މާލެ ސިޓީއަށް ކުރިމަތިވެފައިވާ ކަރަންޓާއި ފެނާއި ނަރުދަމާއާއި އަދި ކުނީގެ މައްސަލަ ޙައްލުކުމަށް، ސްޓެލްކޯ. އެމް.ޑަބްލިޔު.އެސް.އީ ވެމްކޯއާ މަޝްވަރާ ކުރުމަށް ނިންމާފައިވާ ކަމަށް، މާލެ ސީޓީގެ މޭޔަރ އާދަމް ޢާޒިމް ވިދާޅުވެއްޖެއެވެ. އެ މަނިކުފާނު މި ފަދައިން ވިދާޅުވީ، މާލެސިޓީ ކައުންސިލްގެ 4 ވަނަ ދައުރުގެ 160 ވަނަ ރަސްމީ ޢާއްމު ޖަލްސާގައި ވާހަކަފުޅު ދައްކަވަމުންނެވެ.
އެ މަނިކުފާނު ވިދާޅުވީ، މާލެސިޓީއަށް ޢާއްމު ޚިދުމަތްތައް ފޯރުކޮށް ދެއްވަމުންގެންދަވާ، ސްޓެލްކޯއާއި އެމް.ޑަބްލިޔު.އެސް.އީއާއި ވެމް ކޯއިން ވެސް، އެ ކުންފުނިތަކުން، މާލެ ސިޓީއަށް ފޯކޮށްދެއްވަމުން ގެންދަވާ ޚިދުމަތް އިތުރަށް ތައްރައްޤީ ކުރުމަށް ބިން ބޭނުންވާތީ، އެ ކަން ހުށަހަޅުއްވާފައިވާ ކަމަށެވެ. އެހެން ކަމުން މި ކަން ކުރިޔަށް ގެންދާނެ ގޮތަކާ ބެހޭގޮތުން، އެ ކުންފުނިތަކާ މަޝްވަރާކުރުމަށް، ބައްދަލުވުމެއް ބާއްވަން ނިންމަވާފައިވާކަން، މޭޔަރ އާދަމް ޢާޒިމް ހާމަކުރެއްވިއެވެ.