މާލެ ސިޓީ ކައުންސިލުން ކުރަމުންދާ މަސައްކަތްތައް ހަރުދަނާ ކުރުމަށް ކުރައްވަމުންގެންދަވާ މަސައްކަތް، މާލެ ސިޓީގެ މޭޔަރ އާދަމް ޢާޒިމް ހާމަކުރައްވައިފިއެވެ. އެ މަނިކުފާނު މި ކަން ހާމަކުރެއްވީ، ރާއްޖެ ޓީވީގެ ފަށާއިރު ޕޮރްގްރާމުގައި ވާހަކަ ފުޅު ދައްކަވަމުންނެވެ.
އެ މަނިކުފާނު ވިދާޅުވީ، ގަރާޖު ސިޓީގެ މައްސަލަ ހައްލުކޮށް، ޤާނޫނާ ޤަވާޢިދާ އެއްގޮތްވާ ގޮތުގެ މަތިން، ގަރާޖުސިޓީ ދޫކުރުމުގެ މައްސަކަތް ކުރައްވަމުން ގެންދަވާ ކަމަށެވެ. މޭޔަރު ވިދާޅުވީ ޤާނޫނާ ޤަވާޢިދު ހެދިފައި ހުންނަނީ އެންމެންގެ ލާބަޔާއި މަންފާއަށް ޓަކައި ކަމަށެވެ. އެހެންކަމުން ޤާނޫނާ ޤަވާޢިދާ ޚިލާފަށް ދޫކޮށްފައި ހުރި ގަރާޖު ސިޓީތަކަށް ޢަމަލު ނުކުރައްވަން ނިންމަވާފައި ވަނީ މި ސަބަބާހެދިކަން ޢާޒިމް ފާހަގަ ކުރެއްވިއެވެ. މޭޔަރ ޢާޒިމް ވިދާޅުވީ، މާލޭގައި ރަށްވެހިވެފައިވާ ކޮންމެ މީހަކަށް، ގަރާޖު ސިޓީއެއް ދޭންޖެހޭ ކަމަށް، ބައެއް މީހުންނަށް ވިސްނިފައި އޮންނަ ކަމަށާއި ނަމަވެސް ގަރާޖު ސިޓީއަކީ ގަރާޖެއް އޮވެ، އެ ގަރާޖު ދެއްކުމުން ދޫކުރަން ޖެހޭ އެއްޗެއްކަން ޢާޒިމް ފާހަގަކުރެއްވިއެވެ.
ޤާނޫނާއި ޤަވާޢިދާ ޚިލާފަށް ހިނގަމުންދާ ކަންތަތަކާ މެދު އަޅާނުލައި ހިނގާނެ ގޮތަށްކަށް ހިނގުމަށް ދޫކޮށްލާފަ، ރައްޔިތުން ގާތަށް ވޯޓް ހޯދަން ދާން އެ މަނިކުފާނު ބޭނުންފުޅު ނުވާކަމަށް ޢާޒިމް ވިދާޅުވިއެވެ. ޤާނޫނާ ޚިލާފަށް ކަންތައްތައް ކުރުން އެއީ ރައްޔިތުން ބޭނުންވާ ގޮތްކަމަށް ވާނަމަ، އެ އުސޫލުން ރައްޔިތުންނަށް ޚިދުމަތް ކުރެއްވުމަށް، އެ މަނިކުފާނު ބޭނުންފުޅު ނުވާކަމަށް މޭޔަރ ޢާޒިމް ވިދާޅުވިއެވެ.
މި ޕޮރްގްރާމުގައި ވާހަކަފުޅު ދައްކަވަމުން މާޔަރ ޢާޒިމްވަނީ މާލޭ ސިޓީގެ ބައެއް ސަހަރާތަކަށް ބަދަލު ގެންނެވުމަށް ނިންމާފައިވާ ކަމަށާއި އެ ބަދަލު ގެންނަވަނީ، ފަތުވާ މަޖިލީހުގެ ލަފާޔާ އިރުޝާދުގެ މަތިންކަން ފާހަގަ ކުރައްވާފައެވެ. މީގެ ކުރިން ވެސް މާލޭގެ ބައެއް ސަހަރާތަކަށް މި ފަދަ ބަދަލު ގެނެސްފައިވާކަން މޭޔަރ، ހެއްކާއެކު ފާހަގަ ކުރެއްވިއެވެ. މާފަންނު ސަހަރާއަށް ބަދަލުގެންނަން ނިންމަވާފައިވަނީ، މާފަންނުގައި ދިރިއުޅޭ ރައްޔިތުން ހިތްހަމަ ޖައްސާލަން ނުކުމެލާނެ ތަނެއް ނެތުމުން، އެ ފަދަ ތަނެއް ހައްދަވައި ދެއްވުމަށް ކަމަށް މޭޔަރ ވިދާޅުވިއެވެ.