މާލޭގެ ވިޔަފާރިވެރިންގެ މިސްކިތުގެ އާބާތުރަފިލުވުމާއި މަރާމާތުގެ މަސައްކަތްތައް ކުރިއަށްދާ ގޮތް މާލެ ސިޓީގެ މޭޔަރ އާދަމް ޢާޒިމާއި ކައުންސިލަރުން ބައްލަވާލައްވައިފިއެވެ. 

މި ޒިޔާރަތުގައި މިސްކިތުގެ ހާލަތާއި ކުރެވެމުންދާ މަސައްކަތްތަކުގެ ފެންވަރު ވަނީ ބައްލަވާލައްވާފައެވެ.

މިސްކިތުގައި މިހާރު ކުރިއަށްދާ މަރާމާތުގެ މަސައްކަތްތަކުގެ ތެރޭގައި، މިސްކިތުގެ ގޯތިރޭގައި އަޅައިފައިވާ ގާތައް ތަރުތީބު ކުރުމާއި، މިސްކިތުގެ ގޯތިތެރޭގައިވާ ގަސްތައް ރީތިކުރުމުގެ މަސައްކަތް ކުރުން ހިމެނެއެވެ. މީގެ އިތުރުން މިސްކިތުގެ ތެރޭގައި ނެވިލޯން އެޅުމަށް ވެސް ވަނީ ހަމަޖެހިފައެވެ.

މޭޔަރ ޢާޒިމް ވިދާޅުވީ، މާލެ ސިޓީ ކައުންސިލްގެ ބެލުމުގެ ދަށުގައިވާ މިސްކިތްތަކަކީ ކައުންސިލުން ވަރަށް ބޮޑު އިސްކަމެއް ދީގެން ބަލަހައްޓަމުންދާ ތަންތަން ކަމަށެވެ. މިސްކިތްތަކުގެ މަރާމާތުގެ މަސައްކަތްތައް އަވަސްކޮށް، ނަމާދުކުރާ ފަރާތްތަކަށް ފަސޭހަ އިންތިޒާމްތަކެއް ހަމަޖެއްސުމަކީ ކައުންސިލްގެ އަމާޒެކެވެ.

މި މަސައްކަތްތައް ބައްލަވައިލެއްވުމުގައި މޭޔަރ ޢާޒިމްގެ އިތުރުން، ޑެޕިއުޓީ މީކާއީލް މުޙައްމަދު ރިޔާޟާއި، މާފަންނު އުތުރު ދާއިރާގެ ކައުންސިލަރު ހުސައިން ފުރުޝާނާއި، މާފަންނު ހުޅަނގު ދާއިރާގެ ކައުންސިލަރު މުހައްމަދު ރިޟްވާން ޢަލީ ބައިވެރިވެވަޑައިގެންނެވިއެވެ. މީގެ އިތުރުން މައްޗަންގޮޅި ދެކުނު ދާއިރާގެ ކައުންސިލަރު ފަރްހާން ޝަފީޢާއި، މާފަންނު ދެކުނު ދާއިރާގެ ކައުންސިލަރު އިބްރާހިމް ލަބާން ޝަރީފު އަދި މާފަންނު މެދު ދާއިރާގެ ކައުންސިލަރު ޢާއިޝަތު ހަނާ ވެސް މި ޒިޔާރަތުގައި ބައިވެރިވެވަޑައިގެންނެވިއެވެ.

ވިޔަފާރިވެރިންގެ މިސްކިތުގެ މަރާމާތު މަސައްކަތްތައް މޭޔަރާއި ކައުންސިލަރުން ބައްލަވާލައްވައިފި

މޯލްޑިވްސް އިސްލާމިކް ބޭންކުގެ އެހީއާއެކު މާލެ ސިޓީ ކައުންސިލުން މާފަންނު މައިޒާން ކުރިމަތީގައި ތަރައްޤީކުރި ޒަމާނީ ފެންވަރުގެ ބަސް ސްޓޭޝަން ހުޅުވައިފިއެވެ. މި ބަސް ސްޓޭޝަނަކީ ބަހުގެ ޚިދުމަތް ހޯދާ ފަރާތްތަކަށް ފަސޭހަކުރުމަށް ހެދި ތަނެކެވެ.

މި ބަސް ސްޓޭޝަން ހުޅުވައިދެއްވީ މާލެ ސިޓީގެ މޭޔަރ އާދަމް ޢާޒިމާއި މޯލްޑިވްސް އިސްލާމިކް ބޭންކް (އެމްއައިބީ) ގެ ޗީފް އެޑްމިނިސްޓްރޭޓިވް އޮފިސަރު މުޙައްމަދު ޒުހައިލް ޒަޢީމެވެ. މި ރަސްމިއްޔާތުގައި މާލެ ސިޓީ ކައުންސިލަރުންނާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންގެ އިތުރުން ކައުންސިލްގެ އިސްވެރިން ބައިވެރިވެވަޑައިގެންނެވިއެވެ.

މިއީ މާލެ ސިޓީގައި ތަރައްޤީކުރި މި ފަދަ ފުރަތަމަ ބަސް ސްޓޭޝަނެވެ. މި ތަނުގެ އެތެރެ އޭސީކޮށްފައިވާއިރު، އާންމުންނަށް ފަސޭހަކަމާއެކު ބޭންކިންގ ޚިދުމަތް ލިބިދިނުމަށް ޓަކައި އެމްއައިބީގެ ދެ އޭޓީއެމް ވެސް، މި ސްޓޭޝަންގައި ވަނީ ބަހައްޓާފައެވެ. އަދި އޭސީގައި ތިބުމަށް ދަތިވާ ފަރާތްތަކަށް ފަސޭހަ ކުރުމަށް ޓަކައި، މި ބަސް ސްޓޭޝަންގެ ބޭރުގައި ވެސް ގޮނޑިތައް ބަހައްޓައިފައި ހުންނާނެއެވެ. 

މޭޔަރު އާދަމް ޢާޒިމް ވިދާޅުވީ، އެމްއައިބީއާއެކު ވެފައިވާ އެއްބަސްވުމުގެ ދަށުން މާލޭގެ ހަތަރު ސަރަހައްދެއްގައި މި ފަދަ ބަސް ސްޓޭޝަންތައް ތަރައްޤީކުރުމަށް ހަމަޖެހިފައިވާ ކަމަށެވެ. މި މަޝްރޫޢުގެ ދަށުން ދެން ބަސް ސްޓޭޝަންތައް ހެދުމަށް ހަމަޖެހިފައިވާ ސަރަހައްދުތަކަކީ:

އަމީނީ މަގު ސިނަމާލެ 3 ސަރަހައްދު

ބޮޑުތަކުރުފާނުމަގު މާލެ ސިޓީ ހޯލް ބޭރު

ބޮޑުތަކުރުފާނު މަގު ރާޅުގަނޑު ސަރަހައްދު 

މި ބަސް ސްޓޭޝަންތަކުގެތެރެއިން، ބޮޑުތަކުރުފާނުމަގު ރާޅުގަނޑު ސަރަހައްދުގައި ހަދާ ބަސް ސްޓޭޝަން، 2026 އޮގަސްޓް ގައި ނިންމައި ހުޅުވުމަށް ހަމަޖެހިފައިވާއިރު، އަނެއް 2 ބަސްސްޓޭޝަން، މި ހިނގާ 2026 ވަނަ އަހަރު ނިމުމުގެ ކުރިން ނިންމައި ހުޅުވުމަށް ވަނީ ހަމަޖެހިފައެވެ. 

މި މަޝްރޫޢުގެ ހުރިހައި ޚަރަދެއް ކުރަނީ އެމްއައިބީންނެވެ. މި އެއްބަސްވުމުގެ ދަށުން 10 އަހަރުގެ މުއްދަތަށް، މި ބަސްސްޓޭޝަންނުގައި ބަހައްޓައިފައި ހުރި 2 އޭޓީމް ހުރިތަނަށް އެމްއައިބީން، ކައުންސިލަށް އެއްވެސް ކުއްޔެއް ދައްކަން ނުޖެހޭނެއެވެ. މި ބަސް ސްޓޭޝަންތައް މަރާމާތުކޮށް ބެލެހެއްޓުމުގެ ހުރިހައި ޒިންމާއެއް އުފުލާނީ ވެސް އެމްއައިބީންނެވެ.

މި ރަސްމިއްޔާތުގައި ވާހަކަފުޅު ދައްކަވަމުން މޭޔަރ ޢާޒިމް ވިދާޅުވީ، މާލެ ސިޓީގެ މުރާލި ކައުންސިލަރުންނާއި ޑަބްލިޔުޑީސީގެ މުރާލި މެމްބަރުންނާއި އަދި ޚިދުމަތްތެރި މުއައްޒަފުންގެ މަސައްކަތުގެ މައިގަނޑު އަމާޒަކީ، މާލެ ސިޓީގައި ދިރިއުޅުއްވާ ރައްޔިތުންނަށް، އަމާން، ރައްކާތެރި، ހިތްހަމަޖެހޭ، އުފާވެރި، ސިޓީއަކަށް، މި ސިޓީ ހެދުންކަމަށެވެ. 

މާލެ ސިޓީއާއި އެމްއައިބީ ގުޅިގެން ބަސް ސްޓޭޝަން ތަރައްޤީ ކުރުމަށް ހިންގާ މި މަޝްރޫޢަށް ޢިޝާރާތްކުރައްވަމުން މޭޔަރ ވިދާޅުވީ، މާލެ ސިޓީ ކައުންސިލާ ގުޅިގެން މި ފަދަ ކަންކަން ކުރުމުގެ ފުރުޞަތު ހުރިހައި ފަރާތްތަކަށް ވެސް ހުޅުވައިލެވިފައިވާކަމަށާއި އަދި އެ ފަދަ ފަރާތްތަކަށް، ކައުންސިލުން މަރުޙަބާކިޔައި، ފުރިހަމައަށް އެއްބާރުލުން ދެއްވާނެކަމަށެވެ. 

މާފަންނު މައިޒާން ކުރިމަތީގައި ތަރައްޤީކުރި "މާފަންނު ބަސް ސްޓޭޝަން" ހުޅުވައިފި

މާލޭގެ ބޮޑުތަކުރުފާނުމަގުގައި ބޭންކް އޮފް މޯލްޑިވްސް (ބީއެމްއެލް) ކުރިމައްޗަށްވާ ގޮތަށް އޮތް ހުސްބިމުގައި ފެރީ ޓާމިނަލަކާއި ސައިކަލް ޕާކިން ޒޯނެއް ހިމެނޭ ގޮތަށް ޒަމާނީ އިމާރާތެއް ތަރައްގީކުރުމަށް މާލެ ސިޓީ ކައުންސިލުން ނިންމައިފިއެވެ. 

މި ނިންމުން ނިންމާފައިވަނީ މާލެ ސިޓީ ކައުންސިލްގެ 5 ވަނަ ދައުރުގެ 10 ވަނަ ރަސްމީ އާންމު ޖަލްސާގައެވެ.

މި މަޝްރޫއު ކައުންސިލަށް ހުށަހެޅުއްވީ ހުޅުމާލެ އުތުރު ދާއިރާގެ ކައުންސިލް މެންބަރު ފާތިމަތު ޒަހިއްޔާއެވެ. ކައުންސިލްގެ އިއްތިފާގުން މި މައްސަލަ މިހާރު ވަނީ އިތުރަށް ދިރާސާކުރުމަށް އާބަން ޕްލޭނިން ކޮމިޓީއަށް ފޮނުވާފައެވެ. މި އިމާރާތުގެ ޕްލޭންގައިވާ ގޮތުން، އިމާރާތުގެ ގްރައުންޑް ފްލޯ ހާއްސަކުރެވިފައިވަނީ ފެރީ ޓާމިނަލަކަށެވެ.

ޓާމިނަލްގެ ގްރައުންޑް ފްލޯގައި އަތޮޅުތަކުން މާލެ އަންނަ ފަރާތްތަކަށާއި މާލެއިން ފުރާ ފަރާތްތަކަށް ހިތްފަސޭހަކަމާއެކު މަޑުކޮށްލައިގެން ތިބެވޭނެ އިންތިޒާމުތައް ހަމަޖެހިފައި ހުންނާނެއެވެ. މީގެ އިތުރުން، އަންހެނުންނާއި ފިރިހެނުންނަށް ވަކިން ހާއްސަ ފާހާނާބަރިތަކާއި، ލުއިކާނާ ލިބޭނެ މިނީ ޝޮޕެއްގެ އިތުރުން ނަމާދުކޮށްލުމަށް ހާއްސަ ކުޑަ ކޮޓަރިއެއްވެސް މި ފަންގިފިލާގައި ގާއިމުކުރުމަށް ވަނީ ހުށަހަޅާފައެވެ.

އިމާރާތުގެ ފުރަތަމަ އަދި ދެވަނަ ފަންގިފިލާ ހާއްސަކޮށްފައިވަނީ ސައިކަލް ޕާކު ކުރުމަށެވެ. މިއީ ކޮންމެ ރައްޔިތަކަށްވެސް ހިލޭ ސައިކަލް ޕާކުކުރެވޭނެ އިންތިޒާމެއް ކަމަށް ޒަހިއްޔާ ވިދާޅުވިއެވެ. އިމާރާތުގެ އެންމެ މަތީގައި ނުވަތަ ރޫފްޓޮޕްގައި ފުޑް ކޯޓުތަކެއް ހުންނާނެ ކަމަށާއި، އެތަނަށް އަރާ ފޭބުމަށް ލިފްޓެއް ބެހެއްޓިފައި ހުންނާނެ ކަމަށްވެސް ޕްލޭންގައިވެއެވެ.

މި މަޝްރޫއާ ގުޅޭގޮތުން ވާހަކަދައްކަވަމުން ޒަހިއްޔާ ވިދާޅުވީ، "މިކަމުގެ ސަބަބުން ލޯންޗުތަކުގައި މާލެ ދަތުރުކުރާ އަތޮޅުތެރޭގެ ރައްޔިތުންނަށް ހިތްފަސޭހަކަމާއި ހިތްހަމަޖެހުން ގެނެސްދެވޭނެ. ޓެކްސީއެއް ލިބެންދެން ތުއްތު ދަރިފުޅު އުރާލައިގެން ގަދަ އަވީގައި މައިން ތިބެންޖެހޭ ތިބުމަށް ނިމުމެއް އަންނާނެ،" ކަމަށެވެ. އަދި މި އިމާރާތުގައި ހިމެނޭ ފިހާރަ އާއި ފުޑް ކޯޓުތަކުން ކައުންސިލަށް އާމްދަނީ ލިބޭނެ މަގު ފަހިވާނެކަންވެސް އޭނާ ފާހަގަކުރެއްވިއެވެ.

މާލޭގެ މަގުތަކުގައި ޕާކުކުރުމުގެ މައްސަލަ ބޮޑުވެފައިވާ މި ދަނޑިވަޅުގައި، މިފަދަ ޒަމާނީ އިމާރާތެއްގެ ސަބަބުން މަގުމަތީގެ ތޮއްޖެހުން ކުޑަވެ، ހިނގާބިނގާވެ އުޅޭ ފަރާތްތަކަށް ބޮޑެތި ލުއިތަކެއް ލިބިގެންދާނެ ކަމަށް ކައުންސިލުން އުންމީދުކުރެއެވެ. މިއީ މާލެއަށް ދިމާވެފައިވާ ބޮޑެތި މައްސަލަތަކަށް ޒަމާނީ ހައްލެއް ހޯދައިދިނުމަށް ކުރެވޭ މަސައްކަތެއްގެ ގޮތުގައި ކައުންސިލުން ސިފަކުރެއެވެ.

ބޮޑުތަކުރުފާނުމަގު ބީއެމްއެލް ކުރިމަތީގައި ފެރީ ޓާމިނަލަކާއި ޕާކިން ޒޯނެއް ތަރައްގީކުރަން ނިންމައިފި

ގޭގެއިން ކުނި އުކާލުމުގެ ޚިދުމަތަށް ސަރުކާރުން ބޮޑު ޢާމްދަނީއެއް ނަގަމުންދާއިރު، މާލެ ސިޓީ ގޮނޑުވަމުންދާ މައްސަލައިގައި މާލެ ސިޓީ ކައުންސިލްގެ މާފަންނު އުތުރު ދާއިރާގެ ކައުންސިލް މެންބަރު ހުސައިން ފުރުޝާން ކަންބޮޑުވުން ފާޅުކުރައްވައިފިއެވެ. 

ފުރުޝާން މި ފަދައިން ވިދާޅުވީ، މާލެ ސިޓީ ކައުންސިލްގެ 5 ވަނަ ދައުރުގެ 10 ވަނަ ރަސްމީ ޢާންމު ޖަލްސާގައެވެ.

މި ޖަލްސާގައި ވާހަކަފުޅުދައްކަވަމުން ފުރުޝާން ވިދާޅުވީ، މާލެއާއި އެހެނިހެން ސަރަހައްދުތައް ގޮނޑުވަމުންދާ މިންވަރުން ދެން އުޅެވޭނީ "ގޮޑު މީހުންނަށް" ކަމަށެވެ. އޭނާ މި ފަދައިހެން ވިދާޅުވީ، ގޭގެއާއި އެނޫން ވެސް ތަންތަނުގައި ހުންނަ ބޮޑެތި ކުނި އުކާލުމުގެ ޚިދުމަތް ސިޓީ ކައުންސިލުން ފެށުމާ ގުޅޭގޮތުން ހުޅުމާލެ އުތުރު ދާއިރާގެ ކައުންސިލް މެންބަރު ފާތިމަތު ޒަހިއްޔާ ހުށަހެޅުއްވި މައްސަލައަށް ބަހުސް ކުރައްވަމުންނެވެ.

ވެމްކޯއަށް ލިބޭ ޢާމްދަނީއަށް އަލިއަޅުއްވާލައްވަމުން ފުރުޝާން ވިދާޅުވީ، ސްޓެލްކޯގެ ތަފާސްހިސާބުތަކަށް ބަލާއިރު މާލޭގައި 70،000 އެއްހާ ކަރަންޓް މީޓަރު ހުރި އިރު، ކޮންމެ މީޓަރަކަށް 150 ރުފިޔާގެ މަގުން މަހަކު 10.5 މިލިއަން ރުފިޔާ ލިބޭނެ ކަމަށެވެ. މީގެ އިތުރުން 15،000 ކޮމާޝަލް މީޓަރުން މަހަކު 12 މިލިއަން ރުފިޔާ ލިބޭއިރު، ޖުމްލަ 22 މިލިއަނަށް ވުރެ ގިނަ ރުފިޔާ، ކުނި އުކާލުމުގެ ފީގެ ގޮތުގައި ލިބޭކަން އޭނާ ފާހަގަކުރެއްވިއެވެ.

"މިހާ ބޮޑު ޢާމްދަނީއެއް ލިބޭ ކުންފުންޏަކުން ކީއްވެގެންތޯ ޑިޒާސްޓަރ މެނޭޖްމަންޓް ޕްލޭނެއް ނެތީ؟ ނޫނީ ބެކަޕެއް ހެދިފައި ނެތީ؟" ފުރުޝާން ސުވާލު އުފެއްދެވިއެވެ. ތިލަފުށީ ގޮނޑުގައި ރޯވުމުގެ ސަބަބުން ދިމާވި ދަތިތަކަށް އިޝާރާތް ކުރައްވައި އޭނާ ވިދާޅުވީ، މާލެ ސިޓީ ކައުންސިލުން ވަކިން ހެދި ކުނި ބަހައްޓާ ތަން ވެސް މިހާރު ފުރިފައިވާ ކަމަށާއި، މަގުމަތި ވެސް ކުނިން ފުރެމުންދާތީ ރައްޔިތުންނަށް ބޮޑެތި ތަކުލީފުތަކެއް އުފުލަން ޖެހިފައިވާ ކަމަށެވެ.

ވެމްކޯގެ މުވައްޒަފުން ކުރާ ބުރަ މަސައްކަތް ފާހަގަކުރައްވަމުން ފުރުޝާން ވިދާޅުވީ، ވިއްސާރަޔާއި އަވީގައި ވެސް އެ މުވައްޒަފުން މަސައްކަތް ކުރާ ކަމަށެވެ. ނަމަވެސް، އެ މުވައްޒަފުންގެ ޕެންޝަން ފަންޑަށް ޖަމާކުރަންޖެހޭ ފައިސާ ވެސް ވެމްކޯއިން ޖަމާނުކުރާ ކަމުގެ ޝަކުވާ ލިބެމުންދާ ކަމަށް އޭނާ ވިދާޅުވިއެވެ.

މާލެ ސަރަހައްދުގެ ކުނީގެ މައްސަލަ ހައްލުކުރުމަށް ސިޓީ ކައުންސިލުން މިހާރަށްވުރެ ބޮޑަށް ހަރަކާތްތެރިވާން ޖެހޭ ކަމަށާއި، މި ކަމުގައި މަޑުން ތިބެވެން ނެތް ކަމަށް ވިދާޅުވެ ފުރުޝާން ވަނީ ކަންބޮޑުވުން ފާޅުކުރައްވާފައެވެ.

ގޭގެއިން ކުނި އުކާލަން ސަރުކާރުން ލާރި ނަގާއިރު މާލެ ދަނީ ގޮނޑުވަމުން: ކައުންސިލަރު ފުރުޝާން

މާލޭގެ ބާޒާރުމަތީގައި ޤަވައިޢިދާ ޚިލާފަށް ވިޔަފާރިކުރަމުންދިޔަ ބަޔަކު މާލެ ސިޓީ ކައުންސިލުން މިއަދު ހުއްޓުވައިފިއެވެ.

މި މަސައްކަތަކީ ބާޒާރުމަތި ތަރުތީބުކޮށް ބެލެހެއްޓުމަށް އެ ކައުންސިލުން ކުރިއަށްގެންދާ ޚާއްޞަ އޮޕަރޭޝަނުގެ ތެރެއިން ހިންގުނު ހަރަކާތެކެވެ.

މި ހަރަކާތް ހިންގާފައިވަނީ ބާޒާރުމަތީގައި ހުންނަ "އަތޮޅު އުފަންވެލި" ފިހާރަ ކައިރީގައެވެ. އެ ސަރަހައްދުގައި އުސޫލުތަކާ ޚިލާފަށް  މުދާ ބަހައްޓައިގެން ވިޔަފާރިކުރަމުންދިޔަ ފަރާތްތަކަށް ނަސޭހަތްތެރިވެ، އެކަން ވަނީ ހުއްޓުވާފައެވެ.

މީގެ އިތުރުން، ބާޒާރުމަތި ސާފުކުރުމަށް މިއަދު ކުރިއަށްގެންދިޔަ އޮޕަރޭޝަނުގައި އެ ސަރަހައްދުން ގިނަ އަދަދެއްގެ ކުނި ވަނީ ނަގައިފައެވެ.އެގޮތުން މިއަދުގެ މަސައްކަތުން އެކަނިވެސް 2.5 ޓަނުގެ ކުނި ވަނީ އެ ސަރަހައްދުން ނަގައި ސާފުކޮށްފައެވެ.

ބާޒާރުމަތީގެ މަގުތަކަކީ ހިނގާބިނގާވެ އުޅޭ މީހުންނަށާއި އުޅަނދުފަހަރަށް ދަތިނުވާނެ ފަދަ ތަނަކަށް ހެދުމަށްޓަކައި، ގަވާއިދާ ޚިލާފަށް މަގުމަތީގައި މުދާ ބަހައްޓައިގެން ވިޔަފާރިކުރުން ހުއްޓުވުމަށް ކައުންސިލުން ދަނީ މެދުނުކެނޑި މަސައްކަތް ކުރަމުންނެވެ.

ބާޒާރުމަތީގައި ޤަވަޢިދާ  ޚިލާފަށް ވިޔަފާރިކުރަމުންދިޔަ ބަޔަކު ހުއްޓުވައިފި

މާލެ ސިޓީ ވަރަށް ބޮޑަށް އިޝްތިހާރުވެ، ވިޔަފާރިތަކަށް ބޮޑު ފައިދާއެއް ވާނެ ކަމަށް ބެލެވުނު ''ބިޔޯން އަގެއިން'' ޝޯވް، އެއްވެސް ސަބަބެއް ބަޔާންކުރުމެއްނެތި ސަރުކާރުން އަންގައިގެން ކުއްލިއަކަށް ކެންސަލް ކުރަން ޖެހުމުން މާލެ ސިޓީގެ މޭޔަރ އާދަމް ޢާޒިމް އެކަމަށް ވަރަށް ބޮޑަށް ފާޑުވިދާޅުވެއްޖެއެވެ.

މިކަމާ ގުޅިގެން އެކްސްގައި ކުރެއްވި ޕޯސްޓެއްގައި މޭޔަރ ޢާޒިމް ވިދާޅުވީ، ބޭރު ދުނިޔެއަށް ރާއްޖެ ވަރަށް ބޮޑަށް އިޝްތިހާރު ކުރުމަށް މަސައްކަތްކުރަމުންދާ ދަނޑިވަޅެއްގައި، މިފަދަ ބޮޑު ހަރަކާތެއް ކުރިން އެންގުމަކާ ނުލައި އަދި އެއްވެސް ސަބަބެއް ނެތި ހުއްޓުވުމަކީ އެއްގޮތަކަށް ވެސް ބަލައިގަނެވޭނެ ކަމެއް ނޫން ކަމަށެވެ.

މޭޔަރ އިތުރަށް ފާހަގަކުރެއްވި ގޮތުގައި މިފަދަ ހަރަކާތްތަކަކީ ގައުމުގެ ވިޔަފާރިއާއި އިގްތިސާދަށް ނުހަނު ހެޔޮ އަސަރުކޮށް، އިޖުތިމާޢީ ގުޅުން ބަދަހިވެގެންދާނެ ފުރުސަތުތަކެކެވެ. ނަމަވެސް މި ކަންކަމަށް އެއްގޮތަކަށް ވެސް ވިސްނައިނުލައި، ޣައިރުޒިންމާދާރުކޮށް މިކަން ހުއްޓުވުމަކީ ކޮށްގެންވާނެ ކަމެއް ނޫން ކަމަށް އޭނާ ވިދާޅުވިއެވެ.

"މިފަދަ ކަންކަމަކީ ޤައުމުގެ ވިޔަފާރިއާއި އިޤްތިޞާދަށް ނުހަނު ހެޔޮ އަސަރުކޮށް، އިޖުތިމާޢީ ގުޅުން ބަދަހިވެގެންދާނެ ފުރުޞަތަކަށް ވާއިރު، މި ކަންކަމަށް އެއްގޮތަކަށް ވެސް ވިސްނައިނުލައި، މިހައި ޣައިރުޒިންމާދާރުކޮށް މި ކަން ހުއްޓުވުމަކީ، އެއްގޮތަކަށް ވެސް ކޮށްގެންވާނެ ކަމެއްކަމަށް އަޅުގަނޑު ނުދެކެން،" މޭޔަރ ޢާޒިމް ވިދާޅުވިއެވެ.

މި ޝޯވް ކެންސަލް ކުރަން ޖެހުނު ސީދާ ސަބަބެއް ސަރުކާރުގެ އިދާރާތަކުން މިހާތަނަށް ހާމަކޮށްފައެއް ނުވެއެވެ.

''ބިޔޯން އަގެއިން'' ޝޯވް ކުއްލިއަކަށް ކެންސަލް ކުރުމުން މޭޔަރ ޢާޒިމް ފާޑުވިދާޅުވެއްޖެ

ހުޅުމާލެ ފޭސް އެކެއް އަދި ފޭސް ދޭއްގައި މަދިރި ނައްތާލުމަށްޓަކައި ފޮގް ކުރުމުގެ ހާއްސަ ހަރަކާތްތަކެއް ވަގުތުން ފެށުމަށް މާލެ ސިޓީ ކައުންސިލުން ފާސްކޮށްފިއެވެ. 

މިކަން ފާސްކޮށްފައިވަނީ ބުދަ ދުވަހު ބޭއްވުނު މާލެ ސިޓީ ކައުންސިލްގެ 5 ވަނަ ދައުރުގެ 10 ވަނަ ރަސްމީ އާއްމު ޖަލްސާގައި ބައިވެރިވި ހުރިހާ ކައުންސިލަރުންގެ އިއްތިފާގުންނެވެ.

މި މައްސަލަ ކައުންސިލަށް ހުށަހެޅުއްވީ ހުޅުމާލެ އުތުރު ދާއިރާގެ ކައުންސިލް މެންބަރު ފާތިމަތު ޒަހިއްޔާއެވެ. 

ޒަހިއްޔާ ހުށަހެޅުއްވީ ހުޅުމާލޭގައި މަދިރި ނައްތާލުމަށްޓަކައި ފޮގްކުރުމުގެ މަސައްކަތް، ހަމަޖެހިފައިވާ އުސޫލުގެ ތެރެއިން ކުރިއަށް ގެންދިއުމަށެވެ. ޒަހިއްޔާ ވިދާޅުވީ ހުޅުމާލޭގައި މަދިރި ގިނަވަމުންދާ ކަމުގެ ޝަކުވާ ގިނަ ރައްޔިތުންގެ ފަރާތުން ލިބެމުންދާ ކަމަށާއި، އެޗްޑީސީން ކުރިން ކުރި މަސައްކަތްތަކަކީ އެންމެ އެކަށީގެންވާ ގޮތެއްގައި ކުރެވުނު ކަމެއް ނޫން ކަމަށެވެ.

ޒަހިއްޔާ އިތުރަށް ފާހަގަކުރެއްވި ގޮތުގައި، އެޗްޑީސީން ކުރިން ފޮގް ކުރިއިރު އެންމެ މުހިންމު ހިސާބުތަކަށް ފޮގް ކޮށްފައެއް ނުވެއެވެ. "މަދިރި އަކީ ނުރައްކާތެރި ބަލި ފަތުރާ އެއްޗެއް. އަދި ފުރާނައަށް ގެއްލުން ހުރި ބަލިތައް ފަތުރާ އެއްޗެއް. އެޗްޕީއޭގެ ތަފާސްހިސާބުތަކަށް ބަލާއިރު މިދިޔަ އަހަރުގެ ފުރަތަމަ ހަތަރު މަހު ޑެންގޫގެ 374 ކޭސް ފެނުނުއިރު، މިއަހަރުގެ އެ މުއްދަތުގައި 2183 ކޭސް ވަނީ ރިޕޯޓްކޮށްފައި،" ޒަހިއްޔާ ވިދާޅުވިއެވެ.

އަވައްޓެރި ސްރީލަންކާގައި ޑެންގޫ އިތުރުވުމުގެ ސަބަބުން ރެޑް އެލާޓް ނެރެ، ސިފައިން ނެރެގެން މަސައްކަތް ކުރަމުންދާކަން ފާހަގަކުރައްވައި ޒަހިއްޔާ ވިދާޅުވީ، ރާއްޖޭގެ ހާލަތު އެ މިންވަރަށް ދަންދެން ހިމޭނުން ތިބެގެން ނުވާނެ ކަމަށެވެ. ހާއްސަކޮށް ހުޅުމާލެ ފޭސް ދޭއްގައި އުސް އިމާރާތްތައް ގިނަވުމާއެކު، އެ ތަންތަނުން މަދިރި ނައްތާލެވޭނެ ގޮތަކަށް ފޮގް ކުރުން ކުރިއަށް ގެންދަން ޖެހޭ ކަމަށް އޭނާ ވިދާޅުވިއެވެ.

ކުރިއަށް އޮތީ ވިއްސާރަ މޫސުން ކަމަށްވާތީ، މި ހަރަކާތް ހުޅުމާލޭގެ އިތުރުން މާލެ އަދި ވިލިމާލޭގައި ވެސް ކުރިއަށް ގެންދިއުމަށް ޒަހިއްޔާ ވަނީ ހުށަހަޅުއްވާފައެވެ.

މި ހުށަހެޅުމާއެކު ކައުންސިލުން ވަނީ މާލެ ސަރަހައްދުގައި މަދިރި މަދުކުރުމުގެ އޮޕަރޭޝަނެއް ފެށުމަށް ނިންމާފައެވެ.

ހުޅުމާލޭގައި މަދިރި ނައްތާލުމަށް ފޮގް ކުރުމުގެ ހާއްސަ ހަރަކާތެއް ފެށުމަށް ކައުންސިލުން ފާސްކޮށްފި

މާލޭގެ އުސް ޢިމާރާތްތަކުގައި ދިރިއުޅޭ އެތައް ހާސް ރައްޔިތުންނަށް ފެން ލިބުމުގައި ދިމާވާ ޕްރެޝަރުގެ މައްސަލައަށް ދާއިމީ ހައްލެއް ހޯދުމަށް މާލެ ސިޓީ ކައުންސިލުން މަސައްކަތް ފަށައިފިއެވެ. 

ބުދަ ދުވަހު ކުރިއަށް ދިޔަ މާލެ ސިޓި ކައުންސިލްގެ 5 ވަނަ ދައުރުގެ 10 ވަނަ ރަސްމީ އާންމު ޖަލްސާއަށް މި މައްސަލަ ހުށަހެޅުއްވީ ޑެޕިއުޓީ މޭޔަރ މީކާއީލް މުޙައްމަދު ރިޔާޒެވެ.

ޑެޕިއުޓީ މޭޔަރ މީކާއީލް ފާހަގަކުރެއްވި ގޮތުގައި، ހަފްތާ ބަންދު ދުވަސްތަކާއި ފެން ބޭނުންކުރާ މިންވަރު އިތުރުވާ ޕީކް ގަޑިތަކުގައި އުސް ޢިމާރާތްތަކަށް ފެން ލިބުމުގައި ބޮޑެތި ދަތިތަކެއް ކުރިމަތިވެއެވެ. އަދި ބައެއް ގެތަކަށް އެއްގޮތަކަށްވެސް ފެން ނުލިބޭ ކަމުގެ ޝަކުވާ ތަކުރާރުކޮށް ލިބެމުންދާކަން އޭނާ ފާހަގަކުރެއްވިއެވެ.

މި މައްސަލައިގައި އޮތް މާލީ ބުރައާ ގުޅޭގޮތުން ވާހަކަދައްކަވަމުން މީކާއީލް ވިދާޅުވީ، އެއްވަނަ ފްލޯގައި އުޅޭ މީހާއާއި ހަވަނަ ފްލޯގައި އުޅޭ މީހާވެސް އެމް.ޑަބްލިއު.އެސް.ސީ އަށް ފެނުގެ ޓެރިފް ރޭޓުން ދައްކަނީ އެއްވަރެއް ކަމަށެވެ. ނަމަވެސް، ހަވަނަ ފްލޯއަށް ފެން ފޯރުކޮށްދިނުމަށް ބޭނުންވާ ވަސީލަތްތައް ގާއިމުކުރުމަށް 80,000 އަށް ވުރެ ގިނަ ރުފިޔާގެ މާލީ ތަކުލީފެއް އުފުލަން ރައްޔިތުންނަށް މަޖުބޫރުވެފައިވާ ކަމަށާއި، މިއީ މެދުފަންތީގެ އާއިލާއަކަށް އުފުލޭނެ ބުރައެއް ނޫން ކަމަށް އޭނާ ވިދާޅުވިއެވެ.

ލާމަރުކަޒީ ގާނޫނުގެ ދަށުން ރައްޔިތުންގެ ހައްގުތައް ހިމާޔަތްކުރުމަކީ ކައުންސިލްގެ ޒިންމާއެއްކަން ފާހަގަކުރައްވައި، ޑެޕިއުޓީ މޭޔަރު ވަނީ އެމް.ޑަބްލިއު.އެސް.ސީ އާއި ޔުޓިލިޓީ ރެގިއުލޭޓަރީ އޮތޯރިޓީއާ ބައްދަލުކުރުމަށް ހުށަހަޅުއްވާފައެވެ. އަދި ސޭފްޓީ މިންގަނޑުތަކަށް ފެތޭ، އަގުހެޔޮ ތިންވަނަ ފަރާތްތަކުގެ ޕަމްޕުތައް ބޭނުންކުރުމުގެ ހުއްދަ ރައްޔިތުންނަށް ދިނުމަށް ބާރުއެޅުމަށްވެސް އޭނާ ހުށަހެޅުއްވިއެވެ.

ޑެޕިއުޓީ މޭޔަރުގެ މި ހުށަހެޅުއްވުމަށް މާފަންނު އިތުރު ދާއިރާގެ ކައުންސިލަރު ހުސައިން ފުރުޝާން ވަނީ ތާއީދުކުރައްވާފައެވެ. މިކަމާ ގުޅިގެން މޭޔަރ އާދަމް ޢާޒިމް ވެސް ވަނީ މި މައްސަލައަކީ ރައްޔިތުންނަށް ދިމާވެފައިވާ ނުހަނު ބޮޑު ތަކުލީފެއްކަން ގަބޫލުކުރައްވައި، މިކަމުގައި އަވަސް ހައްލެއް ހޯދުމަށް މަސައްކަތް ކުރައްވާނެ ކަމުގެ ޔަގީންކަން ދެއްވާފައެވެ.

އުސް ޢިމާރާތްތަކަށް ފެން ލިބުމުގައި ދިމާވާ ޕްރެޝަރުގެ މައްސަލަ ހައްލުކުރުމަށް މާލެ ސިޓީ ކައުންސިލުން މަސައްކަތް ފަށައިފި

މޯލްޑިވްސް ލޯކަލް ކައުންސިލް އެސޯސިއޭޝަން (އެމް.އެލް.ސީ.އޭ) ގެ 2026 ވަނަ އަހަރުގެ އަހަރީ ޢާންމު ޖަލްސާއާއި ކޮންފަރަންސް މާލޭގައި ބޭއްވުމަށް ބޭނުންވާ އެހީތެރިކަން ފޯރުކޮށްދިނުމަށް މާލެ ސިޓީ ކައުންސިލުން ނިންމައިފިއެވެ.

މި ނިންމުން ނިންމާފައިވަނީ، ބުދަ ދުވަހު ބޭއްވުނު މާލެ ސިޓީ ކައުންސިލްގެ 5 ވަނަ ދައުރުގެ 10 ވަނަ ރަސްމީ ޢާއްމު ޖަލްސާގައެވެ. މި ޖަލްސާގައި ބައިވެރިވެވަޑައިގެންނެވި ހުރިހައި ކައުންސިލަރުންގެ އިއްތިފާގުން ވަނީ މިކަން ކުރުމަށް އެހީތެރިކަން ދިނުމަށް ފާސްކޮށްފައެވެ.

މޯލްޑިވްސް ލޯކަލް ކައުންސިލް އެސޯސިއޭޝަނަކީ ރާއްޖޭގެ ހުރިހައި ކައުންސިލްތަކެއް އެއް ޕްލެޓްފޯމަކަށް ގެނެސް، ރާއްޖޭގެ ލާމަރުކަޒީ ނިޒާމާއި ލޯކަލް ކައުންސިލްތައް އިތުރަށް ޕްރޮމޯޓްކޮށް ހަރުދަނާކުރުމަށް މަސައްކަތްކުރާ ޖަމިއްޔާއެކެވެ.

މި ކަމާ ގުޅޭގޮތުން ވާހަކަފުޅުދައްކަވަމުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، ލޯކަލް ގަވަރމަންޓް ހަރުދަނާކުރުމަށް ކުރެވޭ މި ފަދަ މަސައްކަތްތަކަކީ ނުހަނު މުހިންމު ކަމެއް ކަމަށެވެ. މޭޔަރ ޢާޒިމް ފާހަގަކުރެއްވި ގޮތުގައި، މި ފަދަ ޖަލްސާތަކުގެ ސަބަބުން ހުރިހައި ކައުންސިލްތަކެއް އެއްތަނަކަށް އެއްވެ، ކުރިމަތިވާ މައްސަލަތަކަށް މަޝްވަރާކޮށް ހައްލު ހޯދުމަށް މަގުފަހިވެގެންދާނެއެވެ. އަދި މިއީ ސަރުކާރަށް ދޭން ބޭނުންވާ މެސެޖުތައް ފޯރުކޮށްދިނުމަށް ލިބޭ ރަނގަޅު ފުރުސަތެއް ކަމަށް ވެސް މޭޔަރު ވިދާޅުވިއެވެ.

މި ޖަލްސާ ބޭއްވުމުގެ ހަރަދުތަކާ ގުޅޭގޮތުން މޭޔަރ ޢާޒިމް ވިދާޅުވީ، މީގެ ކުރީ ފަހަރު މި ޖަލްސާ ބޭއްވުމަށް ގާތްގަނޑަކަށް 428,000 ރުފިޔާ ޚަރަދުވި ނަމަވެސް، މި ފަހަރު އެ ޚަރަދު ކުޑަކުރެވޭނެ ކަމަށެވެ. އެ ގޮތުން މި ފަހަރުގެ ޖަލްސާ ބޭއްވުމަށް ހަމަޖެހިފައިވަނީ މާލެ ސިޓީ ހޯލުގައި ކަމަށްވާތީ، ޚަރަދުތަކަށް ބޮޑު ލުޔެއް ލިބިގެންދާނެ ކަމަށް މޭޔަރު ފާހަގަކުރެއްވިއެވެ.

މޭޔަރުގެ ވާހަކަފުޅަށް ތާއީދު ކުރައްވަމުން މާފަންނު އުތުރު ދާއިރާގެ ކައުންސިލަރު ހުސެއިން ފުރުޝާން ވިދާޅުވީ، މިއީ ވަރަށް ރަނގަޅު ނިންމުމެއް ކަމަށާއި، މި ކަމަށް ވެދެވެން އޮތް ހުރިހައި އެހީތެރިކަމެއް ކައުންސިލުން ފޯރުކޮށްދޭންޖެހޭނެ ކަމަށެވެ.

މި ނިންމުމުގެ ސަބަބުން 2026 ވަނަ އަހަރު ބޭއްވުމަށް ހަމަޖެހިފައިވާ މި ކޮންފަރަންސް އިންތިޒާމުކުރުމަށް މޯލްޑިވްސް ލޯކަލް ކައުންސިލް އެސޯސިއޭޝަނަށް ބޮޑު އެހީތެރިކަމެއް ލިބިގެންދާނެއެވެ.

މޯލްޑިވްސް ލޯކަލް ކައުންސިލް އެސޯސިއޭޝަންގެ އަހަރީ ޖަލްސާ ބޭއްވުމަށް މާލެ ސިޓީ ކައުންސިލުން އެހީތެރިވުމަށް ފާސްކޮށްފި

ވިލިމާލޭގައި ފިއުލް ސަޕްލައި މޯލްޑިވްސް (އެފްއެސްއެމް) އިން ތަރައްގީކުރާ ފިއުލް ޝެޑުން، ބޯޓުފަހަރަށް ފެން ވިއްކުމަށް ބޭނުންވާ ހުއްދަ ދިނުމަށް މާލެ ސިޓީ ކައުންސިލުން ފާސްކޮށްފިއެވެ.

މި ނިންމުން ނިންމައިފައިވަނީ، 29 ޖުލައި 2026 ވީ ބުދަ ދުވަހު ކުރިއަށް ދިޔަ، މާލެ ސިޓީ ކައުންސިލްގެ 5 ވަނަ ދައުރުގެ 10 ވަނަ ރަސްމީ ޢާއްމު ޖަލްސާގައި ބައިވެރިވެވަޑައިގެންނެވި ކައުންސިލަރުންގެ އިއްތިފާގުންނެވެ. 

މި މައުޟޫއަށް ވާހަކަފުޅުދައްކަވަމުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، ވިލިމާލެ ފަދަ ޑިމާންޑް ކުޑަ ސަރަހައްދެއްގައި ވިޔަފާރި ދެކޮޅުޖެއްސޭނީ، ތެލުގެ އިތުރުން ފެން ފަދަ ޚިދުމަތްތައް ވެސް ދީގެން ކަމަށް ގަބޫލުކުރައްވާ ކަމަށެވެ. އަދި ދައުލަތުގެ ކުންފުނިތައް ހަރުދަނާކުރުމަށް މަސައްކަތްކުރާ ދަނޑިވަޅެއްގައި، ކައުންސިލްގެ އެހީތެރިކަން ދިނުމަކީ އެ ކުންފުނިތަކަށް ލިބޭނެ ވަރަށް ބޮޑު ފަސޭހައެއް ކަމަށް މޭޔަރ ފާހަގަކުރެއްވިއެވެ.

މޭޔަރ ޢާޒިމް އިތުރަށް ވިދާޅުވީ، އެއް ތަނަކުން ތެލާއި ފެން ލިބެން ހުރުމަކީ ރައްޔިތުންނަށް ލިބޭނެ ވަރަށް ބޮޑު ލުއިފަސޭހައެއް ކަމަށެވެ. "ރައްޔިތުންނަށް ތެލާއި ފެން، އެއްތާކުން ލިބެންޏާ ވަރަށް ބޮޑަށް ފަސޭހަ ވެގެންދާނެ. އަދި މާލޭގެ ދެކުނުފަރާތުގައި ހުންނަ ލޯންޗުފަހަރަށް، ވިލިމާލެއިން ފެނާއި ތެޔޮ ލިބޭނަމަ އެ ސަރަހައްދަށް ޑައިވާޓް ކުރެވޭނެ،" ޢާޒިމް ވިދާޅުވިއެވެ. މީގެ ސަބަބުން މާލޭގެ ބަނދަރަށް ބާރުބޮޑުވުމުގެ މައްސަލައަށް ވެސް ހައްލެއް ލިބިގެންދާނެ ކަމަށް އޭނާ ވިދާޅުވިއެވެ.

މޭޔަރ ޢާޒިމްގެ ވާހަކަފުޅަށް ތާއީދުކުރައްވައި މާފަންނު ހުޅަނގު ދާއިރާގެ ކައުންސިލަރު  މުހައްމަދު ރިޟްވާން ޢަލީ ވިދާޅުވީ، ރައްޔިތުންނަށް ޚިދުމަތެއް ދެވެން އޮތް ކޮންމެ ކަމެއްގައި ކައުންސިލުން އެއްބާރުލުން ދޭންޖެހޭނެކަމަށެވެ. އަދި މިއީ ވަރަށް ރަނގަޅު ނިންމުމެއްގެ ގޮތުގައި އޭނާ ސިފަކުރެއްވިއެވެ.

މި ހުއްދަ ދިނުމަށް ކައުންސިލުން ނިންމުމާ ގުޅިގެން، ކުރިއަށް އޮތް ތަނުގައި ވިލިމާލެ ފިއުލް ޝެޑުން ތެލުގެ އިތުރުން އޮނޑިދޯނިފަހަރަށް ބޭނުންވާ ފެން ލިބޭނެ އިންތިޒާމު ހަމަޖެހިގެންދާނެއެވެ. 

މިއީ ވިލިމާލެ ސަރަހައްދުގައި ކަނޑުދަތުރުފަތުރު ކުރާ ފަރާތްތަކަށް ލިބިގެންދާނެ ބޮޑު ލުޔެކެވެ.

Malé City Council has passed a resolution granting permission for the sale of water to vessels from the fuel shed being developed in Vilimalé by Fuel Supply Maldives (FSM). 

The decision was made unanimously by the councilors who attended the 10th Official General Meeting of the 5th Term of the Malé City Council, held on Wednesday, July 29, 2026.

Speaking on the matter, Malé City Mayor Adam Azim stated that he believes businesses in low demand areas such as Vilimalé can become viable only by providing additional services, such as supplying water alongside fuel.

The Mayor noted that, at a time when efforts are being made to strengthen state owned enterprises, support from the Council would provide a major benefit to these companies.

He stated that it would be much easier for residents to obtain fuel and water if both services were available at one location. He added that if speedboats operating on the southern side of Malé could obtain fuel and water from Vilimalé, they could be redirected to that area.

The Mayor further stated that this would also help reduce congestion at the Malé harbor.

Supporting the Mayor's remarks, Maafannu West constituency Councilor Mohamed Rizwan Ali stated that the Council must cooperate in any matter that improves the quality of service provided to the public. He described the decision as a very positive step.

Following the Council's decision to grant this permission, arrangements will be made to allow vessels to obtain water in addition to fuel from the Vilimalé fuel shed in the future.

This development is expected to provide significant relief to those engaged in maritime transport in the Villimalé area.

ވިލިމާލޭގައި އެފްއެސްއެމުން ތަރައްގީކުރާ ފިއުލް ޝެޑުން ފެން ވިއްކުމުގެ ހުއްދަ ދިނުމަށް ކައުންސިލުން ފާސްކޮށްފި

Vilimale' council approves permit to sell water from fuel shed developed by FSM

މާލެ ސިޓީގެ މަގުތަކާއި މައިޒާންތަކުގައި ކުނި ގިނަވެ، ސާފުތާހިރުކަން ގެއްލުމުގެ ސަބަބުން ބަލިމަޑުކަމެއް ފެތުރި ބޮޑު ކާރިސާއަކަށް މަގުފަހިވެދާނެތީ އެ ކަމުގެ ކަންބޮޑުވުން މާލެ ސިޓީގެ މޭޔަރ އާދަމް ޢާޒިމް ފާޅުކުރައްވައިފިއެވެ. 

މޭޔަރ މި ކަމަށް ކަންބޮޑުވުން ފާޅުކުރެއްވީ، މާލެ ސިޓީގެ ކުނި މެނޭޖުކުރުމުގެ ޒިންމާއާ ހަވާލުވެފައިވާ ވެމްކޯގެ ޚިދުމަތްތަކަށް ބުރޫއެރުމާ ގުޅިގެން އެ މަނިކުފާނުގެ އަމިއްލަ އެކްސް އެކައުންޓުގައި ކުރެއްވި ޕޯސްޓެއްގައެވެ.

މޭޔަރ ޢާޒިމް ވިދާޅުވީ، ކުނި އުކުން ފަދަ، ޢާންމު ދިރިއުޅުމާ ވަރަށް ބޮޑަށް ގުޅިފައިވާ ހައްސާސް ކަންކަމުގައި، ދިމާވެދާނެ ހާދިސާއަކަށް ފުރިހަމައަށް ތައްޔާރުވެފައި އޮންނަންޖެހޭނެ ކަމަށެވެ. އަދި އެފަދަ ދަނޑިވަޅުތަކުގައި ޢަމަލުކުރާނެ "ދެވަނަ ގޮތެއް ރޭވިފައި އޮންނަން ޖެހޭނެ" ކަމަށް ދެކިލައްވާ ކަމަށް ވެސް މޭޔަރ ވިދާޅުވިއެވެ.

މާލެ ސަރަހައްދުގެ ކުނި އުކުމުގެ ނިޒާމަށް މައްސަލަތަކެއް ކުރިމަތިވީ، މި ހިނގާ ޖުލައި މަހުގެ 19 ވަނަ ދުވަހުގެ އިރާކޮޅު ތިލަފުށީ ކުނި މެނޭޖުކުރާ ސައިޓުގައި ހިނގި އަލިފާނުގެ ހާދިސާއާ ގުޅިގެންނެވެ. މި ހާދިސާއާ ގުޅިގެން ކުނި އުކުމުގެ ޚިދުމަތަށް ބުރޫއަރައި، މާލޭގެ އެކި ސަރަހައްދުތަކުގައި ކުނި ގިނަވަމުންދާތީ ރައްޔިތުންގެ ޝަކުވާތައް ވަނީ އިންތިހާއަށް އިތުރުވެފައެވެ.

މި މައްސަލައަށް އަވަސް ހައްލެއް ހޯދުމުގެ ގޮތުން، މާލެ ސިޓީ ކައުންސިލްގެ 11 ކައުންސިލަރަކު ވަނީ 28 ޖުލައި 2026 ވީ އަންގާރަ ދުވަހު، ވޭސްޓް މެނޭޖްމަންޓް ކޯޕަރޭޝަން (ވެމްކޯ) އަށް ޒިޔާރަތްކޮށް، ކަންކަން ހަމައަކަށް އެޅުވުމާ ގުޅޭގޮތުން މަޝްވަރާކުރައްވާފައެވެ.

މޭޔަރގެ މި ވާހަކަފުޅުތަކުން ދޭހަވަނީ މި ފަދަ ޒަރޫރީ ޚިދުމަތްތައް މެދުނުކެނޑި ކުރިއަށް ގެންދިއުމަށް ބެކަޕް ޕްލޭނެއް އޮތުމުގެ މުހިންމުކަމެވެ.

Malé City Mayor Adam Azim has expressed concern over the accumulation of waste on the streets and public areas of Malé City, warning that poor sanitation could lead to the spread of diseases and create a serious public health risk.

The Mayor raised these concerns in a post on his official X account following disruptions to the waste management services provided by WAMCO, the agency responsible for waste management in Malé City.

Mayor Azim stated that for sensitive matters closely connected to daily life, such as waste disposal, there must be full preparedness to respond to possible incidents. He further noted that a "contingency plan" should be in place to manage such situations.

The disruption to waste disposal services in the Malé area was caused by a fire that broke out at the Thilafushi waste management site on the evening of July 19. Following the incident, waste collection services were affected, resulting in the accumulation of waste in several areas of Malé and a significant increase in public complaints.

To find an urgent solution to this issue, 11 councilors from the Malé City Council visited the Waste Management Corporation (WAMCO) on July 28 to discuss restoring normal operations.

The Mayor's remarks pointed out the importance of having a backup plan to ensure the uninterrupted delivery of essential services.

ކުނި އުކޭނެ ދެވަނަ ގޮތެއް ރޭވިފައި އޮންނަން ޖެހޭނެ: މޭޔަރ ޢާޒިމް

Mayor Azim: A Second Waste Disposal Method Must Be Established

މާލޭގެ މަގުތަކާއި ގޯޅިތައް ސާފުކޮށް ރީތިކޮށް ބެލެހެއްޓުމަށް، މާލެ ސިޓީ ކައުންސިލުން ކުރަމުންދާ މަސައްކަތްތަކުގެ ތެރެއިން، އިސްކަންދަރު މަގު ބިއްދޮށުގައި އޮންނަ ބޮޑު ފުޅަށްގޯޅި ގައު އަތުރާ ރީތި ކުރުމުގެ މަސައްކަތް ފަށައިފިއެވެ.

މި މަޝްރޫއަކީ މާލޭގައި ހިތްފަސޭހަ މާޙައުލެއް ގާއިމްކުރުމަށާއި ހިނގައިބިނގައިވެ އުޅޭ މީހުންނަށް ފަސޭހަ މާހައުލެއް ކުރުމަށް ޓަކައި ކައުންސިލުން ކުރިއަށްގެންދާ މުހިންމު މަސައްކަތެކެވެ. 

މި ގޯޅީގައި ގައު އަތުރައި ނިމުމުން، ގޯޅި ސާފުތާހިރުކޮށް ބޭއްވުމަށް ވަރަށް ބޮޑަށް ފަސޭހަވެގެންދާނެއެވެ. 

މާލޭގެ އެކި ސަރަހައްދުތަކުގައި ހުރި މި ފަދަ ގޯޅިތައް ރަނގަޅު ފެންވަރަކަށް ތަރައްގީކުރުމުގެ މަސައްކަތްތައް މެދުނުކެނޑި ކައުންސިލުން މިހާރު އަންނަނީ ކުރަމުންނެވެ. މީގެ ސަބަބުން މާލޭގެ މަގުތައް ރީތިވެ، ރައްޔިތުންނަށް ދިމާވާ ދަތިތަކަށް ހައްލެއް ލިބިގެންދާނެ ކަމަށް ކައުންސިލުން ފާހަގަކުރެއެވެ.

As part of Malé City Council's ongoing efforts to maintain clean and well-kept streets and alleys, paving and upgrading work has begun on Bodu Fulhah Goalhi, located behind Iskandhar Magu.

The project is an important initiative by the Council to create a pleasant environment in Malé and improve accessibility for pedestrians.

Once the paving work is completed, maintaining the cleanliness of the alley will become easier.

The Council is continuously working to develop similar alleys across different areas of Malé to a high standard. The Council noted that these efforts will improve the appearance of Malé's streets and help address challenges faced by residents.

Latest news

Latest news