ލާމަރުކަޒީ ނިޒާމުގެ ތަރައްޤީގެ ތަޞައްވުރުގެ ކާމިޔާބީގެ ފޮނި މީރުކަން  ޙާޞިލް ކުރެވޭނީ، މައި ސަރުކާރާއި، ސަރުކާރުގެ ތަފާތު އިދާރާތަކުން ރަށްފުށުގައި، ޤާއިމުކޮށްފައިވާ، އެކިއެކި ވަޞީލަތްތައް، އޭގެ އެންމެ ފުރިހަމަ ގޮތުގައި ޙިއްޞާ ކުރެވިގެން ކަމަށް މާލެ ސިޓީގެ މޭޔަރ އާދަމް ޢާޒިމް ވިދާޅުވެއްޖެއެވެ.

މޭޔަރ ޢާޒިމް މި ފަދައިން ވިދާޅުވެފައި ވަނީ، މިހާރު ކުރިޔަށްދާ ކައުންސިލް އެސޯސިއޭޝަންގެ އަހަރީ އާއްމު ކޮންފަރެންސް، 2025 ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

މޭޔަރ ޢާޒިމް ވިދާޅުވީ، ލާމަރުކަޒީ ނިޒާމުގެ ތަރައްޤީގެ ލަނޑުދަނޑިތައް ހާސިލްކުރެވޭނީ ރައްޔިތުންގެ އަތްމަތީ އޮންނަ ބާރު ވިލަރެސްކޮށް ދެމެހެއްޓުމާއެކީ، ސަރުކާރުގެ ލަނޑުދަނޑިތައް ކާމިޔާބު ކުރުމުގައި، ކައުންސިލްތަކާއި ރަށްފުށުގެ އާބާދީއަކީ، އެންމެ އަގުހުރި އެއް ވަޞީލަތްކަން ޤަބޫލުކޮށް އެ ކަމަށް ފުރިހަމަޔަށް އިޖާބަދީގެން ކަމަށެވެ.

އެ ގޮތުން މޭޔަރ ޢާޒިމް ވިދާޅުވީ، މި ނިޒާމަކީ، ވަކިވަކި ރަށްރަށާއި އަތޮޅުތަކަށް ޚާއްޞަކުރެވި، އިސްކަންދެވިގެން، އެ ބަޔެއްގެ ކަންކަން އެ ބަޔަކު އަމިއްލަޔަށް ނިންމުމުގައި، ރައްޔިތުންނާ އެންމެ ގާތުން މަސައްކަތްކުރާ ނިޒާމް ކަމުގައެވެ. 

"ކާމިޔާބު ލާމަރުކަޒީ ނިޒާމެއްގައި، އީޖާބީ ހަލުވިކަމެއް އޮންނާނެ. ޤުދްރަތީ ކާރިސާތަކުން ސަލާމަތްވުމަށް އަވަސް ފިޔަވަޅު އެޅި، ސަލާމަތާއި ރައްކާތެރިކަން ލިބި، ކަންކަން، އަވަހަށް ނިމިގެންދާނެ. ރައްޔިތުންގެ ބޭނުންތަކަކީ، ކޮބައިކަން އެންމެ ފަސޭހައިން ދެނެގަ ނެވޭ ނިޒާމަކީ ލާމަރުކަޒީ ނިޒާމް" މޭޔަރ ޢާޒިމް ވިދާޅުވިއެވެ.

މޭޔަރ ޢާޒިމް އިތުރަށް ވިދާޅުވީ، ލާމަރުކަޒީ ނިޒާމަކީ، އެކަހެރި ކުރެވިފައި އޮންނަންޖެހޭ ނިޒާމެއްނޫން ކަމަށާއި، ވަކިވެގަތުމާއި ބައިބައިވުން އެއީ، ލާމަރުކަޒީ ނިޒާމް ދަންނަ ކަމެއް ނޫން ކަމަށެވެ. އަދި ޤައުމީ ތަރައްޤީގައި އިސްކަންދޭ ތަރުތީބުގެ ތެރެޔަށް، ރަށްފުށުގެ ތަރައްޤީ ވައްދައިގެން ނޫނީ ޤައުމަށް، ދެމެހެއްޓެނިވި ކުރިއެރުމެއް، ނުހޯދޭނެ ކަމަށް ވެސް މޭޔަރ ވިދާޅުވިއެވެ. 

"މި ކަން ޙާޞިލް ކުރެވޭނީ، މައި ސަރުކާރާއި ރަށްފުށުގެ ކައުންސިލްތަކާ ދެމެދު، އިޙްތިރާމް ލިބިގެންވާ، އީޖާބީ ގުޅުމެއް ޤާއިމް ކުރެވިފައި އޮވެގެން. ޤައުމުގެ ތަރައްޤީއާއި ކުރިއެރުމުގައި، ކަނޑައެޅިފައި ހުންނަ ލަނޑުދަނޑިތަކަށް، ފަހި މުސްތަޤްބަލެއް އޮތީ، މި ފަދަ ވެއްޓެއް އުފެއްދި، އެ މަގަށް މަސައްކަތް ކުރެވިގެން" މޭޔަރ ޢާޒިމް ވިދާޅުވިއެވެ. 

މޭޔަރ ޢާޒިމް އިތުރަށް ވިދާޅުވީ، ލާމަރުކަޒީ ނިޒާމް ހަރުދަނާކޮށް، ފުރިހަމަޔަށް ހިންގައިގެން، ދިވެހި ރައްޔިތުންގެ ދިރިއުޅުމަށް ބާއްޖަވެރިކަން ހޯދޭ ފަދަ، މުސްތަޤްބަލެއް، ފެންނަން އެބައޮތް ކަމަށެވެ. 

ލާމަރުކަޒީ ނިޒާމުގެ ކާމިޔާބު ޙާޞިލް ކުރެވޭނީ، ސަރުކާރާއި ރަށްފުށުގައި ހުރި ވަޞީލަތްތައް އޭގެ އެންމެ ފުރިހަމަ ގޮތުގައި ޚިއްސާ ކުރެވިގެން: މޭޔަރ އާދަމް ޢާޒިމް

ބައިނަލްއަޤްވާމީ ދިރޭތަކެތީގެ ނަސްލުގެ ދުވަހާއި ގުޅިގެން، 2025 ވަނަ އަހަރުގެ، މޯލްޑިވްސް އެންވަޔަރަމެންޓަލް އެވެއަރނެސް ޕްރޮގްރާމް (އެމް.އީ.އޭޕީ) ކުރިއަށް ގެންދިޔުމަށް، މާލެ ސިޓީ ކައުންސިލާއި، ކްލީން މޯލްޑިވްސުން، އެމް.އޯ.ޔޫއެއްގައި ސޮއިކޮށްފިއެވެ. 

މި އެމް.އޯ.ޔޫގައި، މާލެ ސިޓީ ކައުންސިލްގެ ފަރާތުން ސޮއިކުރެއްވީ، ކައުންސިލްގެ އެކްޓިން ސެކެރަޓަރީ ޖެނެރަލް، އަބްދުލް މުހައިމިން ނަސީރެވެ. ކްލީން މޯލްޑިވްސްގެ ފަރާތުން ސޮއިކުރެއްވީ، ކޯ ފައުންޑާރ އަދި ރައީސް، ހަފްސަތު ޢަލީމެވެ. 

މި އެމް.އޯ.ޔޫގެ ދަށުން،  ތަޢުލީމީ ޕްރޮގްރާމްތަކާއި، އަދި މުޖުތްމަޢު ބައިވެރިކުރުވާ ހަރަކާތްތަކުގެ  ޒަރީޢާއިން، މާލެ ސިޓީގައި، ތިމާވެއްޓަށް ޒިންމާދާރުވުމާއި ސާފުތާހިރުކަން ދެމެހެއްޓުމުގެ ޕްރޮގްރާމްތައް ހިންގަން ވަނީ ހަމަޖެހިފައެވެ. 

ބައިނަލްއަޤްވާމީ ދިރޭތަކެތީގެ ނަސްލުގެ ދުވަސް ފާހަގަ ކުރަނީ، ކޮންމެ އަހަރެއްގެ މެއި މަހުގެ 22 ވަނަ ދުވަހުއެވެ.  

ކްލީން މޯލްޑިވްސުން މާލެ ސިޓީ ކައުންސިލާ އާއެކު އެމް.އޯ.ޔޫއެއްގައި ސޮއިކޮށްފި

މާލެ ސިޓީ ކައުންސިލުގެ، 4 ވަނަ މަދަޙަ މުބާރާތާއި ޤުރުއާން މުބާރާތުގެ ނަތީޖާ ފާޅުކޮށް، ވަނަ ޙާޞިލްކުރި ދަރިވަރުންނަށް އިނާމު ދިނުމުގެ ޖަލްސާ، 22 މޭ 2025 ވަނަ ދުވަހުގެ ރޭ 8:30  އިސްލާމީ މަރުކަޒުގެ ޖަލްސާ ކުރާ މާލަމުގައި ބާއްވައިފިއެވެ.

2025 ފެބުރުއަރީ 1އިން 9 އަށް ބޭއްވުނު ޤުރުއާން މުބާރާތައި 671 ދަރިވަރުން ބައިވެރިވިއެވެ. 2025 ފެބުރުއަރީ 10 އިން 14 އަށް ބޭއްވުނު، މަދަޙަ މުބާރާތުގައި 322 ދަރިވަރުން ބައިވެރިވިއެވެ. މި ދެ މުބާރާތް ބެހިފައިވަނީ، 6 އަހަރުންދަށް، 9 އަހަރުންދަށް، 11 އަހަރުންދަށް، 13 އަހަރުންދަށް، 16 އަހަރުންދަށް އަދި 19 އަހަރުން ދަށް، މި 6 ޢުމުރުފުރާއަށެވެ. 

ނަތީޖާ ފާޅުކުރުމަށް ބޭއްވި މި ޖަލްސާގެ ޝަރަފުވެރި މެހުމާނަކީ، މާލެ ސީޓީގެ މޭޔަރ އަލްފާޟިލް އާދަމް ޢާޒިމެވެ.	 މި ޖަލއްސާގައި އެ މަނިކުފާނު ދެއްކެވި ވާހަކަފުޅުގައި، އަޅުގަނޑުމެންނަކީ މުސްލިމުންނަށް ވުމުން، އިސްލާމް ދީން ކުރިއަރުވައި، އިސްލާމްދީނުގެ މަތިވެރި ޝިޔާރުތައް ފެތުރުމަށް މަސައްކަތް ކުރުމަކީ، ފަރުދީ ހައިސިއްޔަތުންނާއި މުއައްސަސާތަކުގެ ހައިސިއްޔަތުންނާއި ޤައުމީ ހައުސިއްތުން ވެސް ކުރަން ޖެހޭނެ ކަމެއް ކަމުގައި ވިދާޅުވިއެވެ. މި ގޮތުން އިސްލާމްދީނަށް ލޯބި ޖައްސައި، އިސްލާމީ ޝިޔާރުތައް ފަތުރައި، ދީނާ މެދު މީހުން ހޭލުންތެރި ކުރުމަށް، މާލެ ސިޓީ ކައުންސިލުން ކުރަމުންދާ މަސައްކަތްތަކުގެތެރެއިން، އެއް މަސައްކަތަކީ، ޤުރުއާން މުބާރާތާއި މަދަޙަ މުބާރާތް ބޭއްވުންކަން އެ މަނިކުފާނު ފާހަގަ ކުރެއްވިއެވެ. 

އެ މަނިކުފާނުވިދާޅުވީ، މަދަޙައިގެ ޒަރީޢާއިން ދީނީ މަޢުލޫމާތު މުއްސަނދިވެ، އީމާންތެރިކަމާއި ޢަޤީދާ ވަރުގަދަކޮށް ދޭކަމަށެވެ. ކީރިތި ޤުރުއާނަކީ އަޅުގަނޑުމެންގެ އުޅެންވީ ގޮތުގެ ދުސްތޫރު ކަމުން، ކީރިތި ޤުރުއާން އުނގެނުމާއި އުނގަންނައި ދިނުމަށް އަޅުގަނޑުމެން ނުހަނު ސަމާލުކަން ދޭންޖެހޭ ކަމަށް އެ މަނިކުފާނު ވިދާޅުވިއެވެ. މި އަދުގެ މުޖުތަމަޢުގައި، ދަރިންނަށް ކީރިތި ޤުރުއާން އުނގަންނައި ދިނުމަށް ވަރަށް ބޮޑަށް ސަމާލުކަން ދޭކަން ޚާއްޞަ ގޮތެއްގައި ފާހަގަކޮށް، އެ ކަމަށް ޓަކައި ނުހަނު އުފާކުރައްވާކަން މޭޔަރ ޢާޒިމް ހާމަކުރެއްވިއެވެ. 

''ޝައްކެއްނެތް ވަރަށް ރީތިކޮށް ކީރިތި ޤުރުއާން ކިޔަވާ ތުއްތު ކުދިންނާއި ޒުވާނުންނާއި ބޮޑެތި މީހުންނާއި ދުވަސްވީ މީހުން ވެސް، ދިވެހި މުޖުތަމަޢުގައި، މިހާރު ވަރަށް ގިނައިން އެބަތިއްބެވި. މި މުބާރާތުގައި ބައިވެރިވި ދަރިވަރުންގެ ކިޔެވުން އަޑުއަހާލުމުން ވެސް، އެ ކަން އަޅުގަނޑަށް ވަރަށް ބޮޑަށް ފާހަގަވި. އެ ކަމަށް ޓަކައި އަޅުގަނޑު ވަރަށް ބޮޑަށް އުފާކުރަން.'' މޭޔަރ ޢާޒިމް ވިދާޅުވިއެވެ. 

މޭޔަރ ޢާޒިމް ގެ ވާހަކަފުޅުގައި، މި ދެ މުބާރާތް އިންތިޒާމްކޮށް ހިންގުމުގައި އުޅުއްވި މާލެ ސިޓީ ކައުންސިލްގެ ހުރިހާ ބޭފުޅުންނަށާއި، މުބާރަތަށް އިންސާފުކޮށް ދެއްވި ފަޑިޔާރުންނަށް، ޝުކުރު އަދާކުރެއްވިއެވެ. އަދި މި އަހަރު ވެސް މި 2 މުބާރާތް އޮންނާނެކަން ހާމަކުރެއްވިއެވެ. 

ޤުރުއާން މުބާރާތުގެ ބަލައިގެން ކިޔެވުމުގެ ގޮފިން، މުޅި މުބާރާތުން 1 ވަނަ ޙާޞިލްކުރީ، އާޔަން  އަޙްމަދު  ޢިނާނެވެ. ޤުރުއާން މުބާރާތުން ،ނުބަލައި ކިޔެވުމުގެ ގޮފިން، މުޅި މުބާރާތުން 1 ވަނަ ޙާޞިލްކުރީ،  އުވައިސް ބިން ޢިނާޒެވެ. މަދަޙަ މުބާރާތުގެ މުޅި މުބާރާތުން 1 ވަނަ ޙާޞިލްކުރީ، ނަބާހަތު ނަޖާޙެވެ. 

ޤުރުއާން މުބާރާތާއި މަދަޙަ މުބާރާތުގެ ނަތީޖާ ފާޅުކޮށްފި

މާލެ ސިޓީ ކައުންސިލުން މާފަންނުގައި ތަރައްޤީކުރަމުން އަންނަ މައިޒާނަށް " މާފަންނު މައިޒާން" ގެ ނަމުން ނަން ދީފިއެވެ. 

މި ނަން ދީފައި ވަނީ، ބުދަ ދުވަހު ކުރިއަށް ދިޔަ މާލެ ސިޓީ ކައުންސިލްގެ، 4 ވަނަ ދައުރުގެ 195 ވަނަ ޖަލްސާގައި، ބައިވެރިވި ކައުންސިލް މެންބަރުންގެ ފުރިހަމަ އަޣުލަބިއްޔަތުންނެވެ. 

ކައުންސިލުން، މާފަންނުގައި، މައިޒާން ތަރައްޤީ ކުރަމުން އަންނަނީ، މާފަންނު ސަހަރާ ހުރި ބިން، އެއްކޮށް ސާފުކުރުމަށްފަހުއެވެ. 

މާފަންނު މައިޒާން ނިމޭއިރު، އެ މައިޒާނުގެ ހުޅަނގު ދެނކުނު ކަންމަތީގައި މިހާރު ހުރި ޕާކިން ޒޯން ސަރަހައްދުގައި 3 އޮން 3 ބާސްކެޓް ކޯޓެއް ތަރައްޤީ ކުރުމާއި، މަޖީދީމަގު، ތޮއްޖެހުން ކުޑަކުރުމަށް، ބަސް ސްޓޮޕް (ޕޮކެޓް) ތަރައްޤީ ކުރުމާއި 295 ސައިކަލު ޕާކް ކުރެވޭނެހެން ޕާކިން ޒޯނެއް ތަރައްޤީ ކުރުމާއި، ރަސްމިއްޔާތު ތަކާއި، ހަފްލާތައް ބޭއްވުމަށް ޚާއްޞަ ކުރެވިފައިވާ، ގްރީން އޭރިއާއެއް، ތަރައްޤީ ކުރުމުގެ އިތުރުން، ކަސްރަތުކުރުމަށް ކަނޑައެޅިފައިވާ، 496 އަކަ ފޫޓް ސަރަހައްދެއް ތަރައްޤީ ކުރުމަށް ވަނީ ހަމަޖެހިފައެވެ. 

ޖުމްލަ 36،153 އަކަފޫޓް ހުންނަ، މި މައިޒާނުގައި، ގަސް އިންދައި ފެހިކުރުމަށް، ކައުންސިލުން ތައްޔާރުވަމުން އަންނައިރު، މައިޒާނުގައި އިންދުމަށް ނިންމާފައި ވަނީ، ބޮޑަށް ހިޔާދޭ ގަސްތަކާއި ބަގީޗާ ގަސްތަކާއި މާ ގަސްތަކުގެ އިތުރުން، މޭވާއާއި ތަކުރާރީ ގަސްތަކެވެ. އަދި މި މަސައްކަތް، ފެށޭ ހަފްތާ ތެރޭގައި ފެށުމަށް ވެސް، ކައުންސިލުން މިހާރު ވަނީ ނިންމައިފައެވެ. 

މޭޔަރ އާދަމް ޢާޒިމް ވިދާޅުވީ، މި މަޝްރޫޢުގެ ސަބަބުން، މާފަނުގައި ދިރިއުޅޭ ރައްޔިތުންގެ ޢާންމު ދިރިއުޅުމަށް ވެސް، ފަސޭހަތަކެއް ލިބިގެންދާނެ ކަމަށް، ޔަގީން ކުރައްވާ ކަމަށެވެ. އަދި މައިޒާން ތަރައްޤީކުރާ ސަރަހައްދުގައި، ގަސްއިންދުމުގެ ހަރަކާތް ކުރިއަށް ގެންދާނީ، މާފަންނުގައި ދިރިއުޅުއްވާ ރައްޔިތުންގެ ބައިވެރިވުމާއެކު ކަމަށް ވެސް މޭޔަރ ޢާޒިމް ވިދާޅުވިއެވެ. 

ކައުންސިލުން ނިންމާފައިވަނީ މާފަންނު މައިޒާން ތަރައްޤީ ކުރުމަށްފަހު، މައިޒާން ހިމެނޭ ސަރަހައްދު 24 ގަޑިއިރު ބޭނުން ކުރެވޭހެން، ހުޅުވާލާފައި ބޭއްވުމަށެވެ . އަދި އެސަރަހައްދުގައި ފެންހިދުމުގެ ރަނގަޅު ނިޒާމެއް ވެސް ތަރައްޤީ ކުރުމަށް ކައުންސިލުން ވަނީ ނިންމާފައެވެ. 

Malé, Maldives – Malé City Council has officially named the public square currently under development in the Maafannu area as Maafannu Maizaan , following a vote by an absolute majority during the Council’s 195th session held on Wednesday.

The square is being developed on land cleared from a former cemetery site, and marks one of the Council’s key urban transformation initiatives aimed at enhancing public spaces.

Once completed, Maafannu Maizaan will feature several recreational and community-friendly amenities. These include a 3-on-3 basketball court in the current southwest corner parking zone, parking for 295 bicycles, and a dedicated green space for public ceremonies and gatherings. A separate 496-acre area will be designated for fitness and exercise activities.

Spanning a total of 36,153 acres, the square will also be transformed into a green hub with extensive tree planting and landscaping, as part of the Council’s broader plan to improve environmental conditions and public wellbeing. A modern irrigation system is also planned to support the greenery.

Malé City Mayor Adam Azim expressed optimism about the initiative, stating that the development of Maafannu Maizaan will significantly enhance the quality of life for residents in the area. He emphasized that community participation will be central to the project, particularly during the tree planting phase.

Work on Maafannu Maizaan is expected to begin within the next week, with the Council committing to keeping the square open 24 hours a day to ensure it remains an accessible space for all.

“This project isn’t just about urban renewal; it’s about creating shared spaces that bring people together and improve everyday life,” Mayor Azim said.

ކައުންސިލުން މާފަންނުގައި ތަރައްޤީކުރާ މައިޒާނަށް "މާފަންނު މައިޒާން"ގެ ނަމުން ނަން ދީފި

City Council Names New Maafannu Square "Maafannu Maizaan" Amid Major Development Plans

މާލެ ސިޓީގެ މޭޔަރ، އާދަމް ޢާޒިމްގެ އަރިހަށް، އެމެރިކާ ސަރުކާރުން ރާއްޖެއަށް ކަނޑައަޅުއްވާފައި ހުންނަވާ ސަފީރު، ހިއުގޯ ޔޮން އިޙްތިރާމުގެ ޒިޔާރަތެއް ކުރައްވައިފިއެވެ.

އަންގާރަ ދުވަހު މާލެ ސިޓީ ކައުންސިލް އިދާރާގައި އޮތް މި ބައްދަލުވުމުގައި، އެމެރިކާއިން  މާލެ ސިޓީއަށް އެއްބާރުލުން ދެވިދާނެ ދާއިރާތަކާ ބެހޭގޮތުން، ދެ ބޭފުޅުން މަޝްވަރާކުރެއްވިއެވެ. އަދި މީގެ ތެރޭގައި ތަރައްޤީ، ތަޢުލީމު އަދި މުޖުތަމަޢުގެ ބައިވެރިވުން ހިމެނޭ ދާއިރާތަކަށް އިސްކަން ދެއްވިއެވެ. 

މި ބައްދަލުވުމުގައި ވާހަކަފުޅު ދައްކަވަމުން، މޭޔަރ ޢާޒިމް ވިދާޅުވީ މާލެ ސިޓީގެ މޭޔަރު ކަމުގެ މަޤާމާ ހަވާލުވެވަޑައިގެން މިވީ މަދު ދުވަސް ކޮޅުގެ ތެރޭ، މާލެ ސިޓީގެ ކަންކަން ހައްލުކުރުމަކަށް ޓަކައި ގިނަގުނަ މަސައްކަތްތަކެއް ކުރައްވާފައިވާކަމަށާއި، ކުރިއަށް އޮތް ދުވަސްތަކުގައި ވެސް، އިތުރު ކަންކަން ކުރުމަށް ޕްލޭން ކުރެވިފައިވާކަމަށެވެ. 

ދިވެހިރާއްޖެއާއި އެމެރިކާއާ ދެމެދު އުފެދިފައިވާ ޒަމާންވީ ގާތް ރަހުމަތްތެރިކަމުގެ ގުޅުމުގެ މައްޗަށް އަލިއަޅުވައި ލައްވައި، މޭޔަރ ޢާޒިމް ވިދާޅުވީ، މި ދެ ޤައުމުގެ ދުވަސްވީ ގުޅުމުގެ ސަބަބުން، ދެ ޤައުމުގެ ގުޅުން އިތުރަށް ބަދަހިވެ، ދެ ޤައުމަށް ފާގަތިކަމާއި އެއްބައިވަންތަކަން ގެނެސްދޭނެ ގުޅުމަކަށް ކުރިއަށް އޮތް އަހަރުތަކުގައި ވެގެންދާނެ ކަމަށެވެ. 

މި ބައްދަލުވުމުގައި ވާހަކަފުޅު ދައްކަވަމުން އެމެރިކާގެ ސަފީރު ވިދާޅުވީ، ކުރިއަށް އޮތް ދުވަސް ތަކުގައި، މާލެ ސިޓީ ކައުންސިލާއެކު އޮތް ގުޅުން، ކުރިއަށް ވުރެ ބޮޑަށް ބަދަހިކުރައްވާނެ ކަމަށާއި ކައުންސުލުން ކުރިއަށްގެންދާ، އެކިއެކި މަސައްކަތްތަކަށް ދެވެންއޮތް އެއްބާރުލުން ދެއްވާނެ ކަމަށެވެ. 

މިބައްދަލުވުމުގައި މޭޔަރ ޢާޒިމްގެ އިތުރުން، ޑެޕިއުޓީ މެޔަރ މުޙައްމަދު އަރީޝް ވެސް ބައިވެރިވެވަޑައިގެންނެވިއެވެ. 

Malé, Maldives – United States Ambassador to the Maldives, H.E. Hugo Yon, paid a courtesy call on  Mayor of Malé City, Adam Azim, on 21st May 20225. The meeting, held at  Malé City Council, focused on exploring avenues of cooperation between the United States and Malé City in key areas such as development, education, and community engagement.

During the discussion, Mayor Azim shared his recent efforts to address urban challenges and improve the quality of life for Malé residents. He emphasized his commitment to continue driving initiatives aimed at the city’s progress. The Mayor also highlighted the longstanding friendship between the United States and the Maldives, expressing hope for even stronger bilateral ties that would foster prosperity and unity in the years ahead.

Ambassador Yon reaffirmed the United States' commitment to deepening its relationship with Malé City Council. He pledged continued support for the Council’s initiatives and expressed readiness to collaborate on a range of community-focused projects.

Also present at the meeting was Deputy Mayor Mohammed Areesh, who joined in the discussions on enhancing civic engagement and development cooperation.

The visit underscored the shared interest of both nations in strengthening local governance, promoting inclusive development, and fostering international collaboration at the municipal level.

މޭޔަރ ޢާޒިމްގެ އަރިހަށް، އެމެރިކާ ސަފީރު އިޙްތިރާމުގެ ޒިޔާރަތެއް ކުރައްވައިފި 

US Ambassador H.E Hugo Yon Pays Courtesy Call on Mayor of Malé City

ބާސެލޯ ނަސަންދުރާއާއެކު، މުނިފޫހިފިލުވުމަށާއި ވިޔަފާރީގެ ބޭނުމަށް ދަތުރުކުރާ ފަތުރުވެރިންނަށް ފެންވަރު ރަނގަޅު މަންޒިލެއްގެ ގޮތުގައި، މާލެ ސިޓީގެ ނަން އުފުލިގެން ދާނެ ކަމަށް، މޭޔަރ އާދަމް ޢާޒިމް ވިދާޅުވެއްޖެއެވެ. 

މޭޔަރ ޢާޒިމް މިފަދައިން ވިދާޅުވީ، މާލޭގެ ހެންވޭރު ކޮޅުގައި ތަރައްގީ ކޮށްފައިވާ، ފަސްތަރީގެ ހިތްގައިމު، ބާސެލޯ ނަސަންދުރާ، ރަސްމީކޮށް ހުޅުވުމުގެ ރަސްމިއްޔާތުގައި ބައިވެރިވެ ވަޑައިގަތުމަށް ފަހު، އެ މަނިކުފާނުގެ އަމިއްލަފުޅު ސޯޝަލް މީޑިއާގެ އެކައުންޓްތަކުގައި ޙިއްޞާ ކުރެއްވި ފޯސްޓެއްގައެވެ.

މޭޔަރ ޢާޒިމް ވިދާޅުވީ، ފާހަގަކޮށްލެވޭ މި ތަރައްޤީއަކީ، މާލެ ސިޓީގެ، ބަދަލުވަމުންދާ މަންޒަރުގެ އައު ބާބެއް ކަމަށެވެ. އަދި ބާސެލޯ ނަސަންދުރާއިން، ދުނިޔޭގެ ފެންވަރުގެ މެހެމާންދާރީ ފޯރުކޮށްދީ، ވަޒީފާގެ އައު ފުރުސަތުތައް އުފައްދައި، މާލެ ސިޓީގެ ވިޔަފާރިތަކަށް ކުރިއެރުން ލިބި، މުނިފޫހިފިލުވުމަށާއި ވިޔަފާރީގެ ބޭނުމަށް ދަތުރުކުރާ ފަތުރުވެރިންނަށް، ފެންވަރު ރަނގަޅު މަންޒިލެއްގެ ގޮތުގައި، މާލެ ސިޓީގެ ނަން އުފުލިގެންދާނެ ކަމަށް ވެސް މޭޔަރ ޢާޒިމް ވިދާޅުވި އެވެ. 

"މާލެ ސިޓީ ކައުންސިލާއި މާލެ ސިޓީގެ ރައްޔިތުންގެ ފަރާތުން، ބާސެލޯ ނަސަންދުރާ ގްރޫޕަށް އަޅުގަނޑުގެ ހިތުގެ އަޑިން ތަހުނިޔާ ދަންނަވަން. މި ފާހަގަކޮށްލެވޭ ތަރައްޤީއަކީ، މާލެ ސިޓީގެ ބަދަލުވަމުންދާ މަންޒަރުގެ އައު ބާބެއް " މޭޔަރ ޢާޒިމް ވިދާޅުވިއެވެ. 

މީގެ އިތުރުން މޭޔަރ ޢާޒިމް ވިދާޅުވީ، މި ހޮޓަލުން މުޖުތަމަޢަށާއި އިޤްތިޞާދަށް ކުރާނެ ހެޔޮ އަސަރުތަކަށް އިންތިޒާރު ކުރާކަމަށެވެ. 

ކުރިން ނަސަންދުރަ ޕެލަސް ހޮޓަލުގެ ނަމުގައި ހިންގި ތަނުގައި ހެދި، މި ހޮޓަލުގައި  126 ކޮޓަރި އާއި 118 ސާވިސް އެޕާޓްމަންޓް ހުރެއެވެ. 

ބާސެލޯ ނަސަންދުރާ  ހޮޓަލް ހިންގަނީ، ސްޕެއިންގެ ހޮޓެލް ޗެއިނެއް ކަމަށްވާ ބާސެލޯއިންނެވެ. ޔޫއޭއީއާއި، ތައިލެންޑާއި ޔޫރަޕްގެ ގައުމުތަކުގައި ވެސް، ހޮޓަލުގެ ވިޔަފާރި ހިންގާ ބާސެލޯ ގްރޫޕުން ރާއްޖޭގައި ހިންގާ، މިއީ ދެވަނަ ތަނެވެ. އެ ގްރޫޕުން ހިންގާ ރިސޯޓެއް އދ. އަތޮޅުގައި އޮވެއެވެ. އެއީ ބާސެލޯ ވޭލް ލެގޫން މޯލްޑިވްސްއެވެ.

ބާސެލޯ ނަސަންދުރާއެކު މާލެ ސިޓީގެ ނަން އުފުލިގެން ދާނެ: މޭޔަރ ޢާޒިމް 

މާލެ ސިޓީ ކައުންސިލްގެ ކޮމިއުނިޓީ އެންގޭޖްމެންޓް ޔުނިޓުން، މެއި މަހުގެ 11 އިން 17 ގެ ނިޔަލަށް، 305 މައްސަލައަށް އެޓެންޑް ކުރެވިފައިވާ ކަމަށް ކައުންސިލްގެ ތަފާސް ހިސާބުތަކުން ދައްކައިފި އެވެ. 

ކައުންސިލްގެ ތަފާސް ހިސާބުތަކުން ދައްކާގޮތުގައި، 192 މައްސަލަ ނިމިފައިވާއިރު  ދެވަނަ ފަހަރަށް ގޮސް ބަަލައި ޗެކްކޮށްފައި ވަނީ 113 މައްސަލައެވެ. އޭގެ ތެރެއިން ނަސޭހަތް ދެވިފައިވާ 8 މައްސަލަ އާއި ޖޫރިމަނާ ކުރެވިފައިވާ 13 މައްސަލަ ހިމެނޭ ކަމަށް ވެސް ރިޕޯޓްގައި ވެއެވެ. 

މި ރިޕޯޓްގައި ބުނެފައި ވާގޮތުން އެންމެ ގިނައީ އާންމު ޝަކުވާތަކުގެ ތެރޭގައި ހިމެނޭ، ފުރާޅު ނޫނީ ދިޔަދޮވި އަދި އެއަރ ކޮންޑިޝަން އައުޑޯރ ޔުނިޓުތަކުން މަގުތަކަށް ފެން ލީކުވުން ނުވަތަ ފެން ތިކިޖެހުމުގެ މައްސަލައެވެ. އެ ގޮތުން މި މައްސަލައިގެ 79 ޝަކުވާއެއް ވަނީ ރިޕޯޓް ކުރެވިފައެއެވެ.

ދެ ވަނައަށް އެންމެ ގިނަ ޝަކުވާ ހުށަހެޅުނު ކަމަށް މި ރިޕޯޓުގައި ފާހަގަ ކުރެވިފައި ވާނީ ކުނި މެނޭޖްކުރުމާ ގުޅޭ މައްސަލަތަކުގެ ތެރޭގައި ހިމެނޭ މަގުތަކާއި ގޯޅިތަކާއި ހުސް ބިންތަކުގައި ކުނި އަޅާފައިވާ ޖުމްލަ 74 ޝަކުވާއެއް ވަނީ ރިޕޯޓްކޮށްފައެއްވެ. މިކަން ބޮޑަށް ރިޕޯޓް ކުރެވިފައިވާނީ އާންމު ރައްޔިތުންގެ އެހީތެރިކަމާއި ބައެއް ސީސީޓީވީ ކެމެރާތައް ބެލުމަށް ފަހު ކަމަށް ކޮމިއުނިޓީ އެންގޭޖްމެންޓް ޔުނިޓުން ބުނެފައިވެއެވެ. 

މީގެ އިތުރުން ތިން ވަނައަށް އެންމެ ގިނަ ޝަކުވާގެ ގޮތުގައި ރިޕޯޓް ކުރެވިފައި ވަނީ އާންމު ރައްކާތެރި ކަމާ ގުޅޭ މައްސަލަ ތަކުގެ ތެރޭގައި ހިމެނޭ، މަގުގެ ޕޭވްމަންޓް، ކާނު، މަގުގެ ގައުތައް ނޫނީ ތާރުތައް ނެއްޓި ހަލާކުވެފައިވާ މައްސަލައެއްވެ. އެ ގޮތުން މި މައްސަލައިގެ 34 ޝަކުވާއެއް ވަނީ ރިޕޯޓްކުރެވިފައެވެ. 

ކޮމިއުނިޓީ އެންގޭޖްމެންޓް ޔުނިޓުން ތައްޔާރު ކުރި މި ރިޕޯޓްގައި ފާހަގަ ކޮށްފައިވާ 8 ކަމުގެތެރޭގައި ހިމެނެނީ ކުނިމެނޭޖް ކުރުމާ ގުޅޭ މައްސަލަ ތަކާއި އާންމު އިޖްތިމާއި މިންގަޑާއި ޚިލާފު އުސޫލްތަކުގެ މައްސަލަތަކާއި ގަވާޢިދާ ޚިލާފު ހަރަކާތްތަކާއި ވިޔަފާރީގެ އުސޫލްތަކުގެ މައްސަލަތަކާއި އާންމު ޝަކުވާތަކުގެ މައްސަލަތަކާއި އާންމު ރައްކާތެރި ކަމުގެ މައްސަލަތަކާއި އާންމު ޞިއްޙަތުގެ މައްސަލަތަކާއި ޓްރެފިކް އަދި ޕާކިން ވޮއިލޭޝަން މައްސަލަތައް އަދި  ގުދުރަތީ ތިމާވެށީގެ މައްސަލަތަކެވެ. 

ހުސްވި ހަފްތާގެ ތެރޭ ކައުންސިލްގެ ކޮމިއުނިޓީ އެންގޭޖްމެންޓް ޔުނިޓުން 305 މައްސަލައަށް އެޓެންޑް ކޮށްފި

މާލެ ސިޓީ ކައުންސިލުން ވިލިމާލޭގައި ތަރައްޤީ ކުރާ ދެ ވަނަ ހިތްފަސޭހަ މައިޒާން ހެދުމުގެ މަސައްކަތް ފަށައިފިއެވެ. 

ކައުންސިލުން، މި މައިޒާން ތަރައްޤީ ކުރަމުން އަންނަނީ  ވިލިމާލެ ފެރީޓާރމިނަލް ކުރިމަތީގައެވެ. 

މާލެ ސިޓީއަކީ ހިތް ފަސޭހަތަނަކަށް ހެދުމަށް މާލެ ސިޓީ ކައުންސިލުން ކުރަމުން އަންނަ މަސައްކަތުގެ ތެރެއިން، މިހާރުވެސް ވިލިމާލޭގެ އިތުރުން، މާލޭގައި ވެސް ހިތް ފަސޭހަ މައިޒާންތަށް ހެދުމުގެ މަސައްކަތް ކައުންސިލުން އަންނަނީ ކުރަމުންނެވެ. އެ ގޮތުން ގަލޮޅު ސަހަރާ ކުރިމަތިން އޮންނަ ހުސް ބިމުގައިޔާއި ކުރީގެ ބައިއިންޖީނުގެ ކުރިމަތިން އޮންނަ "ގަލޮޅު ސިޓީ" ޕާކުގައި ހިތް ފަސޭހަ މައިޒާނެއް އަންނަނީ ތައްރައްޤީ ކުރަމުންނެވެ.

ވިލިމާލޭގައި އިތުރު ހިތް ފަސޭހަ މައިޒާނެއް ތަރައްޤީ ކުރުމުގެ މަސައްކަތް ކައުންސިލުން ފަށާފައިވާއިރު، ދާދި ފަހުން ކައުންސިލުން ވަނީ މުޅި ވިލިމާލެ ސާފުކުރުމުގެ މަސައްކަތް، ވަކި ޕްރޮޖެކްޓެއްގެ ގޮތުގައި ފަށައިފައެވެ. މުޅި ވިލިމާލެ ސާފުކުރުމުގެ ޕްރޮޖެކްޓުގެ ދަށުން، ވިލިމާލޭގައި ކުރަމުން އަންނަ މަސައްކަތް ތަކުގެ ތެރޭގައި ހިމެނެނީ، ކާނުތައް ސާފުކުރުމާއި ވިލިމާލޭގެ ހުސް ބިންތައް ސާފުކުރުމުގެ މަސައްކަތެވެ. 

ވިލިމާލޭގެ ހުސް ބިމިންތައް ސާފު ކުރުމަށް ފަހު، ކައުންސިލުން ނިންމާފައި ވަނީ، އެ ބިންތަކުގައި، ހިޔާދޭ ގަސްތަކާއި ބަގީޗާ ގަސްތަކާއި މާ ގަސްތަކުގެ އިތުރުން، މޭވާއާއި ތަކުރާރީ ގަސްތައް ވެސް އިންދުމަށެވެ. 

ވިލިމާލޭގައި ތަރައްޤީ ކުރާ ދެ ވަނަ ހިތްފަސޭހަ މައިޒާން ހެދުމުގެ މަސައްކަތް ފަށައިފި

ރާއްޖެއަށް ތަޢާރަފުވެފައިވާ ލާމަރުކަޒީ ނިޒާމް ފުރައި ފުރިހަމަވެ ފައްކާ ވެގެން ދާއިރު، އެ ނިޒާމަށް އަންނަޖެހޭނެ ކަމަށް ދެކޭ އެންމެ ބޮޑު ބަދަލަކީ، ކައުންސިލްތަކަށް އިޤުތިޞާދީ ބާރުވެރިކަން ލިބުން ކަމަށް މާލެ ސިޓީގެ މޭޔަރ އާދަމް ޢާޒިމް ވިދާޅުވެއްޖެއެވެ. 

މޭޔަރ ޢާޒިމް މިފަދައިން ވިދާޅުވެފައި ވަނީ ހައްދުންމަތީ އަތޮޅުކައުންސިލްގެ 4 ވަނަ ދައުރުގެ 4 ވަނަ އަހަރު ނިމުން ފާހަގަކުރުމަށް ބޭއްވި ޖަލްސާ ޝަރަފްވެރިކޮށްދެއްވާ ވާހަކަފުޅު ދައްކަވަމުންނެވެ. 

މޭޔަރ ޢާޒިމް ވިދާޅުވީ، ދުނިޔޭގެ ގިނަ ޤައުމުތަކުގައި ލާމަރުކަޒީ ނިޒާމަށް ވެރިކަން ކުރަން ފެށުނީ 1970 ގެ އަހަރުތަކުގައި ކަމަށާއި  ޤައުމުތަކުގައި މި ނިޒާމު ތަޢާރަފު ކުރަން ޖެހުނު މައިގަނޑު ސަބަބަކީ، ތަރައްޤީ ވަމުންދިޔަ ޤައުމުތަކުގައި، މައި ސަރުކާރުގެ ދަށުގައި ހުރިހައި ބާރެއް އޮވެގެން ހިނގަމުން ދިއުމުން، ސިޔާސީ ގޮތުންނާއި އިޤުތިޞާދީ ގޮތުންނާއި ފިކުރީ ގޮތުން، ރައްޔިތުން އެދޭ ހަލުއި މިނުގައި ތަރައްޤީ ވަމުން ނުދިއުމުން، މި ނިޒާމަށް ބަދަލުކުރުމަށް ރައްޔިތުން ބާރުއަޅަން ފެށި ކަމަށެވެ. 

"މީގެ ނަތީޖާ މި ޤައުމުތަކުން ފެނުނީ ވަރަށް އުޖާލާކޮށް. މީގެ ސަބަބުން މަދު އިޤުތިޞާދީ ވަޞީލަތްތައް ބޭނުންކޮށްގެން، ރައްޔިތުންގެ ބޭނުންތައް ފުދޭ ގޮތަށް މަޝްރޫޢުތައް ހިންގަން ފެށުނު. ދެ ފުށް ފެންނަ ސިޔާސަތެއް ކަނޑައެޅި، ޚިދުމަތް ދޭން ތިބި މީހުންނާ މެދު ރައްޔިތުން ފާރަވެރުމުގެ ފުރުޞަތު ލިބުނު.މީގެ ސަބަބުން ކޮރޮޕްޝަންނަށް ހުޅުވިގެންދާ ދޮރުތައް މަދުކުރެވުނު. އަދި ރައްޔިތުން ދައްކާ ޓެކްސް ފައިސާ ޚަރަދު ކުރެވޭގޮތް، ރައްޔިތުންނަށް ގާތުން ފެންނަން ފެށި" މޭޔަރ ޢާޒިމް ވިދާޅުވި އެވެ. 

މޭޔަރ ޢާޒިމް ވިދާޅުވީ ޢުމުރުގެ ގޮތުންނާއި  ޙަޟާރަތުގެ ގޮތުން ދިވެހި ރާއްޖެ ކިތަންމެ ދޮށި ނަމަވެސް މަލްޓިޕާޓީ، ޑިމޮކްރަސީ އުފަންވިތާ އަދި މިވަނީ 16 ވަރަކަށް އަހަރު ކަމަށާއި ޢުމުރުގެ ކިރިޔާ އަދި ތަޞައްރަފު މި ފުދުނީ ކަމަށެވެ. އަދި ދުނިޔޭގައި މިވަގުތު ވެރިކަން ކުރަމުންދާ 13 ނިޒާމުގެތެރެއިން އެންމެ ގިނަ ގައުމުތަކުގައި ވެރިކަން ކުރަމުންދާ ނިޒާމަކީ މަލްޓިޕާޓީ ނިޒާމް ކަމަށް މޭޔަރ ޢާޒިމް ވިދާޅުވި އެވެ. 

" 35% ޤައުމުގައި ވެރިކަން ކުރަނީ މި ނިޒާމަށް. މިއީ ރައްޔިތުންނާ ގާތުން، ރައްޔިތުންގެ މަޝްވަރާ ހޯދައިގެން، ރައްޔިތުންގެ ބޭނުންތަކަށް އިސްކަން ދީގެން ވެރިކަން ކުރުމުގެ ނިޒާމު. " މޭޔަރ ޢާޒިމް ވިދާޅުވި އެވެ. 

މޭޔަރ ޢާޒިމް ވިދާޅުވީ ރާއްޖޭގެ ވެރިކަން މަލްޓިޕާޓީ ނިޒާމު ބަދަލުވެގެން އައިއިރު، ލިބުނު އެންމެ ބޮޑު ހިތްހަމަޖެހުމަކީ، އެ ނިޒާމުގެ ތެރެއިން އުފަންވި ލާމަރުކަޒީ ނިޒާމު ކަމަށާއި ލާމަރުކަޒީ ނިޒާމު ތަޢާރަފު ކުރެވުނީ، މި ފަދަ ކޮންމެ ކަމެއް ވެސް އަލަށް ތަޢާރަފުވާއިރު އުފެދޭ އަދި އުފެދޭނެ ޝައްކާއި ވަހުމުގެ ތެރެއިން ކަމަށެވެ.

މޭޔަރ ޢާޒިމް ވިދާޅުވީ، ލާމަރުކަޒީ ނިޒާމަށް ޤައުމުތައް ހިންގުމަކީ ނުވަތަ ރަށްތަކާއި ސިޓީތައް ހިންގުމަކީ، ރާއްޖޭގައި ތަންކޮޅެއް ފަހުން ފެށި ކަމަކަށް ވިޔަސް، ދުނިޔޭގައި މި ނިޒާމަށް ވެރިކަން ކުރަމުން އަންނަތާ ލައްކަ ޒަމާން ވެއްޖެ ކަމަށެވެ.

ލާމަރުކަޒީ ނިޒާމަށް އަންނަޖެހޭ އެންމެ ބޮޑު ބަދަލަކީ، ކައުންސިލްތަކަށް އިޤުތިޞާދީ ބާރުވެރިކަން ލިބުން: މޭޔަރ ޢާޒިމް 

ތިލަދުންމަތީ އުތުރުބުރީ އުތީމު ކައުންސިލުން، މާލެ ސިޓީ ކައުންސިލާ ބައްދަލިކޮށްފި އެވެ. 

މި ބައްދަލުކުރެއްވުން އޮތީ، ބުދަ ދުވަހު މާލެ ސިޓީ ކައުންސިލް އިދާރާގައެވެ. މި ބައްދަލުވުމުގައި މޭޔަރ އާދަމް ޢާޒިމް އާއި ޑެޕިއުޓީ މޭޔަރ މުޙައްމަދު އަރީޝްގެ އިތުރުން ހުޅުމާލެ ދާއިރާގެ ކައުންސިލަރު އަލީ ޢައިމަން ބައިވެރިވެވަޑައިގެންނެވިއެވެ. 

މި ބައްދަލުކުރުމުގައި، ދެ ފަރާތުން ވެސް މަޝްވަރާކުރައްވާފައި ވަނީ، ދެ ކައުންސިލް ގުޅިގެން ކުރެވިދާނެ ކަންތައްތަކާ ބެހޭ ގޮތުންނެވެ.

މި ބައްދަލުވުމަށް ފަހު މޭޔަރ ޢާޒިމް ވިދާޅުވީ، ރާއްޖޭގެ ސިޓީ ތަކާއި، އަތޮޅު ކައުންސިލްތަކުގެ މެމްބަރުންނާއި އަދި ރަށު ކައުންސިލްތަކުގެ މެމްބަރުންނާ ބައްދަލުކުކުރުމަށް ލިބޭ ކޮންމެ ފުރުޞަތަކީ، ނުހަނު އުފަލާއެކު ބަލައިގަންނަ ފުރުޞަތެއް ކަމަށެވެ. އަދި އުތީމު ކައުންސިލަށް، މާލެ ސިޓީ ކައުންސިލްގެ ފަރާތުން ކޮށްދެވެން އޮތް ކަމެއް ނަމަ، އެ ކަންކޮށްދެއްވާނެ ކަމަށް މޭޔަރ ޢާޒިމް ވިދާޅުވިއެވެ. 

އުތީމު ކައުންސިލުން މާލެ ސިޓީ ކައުންސިލާ ބައްދަލުކޮށްފި

ރައްޔިތުންގެ ސަލާމަތާއި ރައްކާތެރިކަން ނުބެލެހެއްޓޭ ނަމަ މާލެ އާއި ހުޅުލެއާ ދެމެދު އަޅާފައިވާ "ސިނަމާލެ ބްރިޖް" މާލެ ސިޓީ ކައުންސިލާ ހަވާލު ކުރުމަށް ކުރުމަށް ގަލޮޅު އުތުރު ދާއިރާގެ ކައުންސިލަރު މުޙައްމަދު ސައިފް ފާތިހު ގޮވާލައިފިއެވެ. 

ސިނަމާލެ ބްރިޖް މިހާރު ބަލަހައްޓަމުން އަންނަނީ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިންނެވެ. ސައިފް މި ކަމަށް ގޮވާލެއްވީ ބުދަ ދުވަހު ބޭއްވުނު، މާލެ ސިޓީ ކައުންސިލްގެ 4 ވަނަ ދައުރުގެ 194 ވަނަ ޖަލްސާގައެވެ. ސައިފް މި ކަމަށް ގޮވާލެއްވިއިރު، ފަހަކަށް އައިސް ސިނަމާލެ ބްރިޖްގައި ގިނަ ސީރިއަށް އެކްސިޑެންޓްތައް ވަނީ ހިނގާފައެވެ. 

ސައިފް ވިދާޅުވީ، ގިނަ މީހުން ބްރިޖް މަތީ ސައިކަލް ދުއްވަނީ ބާރު ސްޕީޑުގައި ކަމަށާއި އެހެން ކަމުން ފަހަކަށް އައިސް ބްރިޖް މަތީގައި ހިނގާ އެކްސިޑެންޓްތައް ގިނަވެ، އެތައް ބަޔަކަށް ސީރިޔަސް އަނިޔާތަކެއް ލިބެމުން އަންނަ ކަމަށެވެ.

" ބްރިޖަށް އަރައި ބާރަށް ދުއްވީމަ ތިމާގެ ފުރާނަ އެކަންޏެއް ނޫނޭ އަތަށް ލައިގެން އެ ދުއްވެނީ. ގިނަ ފަހަރަށް މިވާ ގޮތަކީ، މަޑުން ދުއްވާ މީހާގެ ސައިކަލުގައި ޖެހިފަ އޭނަ ބުރައިގެން ގޮސް ބޮޑެތި އަނިޔާތައް މި ލިބެނީ. " ސައިފް ވިދާޅުވިއެވެ. 

ސައިފް ވިދާޅުވީ، ބްރިޖް މަތީ ހުންނަ ކެމެރާތައް މަސައްކަތް ނުކުރާ ކަމަށް ފުލުހުން ބުނާއިރު، ބްރިޖް މަތީ ދުއްވަންވީ މިންވަރު އެންގުމަށް ހަރުކޮށްފައިހުންނަ، ބޯޑުތައް ވެސް ހުރީ ކުލަ ވެއްޓިފައި ކަމަށެވެ. 

" ވަރަށް ފަހުން ވެސް، އަޅުގަނޑު ނޭބާއެއް، އޭނަގެ ކާފަ ދަރިފުޅު ގޮވައިގެން ސްކޫލު ނިންމާފަ ދަނިކޮށް، ނިކުތް އެއްޗަކުން ޖެހިފައި އެ ދެ ބަފައިން ބުރައިގެން ދިޔައީ. ދެ ބައިފައިންނަށް ވެސް ބޮޑެތި އަނިޔާތަކެއް ވަނީ ލިބިފަ. މި ދައްކަނީ މީހުންގެ ފުރާނައިގެ ވާހަކަ.  އަޅުގަނޑުމެންނަށް މީހުންގެ ފުރާނަ މުހިންމު ނުވާނަމަ މި ކަންތައް ކުރުމުގެ ބޭނުމެއް ނެތް." ސައިފް ވިދާޅުވި އެވެ. 

ސައިފް ވިދާޅުވީ، ދާދި ފަހުން ގަލޮޅު ހުޅަނގު ދާއިރާގެ ކައުންސިލަރު، މަރިޔަމް ނާޘިމާ މުހައްމަދު ފާއިޒް، ބްރިޖްމަތިން އެކްސިޑެންޓު ވެގެން، އެ ތަނުގައި ހުރި ކެމެރާގެ ފްޓޭޖް ހޯދުމަށް ފުލުހުން ގާތު އެދުނު ކަމަށެވެ. ފުލުހުން ވިދާޅުވީ، އެ ތަނުގައި ހުރި ކެމެރާ ހުރީ މައްސަލަ ޖެހިފައި ކަމަށެވެ.

ސައިފް ވިދާޅުވީ އެއް އިރެއްގައި ގިނަ ޢަދަދަކަށް، ޓްރެފިކް ޕޮލިހުން ބްރިޖް ބަލަހައްޓަމުން ދިޔަ ކަމުގައި ވިޔަސް، މިހާރު ބްރިޖް މަތިން އެ ކަން ނުފެންނަ ކަމަށެވެ. 

"އަޅުގަނޑު މި ދަންނަވާ ވާހަކައަކީ ބުރިޖު މަތީގައި،  90 ކިލޯ މީޓަރު، 100 ކިލޯ މީޓަރު ބާރު މިނުގައި ދުއްވާފަ ބުރިޖުން ފައިބައިގެން ދާއިރު، އޭނާ ހިފަހައްޓާނެކަން އޭނާއަށް އެނގެން ޖެހޭނެ. އެ ބާރު މިނުގައި ދުއްވާފަ ބުރިޖުން ފައިބައިގެން ނުދެވޭނެކަން އޭނާއަށް އެނގެން ޖެހޭނެ. އޭނަގެ ލައިސަންސް ވަގުތުން ހިފެހެއްޓެން ވާނެ. އޭނަގެ ވެހިކަލް ހިފެހެއްޓެން ޖެހޭނެ. " ސައިފް ވިދާޅުވިއެވެ. 

ސައިފްގެ ވާހަކަ ފުޅަށް ތާއިދު ކުރައްވައި މާލެސިޓީގެ މޭޔަރ އާދަމް ޢާޒިމް ވިދާޅުވީ، ރައްޔިތުންގެ ރައްކާތެރިކަން ކަށަވަރު ކުރުމަށް ފުލުހުނާއެކު، މިހާރު ވެސް މަޝްވަރާ ކުރަމުން އަންނަ ކަމަށާއި އަދި ވެސް އެކަމަށް މަސައްކަތް ކުރައްވާނެ ކަމަށެވެ. 

ރައްޔިތުންގެ ސަލާމަތާއި ރައްކާތެރިކަން ނުބެލެހެއްޓޭ ނަމަ ސިނަމާލެ ބްރިޖް މާލެ ސިޓީ ކައުންސިލާ ހަވާލު ކުރުމަށް ކައުންސިލަރު ސައިފް ގޮވާލައިފި

މާލެ ސިޓީ ސާފު ތާހިރުކޮށް ބޭއްވުމަށް، މާލެ ސިޓީ ކައުންސިލުން ހިންގާ "ޗާލު މާލެ" ކެމްޕެއިންގެ އެމްބެސެޑަރަކަށް "ޓޫ އޮފް އަސް" ބޭންޑް ހަމަޖެއްސުމަށް، މާލެ ސިޓީ ކައުންސިލުން ފާސްކޮށްފިއެވެ. 

ކައުންސިލުން މި ކަން ފާސްކޮށްފައި ވަނީ، ބުދަ ދުވަހު ބޭއްވުނު، މާލެ ސިޓީ ކައުންސިލްގެ 4 ވަނަ ދައުރުގެ 194 ވަނަ ޖަލްސާގައި ބައިވެރިވެވަޑައިގެންނެވި ކައުންސިލަރުންގެ އިއްތިފާގުންނެވެ. 

ޖަލްސާގައި ވާހަކަ ފުޅުދައްކަވަމުން، މާލެ ސިޓީގެ މޭޔަރ އާދަމް ޢާޒިމް ވިދާޅުވީ، މާލެ ސިޓީ ސާފު ތާހިރުކޮށް ބޭއްވުމަށް ގިނަ މަސައްކަތްތަކެއް މިހާރު ވެސް ކުރެވޭ ކަމަށާއި އެ ކަމަށް ގިނަ ޚަރަދު ތަކެއް ވެސް ހިނގާ ކަމަށެވެ. އެހެން ކަމުން މި މަސައްކަތުން އެންމެ ފުރިހަމަ ނަތީޖާ ނެރުމަށް ޓަކައި އެވެޔާނަސް ކެމްޕެއިންތަކެއް ހިންގައިގެން، މަގުތަކަށާއި ޕާކުތަކަށާއި ހުސްބިންތަކަށް ކުނި އެޅުން މަދުކުރެވޭނެ ކަމަށް ދެކެވަޑައިގަންނަވާ ކަމަށް، މޭޔަރ ޢާޒިމްގެ ވާހަކަ ފުޅުގައި ފާހަގަ ކުރެއްވިއެވެ. 

"މާލެ ސިޓީ ރީއްޗަށް ބޭއްވުމަށް ޓަކއި، 60،50 މިލިޔަން ޚަރަދު ކުރެވޭ. މިއީ އަސްލު ކައުންސިލްގެ ބަޖެޓަށް ކެތްވާވަރު ޚަރަދުތަކެއްނޫން. އަޅުގަނޑުމެން މަސައްކަތް މި ކުރަނީ އެކި ގޮތް ގޮތުން އެވެޔާނަސް ޕްރޮގްރާމްތައް ހިންގައިގެން ވެސް ކުނި އެޅުން މަދުކުރެވޭތޯ. ކުނިއެޅުން ހުއްޓުވޭތޯ. އަޅުގަނޑުމެން އަމާޒަކީ ހުއްޓުވުން." މޭޔަރ ޢާޒިމް ވިދާޅުވިއެވެ. 

މޭޔަރ ޢާޒިމް ވިދާޅުވީ، މި އެވެޔާނަސް ކެމްޕެއިން ކުރިއަށް ގެންދިއުމަށް ރާއްޖޭގެ މަޝްހޫރު މިއުޒިކް ބޭންޑް ޓޫ އޮފް އަސް ބޭންޑާ މިހާރު ވާހަކަ ދެކެވި، އެ ބޭންޑާއެކު އެއްބަސް ވުމަކަށް ވެސް އާދެވި، މި އެވެޔާނަސް ކެމްޕެއިންގައި ބައިވެރިވާން ހަމަޖެހިފައިވާ ކަމަށެވެ. އަދި މިއީ އެ ބޭންޑަށް ފައިސާ ދީގެން ކުރާ ކަމެއް ނޫން ކަމަށާއި މި ކަމުގައި ފައިސާގެ އެއްވެސް މުޢާމަލާތެއް ނެތް ކަމަށް ވެސް މޭޔަރ ޢާޒިމް ވިދާޅުވިއެވެ.  

ޓޫ އޮފް އަސް ބޭންޑު ވަނީ، ދާދިފަހުން އިންޑިޔާގައި ކުރިއަށް ދިޔަ އިންޑިއާގެ "ބެޓްލް އޮފް ދަ ބޭންޑްސް އިންޓަނޭޝަނަލް"ގެ ދެވަނަ ރަނަރަޕް އެވޯޑް ހޯދައި ރާއްޖޭގެ ތާރީޚުން ޖާގަ ހޯދައިފައެވެ. އެ ގޮތުން އެ މުބާރާތުގައި، ޓޫ އޮފް އަސް ބޭންޑް މުޅިންހެން ފެނިފައި ވަނީ، ދިވެހިރާއްޖޭގެ ސަޤާފަތާއި ދިވެހީންގެ އާދަކާދައިގެ ވާހަކަތަކުގެ މައްޗަށްކަން ފާހަގަ ކުރެވުނެއެވެ. މި ބޭންޑުގައި ޖުމްލަ ފަސް މެމްބަރުން ހިމެނެއެވެ. 

Male' City Council has officially appointed the popular music group Two of Us as the ambassadors of the “Chaalu Male” campaign, a public awareness initiative aimed at promoting cleanliness across the city.

The decision was made during the 194th meeting of the 4th session of  Male' City Council, held on Wednesday. The resolution was passed unanimously.

Speaking at the session, Mayor Adam Azim highlighted the ongoing efforts to maintain a clean environment in Male' City. He noted that while considerable work is already being carried out, public awareness remains crucial in reducing littering in streets, parks, and open spaces.

“We are spending 60.5 million to keep the city clean, which is a significant portion of the total council budget,” said Mayor Azim. “Our ultimate goal is to eliminate littering entirely, and to achieve that, we must change public behavior. Awareness campaigns like 'Chaalu Male' will be crucial in helping us reach this goal.”

Mayor Azim also announced that an agreement has been reached with the band Two of Us to support the campaign. Importantly, he clarified that there will be no financial transactions involved, as the band has agreed to participate voluntarily.

The Two of Us band recently brought pride to Maldives by winning second runner-up at the Battle of Bands International. Their performance, which focused on the culture and customs of Maldives earned wide acclaim. The band is composed of five members and continues to rise in popularity.

 City Council expressed confidence that their involvement will help inspire younger generations and foster greater civic responsibility among residents.

Latest news

Latest news