތިތަކެއް ކުރިމަތި ވަމުންދިޔަ މައްސަލައެކެވެ. 

މޭޔަރ އާދަމް ޢާޒިމް ވިދާޅުވީ، ރަށްދެބައިހިނގުން މަގުގެ، ތަބުރޭޒީމަގާއި ފަޅުމަތީ ހިނގުމާއި ދޭތެރެ (އެމް.އެން.ޔޫ ކުރިމަތި) މަގަކީ ޔުނިވަރސިޓީ ދަރިވަރުންނާއި ގިނަ އަދަދަކަށް ސްކޫލް ދަރިވަރުންނާއި ބެލެނިވެރިންނަށް ވެސް ވަރަށް މުހިންމު މަގެއް ކަމަށެވެ. އެހެންކަމުން، މި މަގު މަރާމާތުކޮށް ނިމުމުން ގިނަ ފަރާތްތަކަކަށް ލުއި ފަސޭހަތަކެއް ލިބިގެންދާނެ ކަމަށް މޭޔަރ ފާހަގަކުރެއްވިއެވެ.

މޭޔަރ ޢާޒިމް އިތުރަށް ވިދާޅުވީ، ރައްޔިތުންގެ ޝަކުވާތައް ގުޅިފައިހުންނަނީ މާލޭގައި ދިރިއުޅުމުގައި ރައްޔިތުންނާ ކުރިމަތިވާ ދަތިތަކާ ކަމަށެވެ. މަގުމަތީގެ ކާނުތައް ސާފު ނުކޮށްހުރުމުން، މާލޭގެ މަގުތަކުގައި ފެންބޮޑުވުން އެއީ ވަރަށް ޚައްޞާސް މައްސަލައެއް ކަމަށް މޭޔަރ ޢާޒިމް އަބަދުވެސް ފާހަގަ ކުރައްވައެވެ. 

ރަށްދެބައިހިނގުމުގެ ފެން ބޮޑުވާ ސަރަހައްދު މަރާމާތުކޮށް ނިންމާލައިފި

ކުރިއަށް އޮތް އަހަރުގެ ބަރަކާތްތެރި ރަމަޟާން މަހު، މާލޭ ސީޓީ ކައުންސިލުން ބާއްވަން ހަމަޖެހިފައިވާ ކީރިތި ޤުރްއާނާއި މަދަހަ ކިޔުމުގެ މުބާރާތުގައި ބައިވެރިވުމުގެ ފުރުޞަތު މާލެ ސިޓީ ކައުންސިލުން ހުޅުވާލައިފިއެވެ.

"މާލޭ ސިޓީ ކައުންސިލް ޤުރުއާން އަދި މަދަހަ މުބާރާތް 1447"ގެ ނަމުގައި ބާއްވާ މި މުބާރާތުގައި ޤުރުއާން ކިޔެވުން ކުރިޔަށް ގެންދަނީ ދެ ގޮތްޕަކަށް ބަހާލައިގެންނެވެ. އެގޮތުން ބަލައިގެން ކިޔެވުމުގެ ގޮތްޕާއި ނުބަލައި ކިޔެވުމުގެ ގޮފިން ކޮންމެ ގޮތްޕެއްގައި ވެސް 6 އުމުރުފުރާ ހިމެނޭނެއެވެ. ޤުރުއާން މުބާރާތެކޭ އެއް ގޮތަށް މަދަހަ މުބާރާތް ވެސް ކުރިޔަށް ގެންދިއުމަށް ހަމަޖެހިފައިވަނީ 6 އުމުރުފުރާ އަކަށް ބަހާލައިގެންނެވެ.

އެއީ 6 އަހަރުން ދަށާއި، 9 އަހަރުން ދަށާއި 11 އަހަރުން ދަށާއި، 13 އަހަރުން ދަށާއި، 16އަހަރުން ދަށާއި، 19އަހަރުންދަށެވެ. އުމުރު ފުރާ ކަނޑައެޅުމުގައި ބަލާނީ 1 ޖަނަވަރީ 2025 އަށް ދަރިވަރަށް ފުރޭ އަހަރަށް ކަމަށް މާލެ ސިޓީ ކައުންސިލުން ޢާންމު ކޮށްފައިވާ މާލެ ސިޓީ ކައުންސިލްގެ ގެޒެޓްގައި ހަމާކޮށްފައިވެއެވެ. 

މާލޭ ސިޓީ ކައުންސިލުން ހާމަކުރާ ގޮތުގައި އެ މުބާރާތުގެ 6 އަހަރުން ދަށުގެ އުމުރުފުރާގެ ދަރިވަރުންގެ ޤުރުއާން ކިޔެވުމާއި، މަދަހައަށް އިންސާފު ނުކުރާނެކަމަށެވެ. އެހެންނަމަވެސް އެ ނޫން ކޮންމެ އުމުރުފުރާއަކުންނާއި، ކޮންމެ ގްރޫޕަކުންނާއި، އަދި  ކޮންމެ ގޮތްޕަކުން، އެންމެ މޮޅު 5 ދަރިވަރުން ހޮވާނެއެވެ. އަދި މި ދަރިވަރުންގެ ތެރެއިން ކޮންމެ އުމުރުފުރާއަކުންނާއި، ކޮންމެ ގްރޫޕަކުންނާއި، ކޮންމެ ގޮތްޕަކުން 1 ވަނަ، 2 ވަނަ އަދި 3 ވަނަ ހޮވުމަށްވެސް ވަނީ ހަމަޖެހިފައެވެ. ވަނަ ވަނަ އަށް އަންނަ ފަރަތްތަކަށް ފައިސާގެ އިނާމާއި، ޓްރޮފީއާއި ސެޓްފިކެޓް ދިނުމަށް ވަނީ ހަމަޖެހިފައެވެ.

މި ދެ މުބާރާތުގައި ބައިވެރިވުމަށް ބޭނުންވާ ދަރިވަރުން މާލެ ސިޓި ކައުންސިލުންގެ ގެޒެޓްގައި ޢާންމު ކޮށްފައިވާ ލިންކް މެދުވެރިކޮށް އެޕްލިކޭޝަން ހުށަހެޅޭނެއެވެ. އަދި މި ލިންކް މެދުވެރިކޮށް މި މުބާރާތުގެ އުޞޫލުތަކާއި މުޤައްރަރުތައް ޢަންމުކޮށްފައިވާނެ ކަމަށް ވެސް މި އިޢުލާންގައި ބުނެފައިވެއެވެ. 

މި ދެ މުބާރާތުގައި ބައިވެރި ވުމުގެ ފުރުޞަތު 02 ނޮމެމްބަރު 2025 އިން ފެށިގެން 8 ނޮމެމްބަރު 2025 ގެ 14:00 ގެ ވަނީ ހުޅުވައިލެވިފައެވެ. 

 އަދި މި މުބާރާތާ ގުޅޭ އިތުރު މަޢުލޫމާތު ކައުންސިލްގެ ހޮޓްލައިން ނަމްބަރު 1622 ގުޅުއްވައިގެން ހޯދޭނެއެވެ. 

މާލެ ސިޓީ ކައުންސިލްގެ ޤުރުއާން މުބާރާތާއި މަދަހަ މުބާރާތުގައި ބައިވެރިވުމަށް ހުޅުވާލައިފި  

މާލޭގެ ހިތްފަސޭހަ ތަންތަނުގެ ތެރެއިން އެންމެ ގިނަ ބަޔެއްގެ މަޤްބޫލުކަން ހޯދާފައިވާ ސަލްޓަންޕާކު މަރާމާތުކޮށް، އަލުން ހުޅުވުމަށް ކުރިއަށްގެންދާ މަސައްކަތްތައް، މާލެ ސިޓީގެ މޭޔަރ އާދަމް ޢާޒިމް،  ބައްލަވާލައްވައިފިއެވެ.

މި މަސައްކަތް ބައްލަވާލެއްވުމަށް ފަހު، މަސައްކަތް ހަލުއިކަމާއެކު ކުރިއަށް ދާތީ ވަރަށް ބޮޑަށް އުފާކުރައްވާ ކަމަށް، މޭޔަރ ޢާޒިމް ވަނީ ވިދާޅުވެފައެވެ.

ސަލްޓަންޕާކަކީ މާލޭގައި ދިރިއުޅޭ ރައްޔިތުންނާއި، މާލެއަށް ޒިޔާރަތްކުރާ ފަތުރުވެރިންނަށް ވެސް ހިތްފަސޭހަ ވަގުތުކޮޅެއް ހޭދަކޮށްލެވޭނެ މުހިންމު ތަނެކެވެ. 

މޭޔަރ ޢާޒިމް ވިދާޅުވީ، ސަލްޓަންޕާކު މަރާމާތުކޮށް، އަލުން ހުޅުވުމަށް ކުރަމުންދާ މަސައްކަތް ހަލުއިކަމާއެކު ކުރިޔަށް ދާތީ ވަރަށް ބޮޑަށް އުފާކުރައްވާ ކަމަށެވެ. އަދި އުންމީދަކީ، މި މަސައްކަތް ނުހުއްޓި، މިދާ ބާރުމިނުގައި ކުރިޔަށް ގޮސް، ވީހައި އަވަހަށް ސަލްޓަންޕާކު، ޢާއްމުންނަށް ހުޅުވިގެން ދިއުން ކަމަށް މޭޔަރ ފާހަގަކުރެއްވިއެވެ. މިއީ، ދިގު އިންތިޒާރަކަށް ފަހު މާލޭގެ ރައްޔިތުންނަށް ލިބިގެންދާނެ އުފަލެއް ކަމަށް ވެސް އެ މަނިކުފާނު ވިދާޅުވިއެވެ.

މީގެ އިތުރުން މޭޔަރ ޢާޒިމް ވަނީ، ސަލްޓަންޕާކުގެ މަސައްކަތް ކުރަމުންދާ، ހުރިހައި ކުންފުނިތަކުގެ މެނޭޖުމަންޓަށާއި، މުއައްޒަފުންނަށް، ވަރަށް ބޮޑަށް ޝުކުރު ދަންނަވައިފައެވެ. 

ސަލްޓާން ޕާކުގެ މަސައްކަތް އަވަހަށް ނިންމައި، ޢާންމުންނަށް ހުޅުވައިލުމަށް، އެ ފަރާތްތަކުން ކުރަމުންދާ ބުރަ މަސައްކަތްތަކުގެ މުހިއްމުކަން، މޭޔަރ ޢާޒިމް ފާހަގަކުރެއްވިއެވެ. މޭޔަރ ޢާޒިމް ސަލްޓަންޕާކު މަރާތުކުރުމުގެ މަސައްކަތް ބައްލަވާލެއްވުމުގެ ބޭނުމަކީ، މަސައްކަތް ކުރަމުންދާ ފަރާތްތަކަށް ހިތްވަރުދެއްވުމެވެ. 

ސަލްޓަންޕާކު މަރާމާތު ކުރުމުގެ މަސައްކަތް ކުރިޔަށްދާގޮތް މޭޔަރ ޢާޒިމް ބައްލަވައިލައްވައިފި

ކާރުބާރު ބޮޑު، މާލޭގެ އުތުރުފަރާތު، ބޮޑުތަކުރުފާނު މަގު، ޒަމާނީ ފެންވަރަށް ތަރައްޤީ ކުރުމުގެ މަޝްރޫޢުގެ މަސައްކަތް ވަރަށް ބާރު މިނުގައި، ވަރަށް ފުރިހަމައަށް ކުރަމުންދާތަން ފެނި، އެކަމާ ވަރަށް ބޮޑަށް އުފާކުރައްވާ ކަމަށް މާ ލެ ސިޓީގެ މޭޔަރ އާދަމް ޢާޒިމް ވިދާޅުވެއްޖެއެވެ. 

މޭޔަރ ޢާޒިމް މިފަދައިން ވިދާޅުވެފައި ވަނީ މާލޭގެ އުތުރުފަރާތު، ބޮޑުތަކުރުފާނު މަގު، ޒަމާނީ ފެންވަރަށް ތަރައްޤީ ކުރުމުގެ މަޝްރޫޢުގެ މަސައްކަތް ކުރިއަށް ދާގޮތް ބައްލަވާލެއްވުމަށްފަހު އެކްސްގައި ކުރެއްވި ޕޯސްޓެއްގައެވެ. 

މާލޭގެ އުތުރުފަރާތު، ބޮޑުތަކުރުފާނު މަގު، ޒަމާނީ ފެންވަރަށް ތަރައްޤީ ކުރުމުގެ މަސައްކަތް ކުރުމަށް ސަރުކާރުން ހަވާލުކޮށްފައިވަނީ  މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާއެވެ. 

މޭޔަރ ޢާޒިމް ވިދާޅުވީ ޖުމުލަ 830 މީޓަރުގެ ސަރަޙައްދެއް ތަރައްޤީކުރުމަށް ހިންގާ މި މަޝްރޫޢުގެ ސަބަބުން، މި ސަރަޙައްދުގެ ދަތުރުފަތުރުގެ ނިޒާމަށް، އިންގިލާބީ ހެޔޮ ބަދަލެއް އަންނާނެކަމަށެވެ. 

ސަރުކާރާއި އަމިއްލަފަރާތްތަކުގެ ގިނަ އޮފީސްތަކާއި، ބެންކުތަކާއި އަދި މަސްމާރުކޭޓާއި ގިނަ ހޯލްސޭލް ފިހާރަ ހިމެނޭ، ސަރަޙައްދަށް ގެނެވޭ މި ބޮޑު ބަދަލުގެ ސަބަބުން، ވަރަށް ގިނަ ރައްޔިތުންނަށް، އެކި ގޮތްގޮތުން ވަރަށް ބޮޑެތި ލުއި ފަސޭހަތަކެއް ލިބިގެންދާނެ ކަމަށް ދެކެވަޑައިގަން ނަވާ ކަމަށް ވެސް މޭޔަރ ޢާޒިމްވަނީ ވިދާޅުވެފައެވެ. 

މޭޔަރ ޢާޒިމް ވިދާޅުވީ، އުންމީދަކީ، ވީހައި އަވަހަކަށް މި މަޝްރޫޢުގެ މަސައްކަތް ނިމި، މި ސަރަޙައްދު ބޭނުންކުރަމުންދާ ފަރާތްތަކަށް، އެ ކަމުގެ ލުއި ފަސޭހަތައް ލިބެން ފެށުން ކަމަށެވެ. 

މާލޭގެ އުތުރުފަރާތު، ބޮޑުތަކުރުފާނު މަގު ތަރައްޤީ ކުރުމުގެ މަޝްރޫޢާ މެދު އުފާކުރައްވާ ކަމަށް މޭޔަރ ޢާޒިމް ވިދާޅުވެއްޖެ

ނަސްރުގެ ދުވަހުގެ މުނާސަބަތުގައި ދިވެހި ހުރިހާ ލޮބުވެތި ރައްޔިތުންނަށް މާލެ ސިޓީގެ މޭޔަރ އާދަމް ޢާޒިމް ތަހުނިޔާ ފޮނުއްވައިފިއެވެ. 

މޭޔަރ އާދަމް ޢާޒިމް މާލެ ސިޓީ ކައުންސިލްގެ ސޯޝަލް މީޑިއާގައި ހިއްސާ ކުރެއްވި ވީޑިއޯ މެސެޖްގައި، 3 ނޮވެމްބަރު 1988ގެ ޢުދުވާނީ ޙަމަލާގައި ޝަހީދުވި 19 ދިވެހިންގެ ޒިކުރާ އާ ކޮށް، މި ފަދަ ނުރައްކާތެރި ޢުދުވާނީ ހަމަލާތަކުން ދިވެހި ލޮބުވެތި ވަޠަން ސަލާމަތް ކުރެއްވުން އެދި ދުޢާ ކުރައްވާފައިވެއެވެ. 

"3 ނޮވެމްބަރު 1988ގެ ޢުދުވާނީ ޙަމަލާގައި ޝަހީދުވި 19 ދިވެހިންގެ ފުރާނަފުޅަށް ސުވަރުގޭ މަތިވެރި ނިޢުމަތް މިންވުކުރައްވާށި. މި ފަދަ ނުރައްކާތެރި ޢުދުވާނީ ހަމަލާތަކުން، ތާ އަބަދު، މި ލޮބުވެތި ވަޠަން ސަލާމަތް ކުރެއްވުން އެދި، އޯގާވަންތަ الله ސުބުޙާނަހޫ ވަތަޢާލާގެ ޙަޟްރަތުގައި ދުޢާ ދަންނަވަން" މޭޔަރ ޢާޒިމް ވިދާޅުވިއެވެ. 

ނަސްރުގެ ދުވަހަކީ ދިވެހިންގެ ބަޔަކު ބައިވެރިވެގެން 1988 ވަނަ އަހަރުގެ ނޮވެމްބަރ 03 ވަނަ ދުވަހު ރާއްޖެ އަށް ދިން ޢުދުވާނީ ޙަމަލާގައި ރާއްޖެއަށް ލިބުނު ނަސްރު ފާހަގަ ކުރާ ދުވަހެވެ. 

ނަސްރުގެ ދުވަހުގެ މުނާސަބަތުގައި މޭޔަރ އާދަމް ޢާޒިމް ތަހުނިޔާ ފޮނުއްވައިފި 

ދިވެހިރާއްގޭގައި ހުންނަވާ ފަލަސްތީންގެ އޮނަރަރީ ކޮންސުލް ރާޣިބް ޚަލާފު މާލެ ސިޓިގެ މޭޔަރ އާދަމް ޢާޒިމް އާއި ބައްދަލުކުރައްވައިފި އެވެ. 

މާލެ ސިޓީ ކައުންސިލް އިދާރާގައި މިއަދު އޮތް މިބައްދަލުވުމުގައި ވާހަކަ ދައްކަވަމުން މޭޔަރ ޢާޒިމް ވިދާޅުވީ މާލެ ސިޓި ކައުންސިލުން ނަންދެވިފައިވާ މާފަންނު މަދަރުސާ ބިތްދޮށުގައި އޮންނަ "ފަލަސްތީނު ހިނގުން "ޒީނާތްތެރިކުރުމުގައި، ފަލަސްތީންގެ ރައްޔިތުން މިނިވަން ކަމަށް ކުރަމުންދާ މަސައްކަތްތައް ރަމްޒުކޮށްދޭ ކުރެހުންތައް ކުރެހުމުގައި ކައުންސިލްގެ އެއްވެސް ހުރަހެއް ނެތް ކަމަށެވެ.

މިމަގު ޒީނަތް ތެރި ކުރުމުގެ މަސައްކަތް ތައް ކުރުމަށް ހަމަޖެހިފައި ވަނީ ފަލަސްތީނުގެ ޝަގާފަތާ ބެހޭ މިނިސްޓްރީ މެދުވެރި ވެގެން އެޤައުމުގެ ތަޖުރިބާކާރު ކުރެހުންތެރިންނާއެކު އެވެ. 

މޭޔަރ ޢާޒިމް ވިދާޅުވީ، ފަލަސްތީނުގެ ރައްޔިތުންނަށް ދިމާވެފައިވާ ގޮންޖެހުންތަކާއި އެޤައުމުގެ މިނިވަންކަމަށް އެމީހުން ކުރަމުންދާ މަސައްކަތްތައް ދިވެހިރާއްޖޭގެ ރައްޔިތުން އަބަދުވެސް ތާއީދު ކުރާ ކަމަށާއި، މިފަދަ ޚަރަކާތްތައް ކުރިއަށް ގެންދިއުމަށް ކައުންސިލްގެ ފުރިހަމަ އެއްބާރުލުން ލިބޭނެ ކަމަށެވެ.

ފަލަސްތީނުގެ އޮނަރަރީ ކޮންސުލް ރާޣިބް ވިދާޅުވީ، "ފަލަސްތީނު ހިނގުން" ޒީނާތްތެރިކުރުމަށް މާލެ ސިޓީގެ ކައުންސިލަރުންނާއި ވަކިން ޚާއްސަކޮށް މޭޔަރ ޢާޒިމް ދެއްވާ ފުރިހަމަ އެއްބާރުލުމަށް ވަރަށް ބޮޑަށް ޝުކުރުވެރިވާ ކަމަށެވެ. މީގެ ސަބަބުން ދިވެހިރާއްޖޭގެ ރައްޔިތުން ފަލަސްތީނަށް ދެމުންދާ ތާއީދު އިތުރަށް ހާމަވެގެންދާނެ ކަމަށްވެސް އޭނާ ވިދާޅުވިއެވެ. 

މި މަގަށް "ފަލަސްތީނު ހިނގުން" ކިޔުމަށް ކައުންސިލުން ފާކުރީ 2024 ވަނަ އަހަރުގެ މެއި މަހުގެ 23 ވަނަ ދުވަހު އޮތް ކައުންސިލްގެ 151 ޖަލްސާގައި ބައިވެރިވެޑައިގެންނެވި ހުރިހާ މެންބަރުންގެ އިއްތިފާގުންނެވެ. އެ ނަން ކައުންސިލަށް ހުށަހެޅުއްވީ މޭޔަރު އާދަމް އާޒިމް އެވެ.

The Honorary Consul of Palestine in the Maldives, Mr. Ragheb Khalaf, paid a courtesy call on Mayor Adam Azim today at Malé City Council Office

During the meeting, Mayor Azim shared that the City Council has decided to beautify “Palestine Walk,” located near the Maafannu Madrasa grounds, with artwork symbolizing the struggle and resilience of the Palestinian people. He noted that the decoration works will be carried out in collaboration with the Palestinian Ministry of Culture and executed by experienced artists

Mayor Azim reaffirmed that the people of Malé City have consistently stood in solidarity with the people of Palestine and their ongoing struggle for freedom and independence.

Mr. Ragheb Khalaf expressed his deep appreciation to Mayor Azim and the Malé City Council for their support and cooperation in the initiative, stating that the Palestine Walk will serve as a lasting symbol of friendship and solidarity between the people of Malé City  and Palestine.

Malé City Council unanimously approved the naming of the road “Palestine Walk” at its 151st session on May 23, following a proposal by Mayor Adam Azim

ފަލަސްތީންގެ އޮނަރަރީ ކޮންސުލް ރާޣިބް މޭޔަރ ޢާޒިމް އާއި ބައްދަލުކުރައްވައިފި

Palestinian Honorary Consul Meets with Malé City Mayor Adam Azim

ސްރީލަންކާ ސަރުކާރުން ރާއްޖެއަށް ކަނޑައަޅުއްވި އައު ސަފީރު، ހިޒް އެކްސަލަންސީ މުޙައްމަދު ރިޒްވީ ޙަސަން، މާލެ ސިޓީގެ މޭޔަރ އާދަމް ޢާޒިމާ ބައްދަލުކުރައްވައިފިއެވެ. އޮކްޓޯބަރު މަހުގެ 19 ވީ އާދީއްތަ ދުވަހު ބޭއްވި މި ބައްދަލުވުން އޮތީ މާލެ ސިޓީ ހޯލްގައެވެ. 

މި ބައްދަލުވުމުގައި ވާހަކަފުޅު ދައްކަވަމުން، މޭޔަރ ޢާޒިމް ވަނީ ސަރީލަންކާ ސަރުކާރުގެ ފަރާތުން ރާއްޖެއަށް ސަފީރެއްގެ ގޮތުގައި ޢައްޔަންކުރެވުނުކަމަށް ޓަކައި އަމިއްލަފުޅަށާއި ސިޓީ ކައުންސިލްގެ ފަރާތުން މަރުހަބާ ދަންނަވާފައެވެ. މޭޔަރ ޢާޒިމް ވަނީ މާލެ ސިޓީގެ ޚިދުމަތްތަކާއި ދެމެހެއްޓެނިވި ގޮތެއްގައި ކަންކަން ކުރިއަށް ގެންދިއުމާއި، އާންމު ރައްޔިތުންގެ ދިރިއުޅުމުގެ ފެންވަރު މަތިކުރުމަށް މާލޭ ސިޓީ ކައުންސިލުން ކުރަމުންދާ މަސައްކަތްތަކުގެ މަޢުލޫމާތު ހިއްސާކުރައްވާފައެވެ. އަދި މާލެއާއި ކޮލޮމްބޯގެ ރައްޔިތުންގެ މެދުގައި އޮތް ގާތް ތާރީޚީ އަދި ސަގާފީ ގުޅުން ފާހަގަކުރައްވައި، ދެ ވެރިރަށުގެ މެދުގައި ސިޓީ ފެންވަރުގައި އިތުރަށް ގުޅުން ބަދަހިކުރުމުގެ މުހިންމުކަން ވެސް މޭޔަރ ޢާޒިމް ފާހަގަކުރެއްވިއެވެ. 

މި ބައްދަލުވުމުގައި މާލެ ސިޓީއާއި ކޮލޮމްބޯ ސިޓީއާ ދެމެދު "ސިސްޓަރ ސިޓީ" އެއްބަސްވުމެއް ޤާއިމުކުރުމާ މެދު  ވެސް މަޝްވަރާކުރައްވާފައިވެއެވެ. މި އެއްބަސްވުމުގެ މަޤްސަދަކީ ސިޓީގެ ތަރައްޤީއާއި، ސަގާފަތާއި، ތަޢުލީމާއި އަދި ފަތުރުވެރިކަމުގެ ދާއިރާތަކުން އެއްބާރުލުން އިތުރުކުރުމަށް މަޤުފަހިކުރުމެވެ. މި މަސައްކަތުގެ ދަށުން ދެ ސިޓީގެ މެދުގައި ސިޓީތަކުގެ ކުރިއެރުމަށާއި ތަރައްޤީއަށް މަސައްކަތް ކުރުމުގައި ބޭނުން ކުރެވޭ އެންމެ މަޤްބޫލް މަސައްކަތްތައް ފާހަގަކޮށް ބަދަލުތައް ގެނައުމަށް މަގުފަހި ވެގެންދާނެއެވެ. 

މި ބައްދަލުވުމުގައި ވާހަކަފުޅު ދައްކަވަމުން ސްރީލްންކާގެ ސަފީރު ވިދާޅުވީ، މާލޭ ސިޓީ ކައުންސިލާއެކު އެއްބާރުލުން އިތުރުކުރުމަށް ޝްރީލަންކާއިން ދޭ އަހައްމިއްޔަތުކަން ހާމަކުރައްވާފައެވެ. އަދި ސިޓީ ފެންވަރުގައި މިފަދަ ބައިވެރިވުންތަކަކީ ދެ ޤައުމުގެ މުޖުތަމަޢުތަކުގެ މެދުގައި އެކަކު އަނެކަކު ދެނެގަތުމާއި ތަރައްޤީ އިތުރުކުރުމުގައި މުހިންމު ދައުރެއް އަދާކުރާނެ ކަމެއް ކަމުގައި ވެސް ފާހަގަކުރެއްވާފައެވެ. އަދި މާލެ ސިޓީ ކައުންސިލާއެކު މިހާރު އޮތް ގުޅުން އިތުރަށް ބަދަހިކުރައްވާނެ ކަމަށާއި ކައުންސިލުން ކުރިއަށްގެންދާ އެކިއެކި މަސައްކަތްތަކަށް ދެވެންއޮތް އެއްބާރުލުމެއް ދެއްވާނެ ކަމަށް ވެސް ސަފީރުގެ ވާހަކަފުޅުގައި ހާމަކުރެއްވިއެވެ. 

ދިވެހިރާއްޖެއާއި ސްރީލަންކާއާ ދެމެދު ޚާރިޖީ ގުޅުން ގާއިމުކޮށްފައިވަނީ 1965 ވަނަ އަހަރުގެ ޖުލައި މަހުގެ 26 ވަނަ ދުވަހުއެވެ.  

His Excellency Mohamed Rizvi Hassan, the newly appointed Ambassador of Sri Lanka to the Maldives, paid a courtesy call on Mayor Adam Azim on Sunday, 19 October, at  Malé City Hall.

During the meeting, Mayor Azim welcomed the Ambassador and extended his congratulations on the new appointment.  Mayor shared updates on Malé City Council’s ongoing initiatives to enhance urban services, sustainability, and the overall quality of life for residents. He noted the close historical and cultural ties between the people of Malé and Colombo, and highlighted the importance of fostering stronger city-level collaboration between the two capitals.

Both sides discussed the possibility of establishing a Sister City Agreement between Malé City and Colombo, aimed at strengthening cooperation in areas such as urban development, culture, education, and tourism. The initiative would create a framework for sharing best practices and promoting greater exchanges between the two cities.

Ambassador Mohamed Rizvi Hassan expressed his appreciation for the warm welcome and reaffirmed Sri Lanka’s commitment to deepening cooperation with the Malé City Council. He noted that such partnerships at the city level can play a vital role in enhancing mutual understanding and development between communities in both countries.

The meeting concluded with both parties expressing optimism for continued collaboration between Malé City Council and Colombo, building on the strong foundation of friendship and shared values between the two cities.

ސްރީލަންކާ އިން ރާއްޖައަށް ކަނޑައެޅުއްވި އައު ސަފީރު މާލެ ސިޓީގެ މޭޔަރ ޢާޒިމާ ބައްދަލުކުރައްވައިފި

Newly Appointed Sri Lankan Ambassador Pays Courtesy Call on Mayor Adam Azim

މާލޭގެ މަގު ތަކުގެ ކާނު ސާފު ކުރުމަށް، މާލެ ސިޓީ ކައުންސިލުން ކުރަމުން އަންނަ މަސައްކަތުގެ ތެރެއިން މިއަހަރުގެ ޖެނުއަރީ 19 ވަނަ ދުވަހުން ފެށިގެން މި ހިނގާ އޮކްޓޯބަރ މަހުގެ 14 ވަނަ ދުވަހުގެ ނިޔަލަށް 181 މަގެއްގެ، 27654 އަށް ވުރެ ގިނަ ކާނު ސާފުކޮށްފި އެވެ. 

ކައުންސިލްގެ ތަފާސް ހިސާބުތައް ދައްކާ ގޮތުން މި 181 މަގުން މި މުއްދަތުގެ ތެރޭގައި 1939 ޓަނޭޖެގެ ވެއްޔާއި ކިސަޑާއެކު ކުނިބުނި ވަނީ ނެގިފައެވެ. އަދި މި މުއްދަތުގެ ތެރޭގައި ޑީވޯޓަރ ހޮޅިލައިން އޮތުމުގެ ސަބަބުން ފަސް މަގެއްގެ ކާނު އަދި ވަނީ މުޅިން ސާފު ވާގޮތް ނުވެފައެވެ. 

މާލެ ސިޓީ ކައުންސިލުން ކާނު ސާފުކުރުމަށް ކުރަމުން އަންނަ މަސައްކަތްތަކާ ގުޅިގެން މޭޔަރ އާދަމް ޢާޒިމް ވިދާޅުވީ މާލޭގެ މަގުތަކަކީ، ހިނގާބިގާވެ އުޅޭ މީހުންނަށާއި ދުއްވާ އެއްޗިއްސަށް، އަމާން، ފަސޭހަ، ރައްކާތެރި މަގުތަކަށް ހެދުމަށް މާލެ ސިޓީ ކައުންސިލްގެ މުވައްޒަފުން ގިނަ މަސައްކަތެއް މިހާރު ވެސް ކުރަމުން އަންނަ ކަމަށެވެ. އަދި މި ކުރާ ބުރަ މަސައްކަތްތަކަށް ރައްޔިތުންގެ ފުރިހަމަ އެއްބާރުލުން ނުހަނު ބޭނުން ކަމަށާއި ކާނުތަކަށް ކުނި ނޭޅުމަށް ރައްޔިތުންގެ ފަރާތުން އެދޭ ކަމަށް ވެސް މޭޔަރ ޢާޒިމް ވިދާޅުވި އެވެ. 

މީގެ އިތުރުން މޭޔަރ ޢާޒިމް އަމާޒަކީ މިއަހަރު ނިމުމުގެ ކުރިން މާލޭގެ ހުރިހާ ކާނެއް  ސާފުކޮށް ނިންމާނެ ކަމަށެވެ. 

މަގުތަކުގައި ފެން ބޮޑު ވުމަކީ ވެސް ކާނުތަށް ފުރި ބާރުވުމުގެ ސަބަބުން ކުރިމަތިވާ ކަމެއްކަން ފާހަގަކޮށްލެވެއެވެ. އަދި މި ކާނުތަކުގައި ކުނި ގިނަވެ ތާށިތައް ކުރިމަތިވުމުން މާލެއަށް ވިއްސާރައިގެ އަސަރުކުރާ ކޮންމެ ފަހަރަކު ކާނުތަކުން ކުނިތައް އެރުމުން އެކި ކަހަލަ ނަޖިސް މަގުތައް މަތީ ފެތުރެއެވެ.

މޭޔަރ އާޒިމްގެ އަމާޒަކީ މާލެ ސިޓީގެ މަގުތަކަކީ ސާފު ތަނަކަށް ހަދައި، ރައްޔިތުން އެދޭފަދަ ރީތި މަގުތަކެއް ހޯއްދަވައިދެއްވުމެވެ. 

 މިއަހަރުގެ މިހާތަނަށް މާލެއިން 27654 ކާނު ސާފުކޮށްފި

ފެހި ފިނި ތަނަވަސް ތަނަކަށް މާލެ ސިޓީ ބަދަލުކުރުމަށް ކުރަމުންދާ މަސައްކަތުގެ ދަށުން، އޮގަސްޓް މަހުގެ ހަތް ވަނަ ދުވަހުން ފެށިގެން މި ހިނގާ އޮކްޓޯބަރ މަހުގެ 11 ވަނަ ދުވަހުގެ ނިޔަލަށް މާލޭގައި 2702 ގަސް އިންދައިފި އެވެ.

މި ގަސްތަކުގެ ތެރޭގައި ހިމެނެނީ 126 ހިޔާދޭ ގަހާއި 2،576 މާގަހެވެ. ހިޔާދޭ ގަސްތަކުގެ ތެރޭގައި ހިމެނެނީ 52 އަނބުގަސް، 21 ދިވެހިރުކާއި، ބަބުކެޔޮ، ސައްކެޔޮ، ޖަބްރޯލް، ފޭރު އަދި ކަޅުހުއްތު މޭވާގަހެވެ.

މި މުއްދަތުގައި އިންދާފައިވާ މާގަސްތަކުގެ ތެރޭގައި ހިމެނެނީ ބޯގަންވިލާ، ކަނީރު، ވަސްމީރު ގުލްސަންޕާ، ކެނަ، ހުވަދުމާ، ކާމެނީޕޫލް، މަލިކުރުވާ އަދި ކަށިރަތްމާ ގަހެވެ. ޚާއްޞަ ގޮތެއްގައި ފާހަގަކޮށްލެވެނީ ކުރީގައި ރާއްޖޭގައި އާންމުކޮށް ފެންނަމުން އައި ނަމަވެސް މިހާރު ވަރަށް ބޮޑަށް މަދުވެފައިވާ ކާމެނީޕޫލް ގަހެވެ.

މި ގަސްތައް އިންދާފައިވަނީ މިހާރު ތަރައްޤީކުރަމުންދާ މާފަންނު މައިޒާން، ސަލްމާން ޕާކް،ފުރުގާން މިސްކިތް ކުރިމަތީގައި ތަރައްޤީކުރަމުންދާ ޕާކް، ގަލޮޅު ސަހަރާ ރާ ކައިރީގައިވާ ޕާކް އަދި ހީނާމާގެ ޕާކުގައެވެ.

މާލެ ސިޓީ ކައުންސިލުގެ މޭޔަރ އާދަމް ޢާޒިމް ވިދާޅުވި ގޮތުގޮތުގައި، މި މުހިންމު މަޝްރޫޢުގެ ސަބަބުން މާލޭގައި ދިރިއުޅޭ ރައްޔިތުންގެ ދިރިއުޅުމަށް އުފާވެރިކަމާއި ހިތްހަމަޖެހުން ލިބިގެންދާނެކަން ޔަޤީނެވެ. އަދި މާލެއަށް ޒިޔާރަތްކުރާ ފަތުރުވެރިންގެ މެދުގައިވެސް މި ރަށުގެ މަޤްބޫލުކަން އިތުރުވެގެންދާނެ ކަމަށް އެމަނިކުފާނު ވިދާޅުވިއެވެ.

މޭޔަރ ޢާޒިމް އިތުރަށް ފާހަގަކުރެއްވި ގޮތުގައި، މާލެއަށް މިފަދަ ބޮޑެތި ބަދަލުތަކެއް ގެނެވެމުންދަނީ މާލޭގައި ދިރިއުޅޭ ރައްޔިތުންނަށް އުފާވެރި އަދި ރަނގަޅު މާޙައުލެއް ޤާއިމްކޮށްދިނުމުގެ ހެޔޮ ނިޔަތުގައެވެ.އަދި މި މަސައްކަތްތައް ކުރުމުގައި ކައުންސިލަރުންގެ ފުރިހަމަ އެއްބާރުލުން ލިބެމުންދާކަން ވެސް އެމަނިކުފާނު ފާހަގަކުރެއްވިއެވެ.

ހިޔާދޭ ގަސްތަކާއި މާގަސްތަކުން މާލެއަށް ގެނެސްދޭ ފެހިކަމާއި ފިނިކަން

ޖަޕާނުގެ ޓޮޔޯޓާ ސިޓީގައި ކުރިއަށްދާ 2025 ވަނަ އަހަރުގެ "ބައިނަލްއަޤްވާމީ މޭޔަރުންގެ ފޯރަމް" ހުޅުވުމުގެ ރަސްމިއްޔާތުގައި މާލެ ސިޓީގެ މޭޔަރ އާދަމް ޢާޒިމް ބައިވެރިވެވަޑައިގެންފި އެވެ. 

މި ފޯރަމް ކުރިއަށް ގެންދަނީ "ދެމެހެއްޓެނިވި މުސްތަޤުބަލަކަށް މިއަދު އަޅަންޖެހޭ ފިޔަވަޅުތައް" މި ޝިޢާރުގެ ދަށުންނެވެ.

މޭޔަރ އާދަމް ޢާޒިމްގެ އިތުރުން، މި ފޯރަމްގައި މާލެ ސިޓީ ކައުންސިލް ތަމްސީލުކުރައްވަނީ މާފަންނު އުތުރު ދާއިރާގެ ކައުންސިލަރު އާމިނަތު ޔުމްނާ އާއި މާލޭ ސިޓީ ކައުންސިލުގެ ސެކްރެޓަރީ ޖެނެރަލް އަބްދުލް މުހައިމިން ނަސީރެވެ.

ޔޫއެން-ހެބިޓެޓް، ޔޫއެން އެސްކެޕް އަދި ޔޫއެން ޑީއީއެސްއޭ ގުޅިގެން އިންތިޒާމުކޮށްފައިވާ މި ހަރަކާތަކީ ޝަހަރުތައް ތަމްސީލުކުރާ ފަރާތްތަކަށް އެންމެ ރަނގަޅު އާދަތައް ހިއްސާކުރުމަށާއި، އެއްބާރުލުން އިތުރުކުރުމަށާއި، ދުނިޔޭގެ ފެންވަރުގައި ދެމެހެއްޓެނިވި ތަރައްޤީގެ ލަނޑުދަނޑިތައް ހާސިލުކުރުމުގައި ލީޑަރޝިޕް ވަރުގަދަކުރުމަށް ވަރަށް ވެސް މުހިންމު މަސައްކަތެކެވެ. 

މޭޔަރ ޢާޒިމް ވިދާޅުވީ މިފޯރަމަށް ދަޢުވަތު ލިބުމަކީ ޝަރަފެއް ކަމަށާ، މި ފޯރަމްގެ ސަބަބުން މާލެ ސިޓީއަށް އިތުރު ކުރިއެރުން ތަކެއް ހޯދައި ދިނުމަށް، މާލެ ސިޓީ ކައުންސިލުން މުހިންމު މަސައްކަތަކެއް ކުރެވޭނެ ކަމާމެދު ޔަގީން ކުރައްވާ ކަމަށެވެ. 

މި ފޯރަމްގެ ތިން ވަނަ ދުވަހުގެ ސެޝަންގައި މޭޔަރ ޢާޒިމް ތަޤްރީރު ކުރެއްވުމަށް ވަނީ ހަމަޖެހިފައެވެ.  އެ ތަޤްރީރުގައި މޭޔަރ ބޮޑަށް އަލި އަޅުވާލައްވާނީ ދާދި ފަހުން ސައުތު ކޮރެޔާއަށް ކުރެއްވި ދަތުރު ފުޅުގައި، ދެމެހެއްޓެނިވި ތަރައްޤީގެ ލަނޑުދަޑި ތަކާ ގުޅޭ ގޮތުން ލޯންޗް ކޮށްދެއްވި މާލެ ސިޓީގެ ވޮލަންޓަރީ ލޯކަލް ރިވިއު(ވީއެލްއާރު) އެކުލަވާލަމުން ދިޔައިރު ތިމާވެއްޓާ ކުލައިމެޓް ޗޭންޖަރ މާލެ ސިޓީއާ ގުޅުވައިފަ ކިހިނެއްތޯ އާއި އޭނގެ ހޯދުންތައް ހޯދި ގޮތާއި، ދިމާވި ދަތިތަކާއި އަދި ކުރިމަގަށް ކިހިނެއްތޯ ދާނީ؟ މިކަމުގެ މައްޗަށެވެ. 

ޖަޕާނުގައި  ކުރިއަށްދާ  ބައިނަލްއަޤްވާމީ މޭޔަރުންގެ ފޯރަމް ހުޅުވުމުގެ ރަސްމިއްޔާތުގައި މޭޔަރ ޢާޒިމް ބައިވެރިވެވަޑައިގެންފި

މާލެ ސިޓީ ސަރަހައްދުގެ އެއްވެސް ބިމަކަށް ލޭންޑް ޔޫސް ޕްލޭނެއް ހެދިގެން ދާއިރު މާލެ ސިޓީ ކައުންސިލްގެ ބައިވެރިވުމެއްނެތި ކުރިއަށް ނުގެންދިއުމަށް މޭޔަރ އާދަމް ޢާޒިމް އެދިވަޑައިގެންފި އެވެ. 

މޭޔަރ ޢާޒިމް މިކަމަށް އެދިވަޑައިގެންނެވީ މާލެ ސިޓީ ހޯލްގައި އާދިއްތަ ދުވަހު އޮތް މާލެ ސިޓީގެ ލޭންޑް ޔޫސް ޕްލޭން ރިވިޝަން މަސައްކަތުގައި ހިމެނޭ ފުރަތަމަ ޕަބްލިކް ކޮންސަލްޓޭޝަން ބައްދަލުވުން ފައްޓަވާދެއްވުމުގެ ގޮތުންނެވެ. 

މޭޔަރ ޢާޒިމް ވިދާޅުވީ، މާލެ ސަރަހައްދުގެ ލޭންޑް ޔޫސް ޕްލޭނެއް ހެދިގެން ދާއިރު ކައުންސިލްގެ ބައިވެރިވުމެއްނެތި ކުރިއަށް ނުގެންދިއުމަށެވެ. "އެއީ ހުޅުމާލެ ކަމުގައި ވިޔަސް، ގުޅީފަޅު ވިޔަސް، ތިލަފުށި ކަމުގައި ވިޔަސް، އަދި އުތުރު ތިލަފަޅު ނުވަތަ ގިރާވަރު ފަޅު ކަމުގައި ވިޔަސް. މި ގޮތް ހިޔާރު ނުކޮށް ގުޅީފަޅު ލޭންޑް ޔޫސް ޕްލޭން ހެދުމުން، އެ ރަށުގައި ދިރިއުޅުމަށް ގޯތި ލިބިފައިވާ މާލޭގެ ރައްޔިތުންގެ ނުހަނު ގިނަ ކަން ބޮޑުވުންތައް ހުރި." ކަމަށް މޭޔަރ ޢާޒިމް ވިދާޅުވި އެވެ. 

މޭޔަރ ޢާޒިމް ވިދާޅުވީ  މާލެ ސިޓީ ކައުންސިލްގެ ޕްލޭނިންގ މަސައްކަތްތައް ކުރިއަށް ގެންދިއުމުގައި މިހާރު ކުރެވިފައި ހުރި މަސައްކަތްތައް ވަރަށް ގިނަ ކަމަށާއި މި މަސައްކަތައް ބޭނުން މުހިންމު ގިނަ މައުލޫމާތު ވަނީ އެއްކުރެވިފައި ކަމަށެވެ. 

މާލެ ސިޓީގެ ބިމުގެ ދަފްތަރު މިހާރު ވާނީ އެކުލަވައިލައި ޖީ.އައި.އެސް ޕްލެޓްފޯރމެއް މެދުވެރިކޮށް، އާންމުންގެ ކޮމެންޓް ހޯދުމަށް ހުޅުވާލެވިފައި ވާ ކަމަށް ފާހަގަ ކޮށް މޭޔަރ ޢާޒިމް ވިދާޅުވީ، މާލެ ސިޓީގެ ދަފްތަރުގައި ހިމެނޭ ކައުންސިލްގެ ބިންތައް ބޭނުން ކުރެވެމުންދާގޮތް މިހާރު ވާނީ އެއް ޑޮކިއުމެންޓައް ގެނެވިފައި ކަމަށެވެ. އަދި  އެ ޑޮކިއުމެންޓް މިދިޔަ ހަފްތާގައި ކައުންސިލަރުންނާއި ވަނީ ހިއްސާކޮށްފައި ކަމަށް ވެސް މޭޔަރ ޢާޒިމް ވިދާޅުވި އެވެ.  " ގާނޫނުގައި ބުނާ މިންވަރަށް ވުރެއް މަދުނޫން މިންވަރަށް މި ދަފްތަރު ޖީ.އައި.އެސް ޕްލެޓްފޯރމަށް އަޕްލޯޑް ކުރެވިގެންދާނެ. މި މައުލޫމާތުގެ ތެރޭގައި، ބިންތަކާއި، އިމާރާތްތަކާއި، މާރކެޓް ގޮޅިތަކާއި، ފައްތިޔާތައް ކުއްޔަށް ދޫކުރެވިފައިވާ ގޮތް ހިމެނޭހެން އާންމު ކުރެވިގެންދާނެ."  ކަމަށް މޭޔަރ ޢާޒިމް ވިދާޅުވި އެވެ. 

މީގެ އިތުރުން މޭޔަރ ޢާޒިމް ވިދާޅުވީ، މިހާތަނަށް ކޮށްފައި މިވާ މަސައްކަތުގައި މާލެ ސިޓީ ކައުންސިލްގެ ހުރިހާ ކައުންސިލަރުން ދެއްވަމުން ގެންދަވާ އެއްބާރުލުމަށް ޝުކުރު އަދާކުރާ ކަމަށާއި އަދި ކައުންސިލްގެ ހުރިހާ މުއައްޒަފުންގެ ބުރަ މަސައްކަތް ފާހަގަ ކުރާ ކަމަށެވެ.  އަދި ހާއްސަކޮށް ކައުންސިލްގެ އަރބަން ޕްލޭނަރގެ ހައިސިއްޔަތުން، ޝެރަޓް ސްޓޫޑިއޯގެ ޓީމުން މާލެ ސިޓީގެ ޕްލޭނިންގ މަސައްކަތުގައި ކޮށްދެއްވަމުން އަންނަ މުހިންމު މަސައްކަތް ފާހަގަކޮށް މޭޔަރ ވަނީ ޝުކުރު އަދާކޮށްފައެވެ. 

މި ބައްދަލުވުމުގައި ގިނަ އަދަދެއްގެ ސްޓޭކް ހޯލްޑަރުންނާއި މަދަނީ ޖަމިއްޔާތަކަށާއި އަމިއްލަ ފަރުދުންނާއި ކައުންސިލްގެ އިސްވެރިންގެ އިތުރުން މުވައްޒަފުން ބައިވެރިވެ ވަޑައިގެންނެވި އެވެ.  

މާލެ ސަރަހައްދުގެ ލޭންޑް ޔޫސް ޕްލޭނެއް ހެދިގެން ދާއިރު ކައުންސިލްގެ ބައިވެރިވުމެއްނެތި ކުރިއަށް ނުގެންދިއުމަށް މޭޔަރ ޢާޒިމް އެދިވަޑައިގެންފި

މާލެ ސިޓީ މިހާރަށްވުރެ، ދިރިއުޅެން ފަސޭހަތަނަކަށް ހެދުމަށް ގްރޭޓަރ މާލެ ސަރަހައްދުގައި ހިމެނޭ ބިންތައް ބޭނުން ކުރެވެމުންދާ ގޮތަށް ގެންނަން ޖެހޭ ބަދަލުތަކެއް އެބަހުރި ކަމަށް މާލެ ސިޓީގެ މޭޔަރ ޢާދަމް ޢާޒިމް ވިދާޅުވެއްޖެއެވެ. 

މޭޔަރ ޢާޒިމް މިހެން ވިދާޅުވީ،  މާލެ ސިޓީ ހޯލްގައި އާދިއްތަ ދުވަހު އޮތް މާލެ ސިޓީގެ ލޭންޑް ޔޫސް ޕްލޭން ރިވިޝަން މަސައްކަތުގައި ހިމެނޭ ފުރަތަމަ ޕަބްލިކް ކޮންސަލްޓޭޝަން ބައްދަލުވުން ފައްޓަވާދެއްވުމުގެ ގޮތުންނެވެ. 

މޭޔަރ ޢާޒިމް ވިދާޅުވީ، މާލެ ސިޓީއަށް ތަފާތު ހިދުމަތްތައް ފޯރުކޮށްދެމުންދާ ކުންފުނިތަކާއި އެކި އެކި ސްޓޭކްހޯލްޑަރުންގެ މަސައްކަތައް ފަހިވާނެ ގޮތަކަށް މާލެ ސިޓީގެ ބިންބޭނުން ކުރާނެ ކުރުރާސްތާ، އަދި މެދު ރާސްތާގެ ޕްލޭނެއް އޮތުން ވަރަށް މުހިންމު ކަމަށެވެ. 

"މިސާލަކަށް، މާލެ ސިޓިއަށް ފެނުގެ ހިދުމަތް ފޯރު ކޮށްދިނުމަށް، ފެން ކުންފުންޏަށް ބޭނުންވާ ބިން ހަމަޖައްސާނެ ގޮތުގެ ޕްލޭނެއް އޮންނަން ޖެހޭ. ސްޓެލްކޯ އަށް އެކުންފުނިންދޭ ހިދުމަތް އެއްފެންވަރެއްގައި ދިނުމަށް ބޭނުންވާނެ ބިން ހަމަޖެއްސުމަކީ މާލެ ސިޓީ ކައުންސިލުން ކޮށްދެންޖެހޭ ކަމެއް " މޭޔަރ އާޒިމް ވިދާޅުވި އެވެ. 

މޭޔަރ ޢާޒިމް ވިދާޅުވީ، ކައުންސިލަށް، މާލެ ސިޓީގެ މިހާރުގެ ހާލަތަށް ވުރެއް ރަނގަޅު  ހާލަތަކަށް ގެންދެވޭނީ ހުރިހާ ބޭފުޅުންގެ ބައިވެރިވުމާއި އެކު ކަމަށާއި މައި ސަރުކާރުގެ ވެސް ފުރިހަމަ ބައިވެރި ވުމާއެކު ކަމަށެވެ. 

މީގެ އިތުރުން މޭޔަރ ޢާޒިމް ވިދާޅުވީ، މިހާރު މުޅިރާއްޖެ އަށް އަމާޒު ކުރެވިގެންދާ ތަރައްޤީގެ ޕްލޭން އެކަށަ އެޅުމުގެ މަސައްކަތް ކުރަމުންގެންދާ ޓީމުން ވެސް ، މާލޭ ސިޓީ ކައުންސިލުން ކުރިއަށްގެންދާ މި ލޭންޑް ޔޫސް ޕްލޭން ރިވިޝަން މަސައްކަތުގައި ވެސް ކޮންސަލްޓޭޝަން ބައްދަލުވުންތަކުގައި ބައިވެރިވެ މަޝްވަރާއާ ހިޔާލު ދިނުން ވަރަށް ވެސް މުހިންމު ކަމަށެވެ. އެހެން ނޫންނަމަ ތައްޔާރު ކުރާ ޕްލޭނާއި ސެންޓަރަލް ގަވަރމަންޓުން ހަދާ ޕްލޭނާއި އެއްވެސް ގުޅުމެއް ނޯންނާނެ ކަމަށް ވެސް މޭޔަރ ޢާޒިމްގެ ވާހަކަ ފުޅުގައި ފާހަގަ ކުރެއްވިއެވެ. 

Latest news

Latest news