1 ސެޕްޓެމްބަރ 2024 ގައި ފާހަގަކުރަމުންދާ، މާމަ ކާފަ މެންގެ ދުވަސް ފާހަގަ ކުރުމަށް، މާލެސިޓީ ކައުންސިލުން އިންތިޒާމް ކޮށްގެން ސަލްޓަމްޕާކުގައި ބޭއްވި ބައްދަލުވުމުގައި، މޭލެ ސިޓީގެ މޭޔަރ އާދަމް ޢާޒިމް ބައިވެރިވެ ވަޑައިގެންފިއެވެ. މި ބައްދަލުވުން އޮތީ، ރަސްރަނި ބަގީޗާގައި މި އަދު 4.00 އިން 5.30 އަށެވެ. މި ބައްދަލުވުމުގައި އިސްރަށްވެހިންގެ ނާދީގެ މެމްބަރުންނާއި މާލެ ސިޓީގައި ދިރިއުޅުއްވާ މާމަ ކާފަ މެން ބައިވެރިވެލެއްވިއެވެ.
މި ބައިދަލުވުމުގައި ބައިވެރިވެލެއްވި މާމަ ކާފަ މެންނާ މާލެ ސިޓީގެ މޭޔަރ ބައްދަލުކޮށް، އެ ބޭފުޅުންގެ ޙާލު އައްސަވައި އެ ބޭފުޅުންނާއެކު ގިނަ ވަގުތުތަކެއް ހޭދަ ކުރެއްވިއެވެ. ކޮންމެ މީހެއްގެ ވެސް ދިރިއުޅުގެ އެންމެ ފޮނި ހަނދާންތަކަކީ މާމަ ކާފަ މެންގެ ނަސޭޙަތާއި އިރުޝާދާއި ތަޖުރިބާއާއި ލޯތްބާއި ކުލުނުން ފުރިގެންވާ ފިރުމުންތައް ކަމަށް ވާތީ، މާލެ ސިޓީއަކީ، މާމަ ކާފަމެންނާއި ޢުމުރުން ދުވަސްވީ މީހުންނަށް ވެސް، ހިތް ހަމަޖެހޭ، ހިތް ފަސޭހަ، އާމާން ސިޓީއަކަށް ހެއްދެވުމަށް މަސައްކަތް ކުރައްވަމުންގެންދަވާ ވާހަކަ މޭޔަރު ވިދާޅުވިއެވެ.